Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Isumaginninnermi ikiorti - Tikiusaaq
Avannaata Kommunia
Ilulissat
Ikkunneqarpoq: 23-10-2024
Piffissaq atuuffissaa naassaaq: 12-11-2024
Suliffissamut ID normut: LJA-85762276
Atorfeqarnermi atugassarititaasut: Tamakkiisoq
Suliassaqarfik: Allat, Atuartitsineq & Meeqqerineq, Isumaginnittoqarfik, Meeqqat & inuusuttut
Isumaginninnermik ikiorti Tikiusaami ulloq 15.11.2024 isumaqatigiissuteqarnerluunniit aallaavingalungu atorfik inuttassarsiuunneqarpoq.
“Tikiusaaq” meeqqanut 100-nut atuareernerup kingorna paaqqinnittarfiuvoq, ininut 3-nut agguagaalluni, sulisut Tikiusaaq-mi tamarmiullutik 11-upput, iggavimmioq 1, asaasorlu 1, katilluta 13-t.
Suliassat akisussaaffiillu:
• Avannaata Kommuniani meeqqanut inuusuttuaqqanullu politikkikkut anguniakkat naapertorlugit sullissineq
• Sulisut aalajangersimasumik qulequtaqarluni kommunip iluani kommunillu avataani ingerlatsinikkut piginnaasaannik inuttullu piginnaasaannik pitsanngorsaaneq, piginnaasanik sammisaqartitsisarnikkut kiisalu pikkorissaasarnikkut
• Perorsaanikkut periutsinik suleriutsinillu nutaanik saqqummiisarneq
• Meeqqanut, angajoqqaanut kiisalu sulisunut isumannaatsumik toqqissisimanartumillu ulluunerani paaqqinnittarfimmik qulakkeerinninneq
• Ulluunerani paaqqinnittarfik pillugu paasissutissanik imalimmik quppersagaliortarneq
• Eqqarsaatit nutaat politikkikkullu anguniakkat naapertorlugit ersarissumik anguniagaqarluni sulineq
• Aqutsisortimik ulluinnarni qanimut suleqateqarneq
Piginnaasat:
• socialhjælper-itut ilinniagaqarsimaneq
• Ulluunerani paaqqinnittarfinni suliaqarnermik misilittagaqarneq
• Akisussaassuseqarneq, pissutsinut malinnaaqqinnaassuseqarneq kiisalu paasinnissinnaassuseqarneq ingerlariaatsinillu allannguisinnaassuseqarneq.
• Uippakajaarnartunik suliassaqartillugu eqqissisimasinnaaneq, eqaatsumik suleriuseqarsinnaaneq, suleqatikkumiartuuneq, inussiarnersuuneq kiisalu aalajaatsuuneq
• Timikkut tarnikkullu peqqissuuneq, ammasuuneq qiimasuunerlu
• Ulluunerani paaqqinnittarfiup anguniagai iliuusissatullu pilersaarutai naapertorlugit sulinissamut piareersimasuuneq
Atorfik inimik neqerooruteqarsinnaanngilaq.
Atorfik pillugu annertunerusumik paasisaqarusukkuit Tikiusaami Pisortamut Karen J Siegstad-mut imaluunniit tullersorti: Ane Marie Hansen -mut attaviginnissinnaavutit. Email ilu_tikiusaaq@avannaata.gl tlf: 385516 mobil: 240374, kussangajaannguaq 60 3952 ilulissat.
Qinnuteqaat ilinniarsimanermut uppernarsaatit ilanngullungu, kiisalu sulisimanermut oqaaseqaatit pinerliisimannginnermut uppernarsaat kingusinnerpaamik tunniunneqassapput 12.11.2024 Avannaata Kommuniata nittartagaani allagarsiussap eqqaaniittoq toorneratigut.