Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Ilaqutariinnik katsorsaassoq
Avannaata Kommunia
Ikkunneqarpoq: 24-05-2024
Piffissaq atuuffissaa naassaaq: 24-06-2024
Suliffissamut ID normut: LJA-85500017
Atorfeqarnermi atugassarititaasut: Tamakkiisoq
Suliassaqarfik: Allat
Ilaqutariit ikiornissaminnik pisariaqartitsisut ikiortariaqartullu ikiornissaannik soqutiginnippit? Taamaassimappat immaqa illit tassaavutit ujartugarput.
Avannaata Kommuniani Ilaqutariit illuat ilulissat, ilaqutariinnik katsorsaasumik, ilaqutariinnik sullisserusuttumik pissarsiorpoq ullormiit 01. juli 2024 isumaqatigiissuteqarnikkulluunniit ulloq alla sulilersinnaasumik.
Kommunemi tamarmi ilaqutariinnik katsorsaasut allat, isumaginninnermik siunnersortit tarnillu pissusaanik immikkut ilisimasallit suleqatigisassavatit; taakku qitiusumik ilaqutariit pinaveersaartitsiviullu illuanni nutaami Ilulissani inissisimasumi sulliveqarput. Immikkoortortaqarfimmi pisortaq qaninnertut pisortarissavat.
Suliassat akisussaaffiillu ilaatigut makkuussapput:
- Ilaqutariinnik katsorsaasup sullissisoq qanimut suleqatigalugu ilaqutariinnik, ilaqutariittut katsorsartinnissaminnut innersuussanik, aqqutissiuussillunilu siunnersuisassaaq.
- Perorsaaneq isumassuineq, ilaqutariit iluini attaveqartarneq, ilaqutariit iluini inoqutaasut inissisimaffii, inuusuttuaqqat ajornartorsiutaat assigisaallu pillugit siunnersuineq aqqutissiuussinerlu.
- Ilaqutariit sullissisullu suleqatigalugit isumaqatigiissusiornermi peqataaneq. Isumaqatigiissut makkuninnga imaqartassaaq: ilaqutariit sutigut sullinneqassanersut, ilaqutariinnik katsorsaasup inissisimaffia, immikkuualuttut aamma piffissarititat. Taakkua saniatigut iliuusisatit pilersaarutip ilaa ingerlaavartumik nalilersorneqartassaaq.
- Ilaqutariit inuuneri aallaavigalugit ulluinnarni inuunerminni aaqqissuusinissaannut ikiorsiineq.
- Ilaqutariit suleqatigalugit aaqqiagiinngissutinik aaqqeeriarsinnaanerinut periutsit assigiinngitsut atorlugit siunnersuineq.
- Angerlasimaffimmi pissutsit aallaavigalugit pisarialinnik ikiorsiineq.
- Meeqqat ilaqutariillu ataatsimoorussamik ajornartorsiutaannik aaqqiissutaasinnaasunik suliniutinik aallartittoqarnissaanut akissaaqataaneq, illoqarfimmi innuttaasut sapaatip-akunnikkuutaartumik ammasumik siunnersorneqartarneri ilanngullugit suliaqarneq.
- Pissutsit aallaavigalugit suliffeqarfiup iluani avataanilu suleqatigisartakkanik suleqateqarneq
- Suliat nutaat pilersittargit; nalunaarsuinerit sullitallu allattorsimaffiinik aaqqissuusisarnerit ilanngullugit suliarineqartassapput. Ulluinnarni sammisat kisitsinngorlugit nalunaarsorneqartassapput
- Ilaqutariinnik katsorsaaneq naammassippat sullissisumut nalunaarusiortoqartassaaq
Makku piginnaasaqarfigissagitit ilimagaarput:
Kommunip aaqqissuusaanerani inunnik sullissinermik misilittagalik meeqqanik, inuusuttunik ilaqutariinnillu allatigut attuumassuteqartunik suliaqarneq
Inunnik allanik isumaginninnermillu suliaqarnissamik soqutiginnittoq eqaatsumik pitsaasumillu isiginnittariaasilik namminersorluni sulisartoq aamma suleqatigineqarluarsinnaasoq sulianik tamanik takunnillaqqissoq aamma pilersaarisornermik pikkoriffilik , imminut paarisinnaasoq allanillu paarsisinnaasoq qiimasoq eqqarsallaqqissorlu
Atorfik pillugu sukumiinerusumik paasisaqarniaruit immikkoortortami pisortaq
Mike-Lars Zeeb-mut saaffiginnissinnaavutit
Oqarasuaat: (+299) 38 55 61. E-mail. milz@avannaata.gl
Pineqaatissinneqarsimannginnermut aamma meeqqanik pinerliisimannginnermut uppernarsaatit
Atorfik una pineqaatissinneqarsimannginnermut aamma meeqqanik pinerliisimannginnermut uppernarsaatit inatsit malillugu ujartorneqarnissai piumasaqaatitaqarpoq. Inatsit naapertorlugu atorfinitsitsineq aatsaat pisinnaavoq, kommunip naamaginartumik pineqaatissinneqarsimannginnermut aamma meeqqanik pinerliisimannginnermut uppernarsaatit tigoreernerisa kingorna. Taammattumik erseqqissaatigissavarput, atorfinitsitsineq aatsaat isumaqatigiiffiusinnaammat, kommunip meeqqanik pinerliisimannginnermut uppernarsaatit politiit qullersaqarfianit tiguneqareernerata kingorna kiisalu pineqaatissinneqarsimannginnermut uppernarsaat politiinit tiguneqareernerata kingorna.
Meeqqanik pinerliisimannginnermut uppernarsaatit kommunimit qinnuteqartup akuersissuteqareernerata kingorna piniarneqarsinnaapput, tassani qinnuteqartumit nammineq politiinut pinerliisimannginnermut uppernarsaat piniartussaavaa.
Akissarsiaqarneq atorfinitsitsinermullu pissutsit
Akissarsiaqarneq atorfinitsitsinermullu pissutsit Namminersorlutik Oqartussat isumaqatiginniarsinnaatitaasullu atuuttoq naapertorlugu pissapput.
Suliffimmut atatillugu inissamik innersuussisoqarsinnaavoq, tassani illumut akiliisarnissaq, depositummimut il.il. akiliinissaq pillugit maleruagassat sukkulluunniit atuuttut naapertorlugit pissapput.
Qinnuteqaat
Qinnuteqaat ilinniarsimanermut siornatigullu suliffigisimasat pillugit paasissutissanik ilallit, soraarummeersimanermut allagartat assigi il.il kakkiullugit Avannaata Kommunita nittartagaanut ”uunga atorfimmut qinnuteqarit” toorlugu kingusinnerpaamik 24-06-2024 nassiunneqassaaq.