Controlleri isumannaassusermik ingerlatsinermillu suliaqartussaq / Controller med fokus på sikkerhed og drift
Ikkunneqarpoq: 15-04-2025
Piffissaq atuuffissaa naassaaq: 30-04-2025
Suliffissamut ID normut: 331612161
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, Pisiniarfik & sullissineq
Atorfiup taaguutaa: Controller
Misilittakkat - Annertunerusumik: Controlling
Oqaatsit:
| Danskisut |
Atuarneq/ oqalunneq |
| Kallaallisut |
Atuarneq/ oqalunneq |
Misissueqqissaarneq pikkoriffigaajuk sulisutsinnullu isumannaassuseq pinaveersaartitsinerlusoqqutigisaralugit? Sulisutsinnut toqqissisimanartumik sinaakkuteqarnissap naleqartitaqarnissallu qulakkeeqataaffigerusuppigit? Taamaappat imaassinnaasoq tassaasutit Controllerissarput isumannaassutsimut akisussaasiq.
Atorfik pillugu
Pisiniarfitsinnik isumannaallisaasussamik tunniusimasumik, isumannaallisaanermi ingerlatseriaatsitsinnik nungujartortitsinermillu pinaveersaartitsisussamik suleqatissarsiorpugut.
Misissueqqissaarnikkut, nakkutiginninnikkut isumannaatsuunissamullu attaveqaqateqarnikkut pisisartutsinnut sulisutsinnullu toqqissisimatitsinissamut qitiusumik inissisimallutillu isumannaatsuunissamut aaqqissutitta pitsanngornissaanut ineriartortinnissaanullu tunniusseqataassaatit.
Pingaarnertut suliaqarfigissavatit:
- Pinaveersaartitsinikkut, nakkutiginninnikkut paasissutissallu aqqutigalugit pisiniarfinni toqqissisimanassutsip qulakkeernissaa
- Nungujartortitsinerup pinaveersaarnissaa malinnaaviginissaalu
- Misissueqqissaanermi paasissutissat nalunaarusiornerlu
- Isumannaallisaanermi najoqqutassat nutartertarnissai
- Suliffimmi isumannaallisaanermi peqataanissaq
Nioqqutilerisuniilissaatit, tassanilu qitiusumik controlleritut suliassatigut inissisimassallutit. Suleriaaserisariaqakkamik nakkutilliinermi, kisitsinermi, systeminilu inissisimanermut il. il. attuumassuteqarsinnaapput.
Pisariaqartipparput:
- Misissueqqissaarsinnaassuseqarlunilu aaqqissugaasumik suliaqarsinnaasoq
- Ingerlarsorsinnaassuseqarlunilu suliat inernissaanik pingaartitalik
- Alapernaatsuullunilu eqeersimaartuusoq
- Attaveqaqateqallaqqissoq, ajornanngippat kalaallisut, tuluttut qallunaatullu
Suliffiup inissisimaffia: Nuummissaatit, pisiniarfigulli illoqarfinni arfinilinniimmata tikittartussaavatit – angalanerup annertussusaa ataasiakkaanut nalimmassarsinnaavoq.
Ulloq atorfiniffissaq: Sapinngisamik piaartumik, piffissarluunniit isumaqaitgiissutaasoq naapertorlugu.
Kalaallit Nunaanni suliffeqarfinni niuernermik sulialinni annerpaami isumaannaatsuunerup toqqissisimassutsillu akisussaaffiginissaanut piareersimavit? Taava qinnuteqaatit CV-llu ataani linki aqqutigalugu nassiuguk.
Piukkunnarnerpaaq utaqqisunnaavarput, oqaloqateqallattaartassaagulli, taamaammat nangaariarnak qinnuteqartit oqaloqatiginnillutillu tassani atorfeqartutut imminut takorloorsinnaaguit.
Atorfik pillugu apeqqutissaqaruit attavigisinnaavat Retaildirektøri Peter Thomsen mail: pet@pisiffik.gl imaluunniit sianerlutit tlf. +299 52 36 73.
Tusarfiginissat qilanaaraarput!
Pisiffik A/S-i pillugu: ?
Pisiffik A/S-i tassaavoq 53-inik pisiniarfittalik/immikkoortortalik 800-llu missaannut sulisulik ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissaaput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaraarput.