Immikkoortortaqarfimmi Buildimi pisortaq

Buildip immikkoortortaqarfiani aqutsisutut iliuusissat pillugit suliniutinik naammassinninnissamut, malitseqartitsinissamut aammalu ineriartortitsinissamut pingaaruteqarluinnartumik inissisimassaatit, kiisalu immikkoortortaqarfiup piffissaq eqqorlugu pitsaassutsimik aammalu missingersuutitigut piumasaqaatinik piffissaq eqqorlugu tunniussinissaa qulakkiigassarissavat. Suliniutit tassaapput nassitsissutinik aallaakaatitsinermut atortut tamakkiisut, nukissiuutitigut atortut kiisalu sanaartukkat teknikkikkullu sanaartukkanik ikkussuinerit. Teknikkikkut pisortaanerup ataani inissisimassaatit.

Tusass pillugu

Tusass A/S Namminersorlutik Oqartussanit pigineqarpoq Nunatsinnilu nalunaarasuartaatikkut atassuteqarnermik ingerlatsisuulluni. Tusass 350 miss. amerlassuseqartunik tunniusimasunik piginnaasaqarluartunillu sulisoqarpoq, DKK 823 mio.-inillu kaaviiartitaqarluni. Tusass Nuummi allaffissuaqarluni nalunaarasuartaatikkut atassuteqaatit kabelit aqqutigalugit, trådløsit atorlugit aammalu qaammataasiakkut ingerlappai, kiisalu Nunarput tamakkerlugu allakkanik poortukkanillu inunnut suliffeqarfinnullu nassiussisarnerit. Taamaasilluni Tusassip pingaarnertut suliassaa tassaavoq qularnaatsumik ataqatigiinnermut aaqqissuussinerit ineriartortinnissaat, inuiaqatigiinni digitalikkut pisariaqartitat naapertorlugit.

Atorfik pillugu

Immikkoortortaqarfimmi pisortap akisussaaffiisa ilaat tassaassapput:

• Immikkoortortaqarfimmi pingaarnertut aqutsineq, aammalu immikkoortortaqarfimmi suliniutinut iliuusissanullu aqutsisut 11-t akisussaaffigineri
• Immikkoortortaqarfimmi ”Build”-imi iliuusissanik ingerlatsineq, missingersuutinik ingerlatsineq aamma aningaasartuutinik ingerlatsineq
• Ersarissumik, eqqoqqissaartumik piffissaq eqqorlugu immikkoortortaqarfimmi nalunaarusiornerit
• Suliniutit pitsaasumik ingerlanneqarnissaannut kiisalu suliniutinik ingerlatsinerup malinneqarnissaanik ineriartortinnissaanillu pingaarnertut akisussaasuuneq
• Tusassip periusissiaa malillugu immikkoortortaqarfiup anguniagaanik nalilersuineq ineriartortitsinerlu
• Suliniutit pillugit nassuiaatinut, suliniutinik killiliinernut aammalu business case-nut tunngatillugu siunnersuineq
• Nioqqutissanik pilersuisunik suleqateqarnerup ineriartortinnera

Piginnaasatit

• Iliuusissat pillugit ingerlatsinermik kiisalu teknologiip imaluunniit ingerlatsinikkut aaqqissuussinerup iluani missingersuutinik siuariartornernillu malitseqartitsinernik misilittagaqarneq
• Aqutsinermik misilittagaqarneq kiisalu sulisunik kajumilersitsisinnaassuseqarneq, peqatigiinnikkullu siuariartortitsisinnaaneq
• Naleqquttumik qaffasissumik ilinniagaqarneq, soorlu ingeniøritut ilisimatusarsimaneq, aningaasaqarneq pillugu ilinniagaqarneq, suliniutinik aqutsisinnaaneq assingusulluunniit
• Misissueqqissaarnissamut aaqqiissutissanillu ujartuinissamut piginnaasaqarluarneq kiisalu ajutoorutaasinnaasunik soqutigisaqaqatigiinnillu misissueqqissaarnissamut misilittagaqarneq
• Iluarinartuuneq, oqaloqateqarnissamut piginnaasaqarluarneq kiisalu anguniagaqartumik aaqqissuussamik suleriuseqarneq
• Iluassaaq Prince 2, IPMA, PMI, Agil allagartaqarfigigaanni – imaluunniit suliniutinik ingerlatsinermi sakkussanik periutsinillu ilisimasaqaraanni
• Nutaanik suleriaatsinik suliassanillu ilikkarusussuseqarnissaq kiisalu tamakkiisumik isiginnissinnaassuseqarluarneq suliassarpassuarnillu ataatsikkut ingerlassinnaanissai
• Qallunaatut tuluttullu allalluarsinnaaneq oqallorissuunerlu. Kalaallisut oqalussinnaaguit iluaqutaassaaq

Angalanerit

Atorfimmut atatillugu angalanertaqalaarpoq, ukiumut ullut 10-20 miss.

Neqeroorutigut

Atorfik ineriartortoq, pissanganartunik unammilligassaqarluartoq, ulluinnaat allanngorartumik ingerlaartut suleqatit piginnaasaqarluartut suliassaminnillu soqutiginnilluartut akornanni. Inuppalaartuuvugut, suliffik najoruminarpoq aammalu qungujunnartut ataqatigiinnissarlu naleqartitaraagut. Suliffimmi inuttullu ineriartornissannut periarfissagissaassaatit.

Suliffeqarfimmi Tusassimi sulisut annerpaamik isumalluutigaagut assigiinngisitaartuunissarpullu naleqartitaraarput. Kikkulluunniit piukkunnartut qinnuteqarnissaannik kajumissaarpagut, suiaassuseq, ukiut, inuiaassuseq allalluunniit apeqqutaatinnagit.

Suliffiinnaanngilaq

Atorfinitsikkusutarput tassaassaaq kalaallinut inuiaqatigiinnut allanngueqataarusuttoq, Nunarpullu tamaat eqqarsaatigalugu nalunaarasuartaatikkut attaveqaasersuutinut tunngatillugu aaqqiissutissanik, periarfissanik, katitigaalluinnartumik takunnissinnaasoq.

Piginnaasat piumassuserlu pigigukkit uagut atorfik, kalaallinut inuiaqatigiinnut allanngueqataaginnanngitsoq, aammali suliffiup iluani unammilligassaaleqiffiunngitsumik sinaakkuteqartoq tunniussinnaavarput.

Suliffik Nuummi Tusassip qullersaqarfiani inissisimavoq.

Tusassip immap naqqatigut kabelinut suliniutaa pillugu annertunerusumik uani atuarsinnaavutit.

Soqutiginnippit?

Momentum Consulting Tusassimi atorfinitsitsiniarnermik ingerlatsisuuvoq, atorfillu qinnuteqarfigineqarsinnaavoq CV-mik allagartallu allat pisariaqartut ilanngullugit Annbritt Tummasdóttir Andersen-imut, Momentum Consultingimi suleqataasumut, Easy Apply LinkedIn-imiittoq aqqutigalugu nassiussinikkut: Immikkoortortaqarfimmi Buildimi pisortaq. Atorfik pillugu annertunerusumik paasisaqarusukkuit Annbritt-imut saaffiginninnissannut tikilluaqqoreerpatsigit, sianerlutit +45 24 83 14 12.

Qinnuteqaatit ingerlaavartumik suliarineqarput, taamatuttaarlu oqaloqatiginninnerit ingerlaavartumik ingerlanneqarlutik, taamaattumik piaartumik qinnuteqaatit nassiussinnaavat. Atorfinitsitsissaagut qinnuteqartoq atorfimmut eqqortoq nassaarigutsigu.