sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

ILISIMATUSARNERMI MISISSISSUUT UMIARSUAQ R/V "TARAJOQ" MASKINALERISUMIK 2. mester PISSARSIORPOQ

Namminersorlutik Oqartussat

Nuuk
Ikkunneqarpoq: 26-01-2022
Piffissaq atuuffissaa naassaaq: 16-02-2022
Suliffissamut ID normut: LJA-83287956
Atorfeqarnermi atugassarititaasut: Tamakkiisoq
Suliassaqarfik: Ingeniøri & pinngortitalerineq

Kalaallit Nunaata ilisimatusarnermut umiarsuartaavanut ”TARAJOQ” ´mut maskiinalerisutut atorfimmut suleqatissamik akisussaassuseqartumik soqutiginnilluartumillu piaarnerpaamik atorfinissinnaasumik Pinngortitaleriffik pissarsiorpoq.
Kinaavit
Ammasuuvutit ulluinnarnilu aporfiusinnaasunut qiimasumik periuseqarlutit suleriuseqarlutit. Nammineq aalajangiisinnaassuseqarluartoq, suleqatikkuminartoq piffissanili pisariaqarfiini aqutsisinnaassutsimik pigisaqartoq, atorfimmi inuttalerniarneqartoq una pisortatut akisussaaffimmik ilaqarmat.
Aqutsisuusinnaassuseqarneq umiarsuullu motooriinik, atortorissaarutaanik itisuumik patajaatsumillu paasisimasaqassaatit. Kilisaatini sulisimanermik misilittagaqarneq iluaqutaassaaq. Microsoft Word, Exel-illu ilisimasaqarfigigaanni aamma iluaqutaassaqaaq. Maskiinalerisuunermut ataani sulissallutit. Naatsorsuutigineqarpoq inuttaqatitit assigalugit umiarsuup ulluinnarni ingerlanneqarneranut peqataassasutit, umiarsuup isumannaallisarneqarneranut pitsanngorsaaqataassallutit kiisalu ilisimatusartartut biologit sulinerminni teknikkut atortulersuutaannik ajornartorsiulernermi ikiuuttarnissatit pisussaaffigissavatit. Ukiumoortumik misissuisarnerit, ukiup affaa angullugu sivisussuseqarsinnaasartut – maj-imiit november-imut ingerlanneqartartunut (sivikinnerusumik feeriarsinnaanissaq periarfissaavoq), umiarsuullu ukiuunerani Nuummi qaqeqqanerani (november-imiit april-ip tungaanut) inuttaqatitit peqatigalugit umiarsuarmik Nuummi nakkutilliinernik suliaqartassaasi, aammalu ittut umiarsuullu nalagaa peqatigalugit umiarsuup amutsivimmiitinneqartarnissaanik pilersaarusioqatigisarlugit. Ukiumoortumik missingersuutit amutsiviullu suliassaanik allattuiffiup taakkulu missingersuutitaannik suliaqarnerit aammalu umiarsuup orsertarnissaanut, kingoraartissat, allallu nalinginnaasumik ingerlatsinernut aserfallatsaaliinernullu misinngersuusiortarnerit suleqataaffigisinnaassavatit.
Illit piginnaasatit
Ilinniarsimanermik uppernarsaatit atorsinnaasut – maskinmester´itut – umiarsuarni 3620 kW´ilinni suliaqarsinnaasutut. (maskinmesteritut sillimasutut sulisarsimanermut uppernarsaat) Piumasaqaatit Umiarsuarsuit siuariartortarnerisa 3620 kW-ini inissisimasuniittuni maskinmesteritut allagartaqarnissaq piumasaqaataavoq. (maskinalerinermut nakkutilliinermut uppernasaateqassaaq)
R/V TARAJOQ
R/V TARAJOQ Kalaallit Nunaata imaani ilisimatuussutsikkut misissuut umiarsuaq 2896 BT. • Umiarsuup siumut ingerlasinnaassusiata motoria pingaarneq (2920 kW) MAN 8L 27/38 kiisalu MAN generatorit minnerit marluk. Atortutigut sillimaffigineqarpoq umiarsuup DNV GL`s "Silent notation"-imut, nuussinnaanissaa semi-diesel atorlugu innaallagissamik ingerlanneqarsinnaalertillugu.
• Umiarsuaq tunngaviusumik assigiinngitsorpassuartigut imaani ilisimatusarnernut atorneqarsinnaavoq, aalisakkanillu misissuutitut sanaajulluni, immami misissueqqissaarnerit kiisalu imaani aalisagaqassutsinik, imavissuit akuinik qanorlu innerannik misissuisinnaassuseqassaaq il.il.
• Umiarsuaq assigiinngitsunut atorneqarsinnaasumik qaaqassaaq, imaani ilisimatusariaatsit assigiinngitsut, nalinginnaasumik malittarinninniarluni alaatsinaannerit suliarineqarnerisa saniatigut suliassat pisariitsumik suliarineqarsinnaasunngorlugit sanaajusumik qaaligaavoq • Umiarsuaq natersiutinik kilisassinnaavoq (raajat, qalerallit, saarulliillu) 50-1500 m aammalu immap ikerani kilisassinnaalluni (avaleraasartunik, ammassannik il.il.), soorluttaaq umiarsuup naqqaniit singinneqartartumik immamilu assiliorsinnaasumik ammassaat immallu ikerani uumassusillit allat assilisinnaassassavai.
• Umiarsuaq nutaalianik ilisimatusarnernut atortulersugaallunilu tappiorannartunik misissuisarfeqassaaq inunnullu 32-inut inissaqartitsissalluni – taakkunani inissat 20-it ilisimatusartartunit atorneqartassaapput. Assigiinngitsunik ilisimatusartut arlallit ataatsikkut ilaasorineqarsinnaapput, soorluttaaq imarsiortutut ilinniagaqartut suliffimmillu misiliisut inissaqartinneqartut.
• Sukkassutsimut sumiiffiit: Nunarsuaq tamaat (Worldwide) trade IMO Polar kode ilanngullugu, Atlantikup avannaa, Kalaallit Nunaat, Canada, Island, Spitzbergen, aammalu Barentip imartaa. Umiarsuaq ukununnga inissisimasutut nalunaarsorneqarsimavoq: DNV-GL +1A, Ice ( 1B) , EO,TMON, Silent (F), SPS - Stern trawler. Umiarsuup timitaa DNV-GL +1A, (Ice1A*). • Polar Code Category C-mi malitassat naapertorlugit umiarsuaq aamma akuerineqartussaavoq danskillu umiarsuartut usisaatitut atorneqartartutut malittarisassaat malittussaallugit immikkullu ilisarnaat Special Purpose Ship Certificate pigisussaallugu (tamatumani siunertaavoq umiarsuarmi issimasut tamarmik inuttatuullu isumannaallisaanernut sillimaniarnernullu tunngassuteqartunut ilinniartinneqarsimannginnerat peqqutaalluni taakkununnga aamma qaffasissumik sillimarniarnikkut eqqumaffigisassaqarneq SPS´ikkut malittarisassiuunneqarsimammat, tassa ilaasuinnaat eqqarsaatigalugit).

”TARAJOQ” akuttunngitsumik aalisakkanik aveqatigiiffigisatsinnik misissuinissanut ilisimatusarnissanullu attartortinneqartassaaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia