Ittoqqortoormiini Kulturi Sunngiffimmilu Immikkoortortami Aqutsisoq

Kommuneqarfik Sermersooq pikkorissumik tunniusimasumillu Aqutsisussarsiorpoq Kulturi Sunngiffimmilu immikkoortortami 01.02.2025 sulilersussamik kingusinnerusukkulluunniit sulilersinnaasumik pissarsiorpoq.

Immikkoortortaq maannakkuugallartoq 5-nik sulisoqarpoq.

Atorfiup ulloq naallugu atorfiusup, qaninnerpaatut attaveqaatigissavaa Illoqarfimmi Aqutsisoq Ittoqqortoormiini.

Uagut pilluta paasissutissat annertunerusut uani pissarsiarineqarsinnaapput: [link immikkoortortamut / Suliffeqarfimmut /Ingerlatsivimmut Sermersooq.gl-imiit aaneqartoq]

Atorfiup imarisaa:

Misilittagaqartumik peqataalluarsinnaasumik Aqutsisussamik ataani makkunannga suliaqarluarsinnaasumik pissarsiorpugut:

·Kulturi Sunngiffimmilu immikkoortortami eqeersimaarluarluni pilersaarusiorsinnaasumik

·Aningaasaqarnermut tunngasumik akisussaassuseqartumik

·Ulluinnarni sulisunut aqutsisinnaaneq Umimmak Klub aamma Minihal sulisunut

·Suliarinasuarneqarsinnaasullu ilanngullugit

Suliassat sulisut allat peqatigilluinnarlugit suliat ingerlanneqartassapput kiisalu Illoqarfimmi Aqutsisoq peqataatinneqarsinnaalluni.

Qinnuteqartunut naatsorsuutigisat:

·Sunngiffik immikkoortortaq tamaat aqutsisuuffigineqassaaq

·Sunngiffimmi ingerlatassat tamaasa ulluinnarni akisussaaffigineqassapput

·Kulturi Sunngiffimmilu Aqutsisutut nammineq peqataalluarlutit suliassanik naammassinnissinnaaneq taavalu immikkoortortavit suleqatigiittut ingerlalluarnissaa qulakkiissavat, saniatigullu suleqatigiit tamaasa piviusunngortitseqataanermi ataatsimoornermillu anguniagaqartittarlugit

·Suliffeqarfiup nuannersuunissaa, suleqatigiillu akornanni kajumissuseqartitsineq aammalu sinaakkutit suliffeqarfimmut silaannarittuunissaa anguniarneqartassaaq immikkoortortat ingerlatsiviillu akimorlugit suleqateqarsinnaanikkut

·Ineriartortsitsinermi siuttuussaatit, allanngorartunillu piareersimallutillu pipallassinnaallutit

·Tunniussassaqarlutit tigusisinnaassuseqarlutillu kinguneqartitsisinnaassuseqassaatit

Pingaartipparputtaaq:

·Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq

·Uippakajaarani arlariinnik suliaqarsinnaasoq

·Erseqqissumik tappissumillu allattariarsorlunilu oqaluttariarsorsinnaasoq

·Nammineerluni sulisinnaasoq, akisussaassuseqartoq sullissiumatoorlu

·Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.

·Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.

·Nukittooq pilersitsiniallaqqissoq inissaqartitsiuartoq piumassuseqarluartorlu

·Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

·Kisitsisilerillaqqissoq

·Atituumik suleqateqarluarsinnaasoq

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Neqoroorutigaavut:

Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Charlotte Pike, oqarasuaat +299 36 78 82 imaluunniit e-mail: pike@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1273-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.