sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ilinniartitaanermut Aqutsisoqarfik sulianut suli atualinngitsunut tunngasunik sammisaqartussamik atuarfimmi siunnersortissarsiorpoq

Namminersorlutik Oqartussat

Nuuk
Ikkunneqarpoq: 13-08-2020
Piffissaq atuuffissaa naassaaq: 05-09-2020
Suliffissamut ID normut: LJA-80860211
Atorfeqarnermi atugassarititaasut: Tamakkiisoq
Suliassaqarfik: Atuartitsineq & Meeqqerineq

Ilinniartitaanermut Aqutsisoqarfimmi suli atualinngitsut pillugit suliassaqarfimmut, 1. oktobari 2020 imaluunniit isumaqatigiissuteqarnikkut sulilertussamik atuarfinnut siunnersortissarsioqqippoq.

Atorfik politikkimut sulilu atualinngitsut pillugit immikkoortortaqarfimmi inissisimavoq immikkoortortamullu pisortap ataaniilluni.

Atuarfimmi siunnersortip suliassai

  • Meeqqanut suli atualinngitsunut periusissiamut iliuusissatullu pilersaarummut suliaqarnermi politikkikkullu aaliangikkanik inerisaanerni suliniuteqarnernilu  peqataaneq
  • Suli atualinngitsut pillugit inatsinik iluarsaaqqinnermi suleqataaneq
  • Suli atualinngitsut pillugit allaffissornikkut periusissiornerni peqataaneq
  • Perorsaasunut, meeqqerivinnut kommuninillu siunnersuineq ilitsersuinerlu
  • Allakkiorneq, akissuteqarneq, nalunaarusioneq il.il.
  • Isumasioqatigiisitsineq pikkorissaanerlu
  • Aaliangersimasunik qulequtsikkanik allanik peqateqarluni suliaqarnermi peqataaneq – atuarfimmut siunnersortit allat immikkoortortaqarfiillu suleqatigalugit kiisalu suliffiup avataaneersut suleqatigalugit.

Ilinnut tunngasut:
Qinnuteqartoq piukkunnaateqarluartoq:
  • Perorsaanermut ilinniarsimasoq, aamma/imaluunniit inuiaqatigiilerinermi ilinniagaqartoq
  • Kalaallit Nunaanni meeqqat suli atualinngitsut pillugit aamma kultureqarnermut inuiaqatigiinnullu sukumiisumik ilisimasalik
  • Pædagogikkip atuartitsinerullu iluini assigiinngitsunik nutaarsiassanik ilisimaarinnilluartoq
  • Tulleriiaarisinnaasoq, akisussaassuseqartoq aaqqiissuteqarsinnaassuseqartorl
  • Kalaallisut danskisullu, tuluttulluunniit aamma oqaluttariarsorluni allattariarsorlunilu suliaqarnermi attaveqaqatigiinnermut siammarterinermullu tunngasunik piginnaasaqarluartutit
  • Eqeersimaartoq namminersorlunilu sulisinnaassusilik kiisalu suleqatiginnissinnaassuseqarluartoq.

Ilinniartitaanermut Aqutsisoqarfik pillugu
Ilinniartitaanermut Aqutsisoqarfik tassaavoq suliffeqarfik politikkikkut aqunneqartoq, naalakkersuisoqarfimmik politikkerinillu sullissisoq kiisalu inerisaanermik  saqqummersitsinernillu suliaqartoq. Ilinniartitaanermut Aqutsisoqarfik maannakkut suliaminik saqqummersitsisarnerminillu nutarsaavoq – peqataaffigiumaagassannik.
Suliffeqarfiuvugut assigiinngitsorpassuarnik sulialik, aqutsinerit atuutereersut saniatigut ilaatigut aamma saqqummersitsivilik, naqiterivilik paasititsiniaanermik atorniartarfimmillu tunngasunik katersugaatilik. Aqutsisoqarfiup annerusumik sammisarpai atualinnginnerup nalaa, meeqqat atuarfiat, efterskolit friskolillu. Suleqatigiit 50-it missaaniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisut.

Akissarsiat atorfeqarnermullu atukkat
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq
Atorfimmut atatillugu atorfeqarnermut inimik innersuussisoqarnissaa naatsorsuutigineqassanngilaq. Pineqartoq Namminersornerusut aqqutigalugit inissaqartinneqareersimaguni najugaqarfigineqaannarsinnaanissaa aaqqiissuteqarfigineqarsinnaassaaq. Taamatut atorfimmut atatillugu ineqartinneqarsimagaanni ini atorfimmut tunngalluinnarpoq, soraarnermullu atatillugu qimanneqassalluni.

"Qinnuteqaat nassiuguk" toorlugu qinnuteqaatit, CV, ilinniarsimanermut pikkorissarsimaninnut kiisalu uppernarsaatit pisariallit allat nassiutikkit. 
E-mailikkut qinnuteqaatinik pisanngilagut. 
 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut