sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Qeqqata Kommunia

Psykolog til børnehus / Tarnip pissusaanik ilisimasalik meeqqat illuannut

Qeqqata Kommunia

Maniitsoq
Ikkunneqarpoq: 19-03-2024
Piffissaq atuuffissaa naassaaq: 27-03-2024
Suliffissamut ID normut: 331588285
Atorfeqarnermi atugassarititaasut: Tamakkiisoq
Suliassaqarfik: Allat, Meeqqat & inuusuttut
Atorfiup taaguutaa: Psykolog, Børnepsykolog
Ilinniagaq: Psykologi, bachelor
Misilittakkat - Annertunerusumik: Børn
Oqaatsit:
Danskisut Atuarneq/ oqalunneq
Kallaallisut Atuarneq/ oqalunneq

Tarnip pissusaanik ilisimasalik meeqqat illuannut

Qeqqata Kommunia – Maniitsoq Ukiumut ataatsimut suliniummut - Meeqqat illuannut tarnip pissusiinik ilisimasalimmik pissarsiorpoq.

Qeqqata Kommuniani Maniitsumi Ilaqutariinnik Inerisaavik tarnip pissusiinik ilisimasalimmik pissarsiorpoq.

Suliniummut ukiumi ataatsimi ingerlasussamut tarnip pissusiinik ilisimasalimmik atorfinittussamik maannakkut pissarsiorpugut.Atorfik 2024-mi apriilip aallaqqaataat aallarnerfigalugu imaluunniit piaarnerpaamik inuttassarsiorneqarpoq. 2024-mi apriilip aallaqqaataa sioqqullugu atorfinittoqarsinnaaneranik periarfissaqarpoq. Ilaqutariinnermut Naalakkersuisoqarfimmit aammalu Folketing-imit Meeqqat Illuanik pilersitsinissamut kommunini pingasuusuni Maniitsoq toqqarneqartut ilagaat.

Suliassaqarfiit:

Meeqqat Illuanni tarnip pissusiinik ilisimasalittut meeqqanik kinguaassiutitigut atornerlunneqarsimasunik kiisalu persuttagaasimasunik oqaloqatiginninnernik ingerlatsinissamik pingaarnertut suliassaqassaatit. Inuttut ataasiakkaatut imaluunniit eqimattatut ingerlatsinikkut. Taakku saniatigut angerlarsimaffiup avataanut inissiisarnerit annikillisinnissaanik pingaarnertut anguniagatsinnut iluaqutaasunik, suliniutinik aallartitsinikkut atorfimmik malunnartitsinissamut periarfissaqarpoq. Meeqqanut Ilaqutariinnullu Naalakkersuisoqarfimmi suliniummut aqutsisup aammalu Qeqqata Kommuniani aqutsisut qanimut suleqatigiillutik suliniut ingerlatissavaat.

Tarnip pissusiinik ilisimasalittut Meeqqat Illuani ataqatigiissaarisoq kiisalu isumaginninnermik siunnersorti peqatigalugu suliniutinik ataqatigiissaarissaatit aammalu meeqqanik inuusuttunillu katsorsaaqataasunut ilaassallutit. Meeqqat ulluinnarni toqqissisimasuunissaannut qulakkeerinneqataassaatit, oqaloqatigiittarnikkut kiisalu sammisaqartitsisarnikkut meeqqat pisariaqartitaat naapertorlugit katsorsaanerup ingerlanneqarnissaanik qulakkeerinneqataassaatit.

Meeqqat Illuat Ilaqutariinnik Inerisaavimmi inissisimavoq. Meeqqat Illuat nutaanik ininik pissarseqqammerpoq, video-lu atorlugu apersuinernik ingerlatsiviusinnaasunik allanngortitserisoqaleruttorpoq, tassa meeqqat illuisa immikkoortortaani suleriutsit pitsaanerpaamik atuutilersinneqarnissaasa qulakkeerneqarsinnaaniassammata.

Qeqqata Kommuniani ilaqutariinnut inerisaavinni/kiffartuussivinniallanngortitserinermik ingerlatsisoqaleruttorpoq, piffissamilu aggersumi meeqqat angerlarsimaffiup avataanut inissinneqartartut amerlassusiisa annikillisinnissaannut periutsinik ineriartortitsissallutik. Taamaattumik periutsinik ineriartortitsinermut atatillugu allanngortoqarnissaanik nutaamillu eqqarsartoqarnissaanik piffissamik ingerlatsisoqarumaartoq naatsorsuutigineqartariaqarpoq.

Naatsorsuutigaarput:

  • Ataaseq tarnip pissusaanik ilisimasalittut ilinniagaqarsimassasoq.
  • Ataasiakkaanik katsorsaanermik misilittagalik.
  • Assigiinngitsunik sulialinnik akimortumik suleqateqarnermut piginnaaneqarlutillu piumassuseqartutit
  • Neqeroorummi nutaajusumi suliassanut suliffimmilu atugassarititaasuni unammillernartunut kajumissuseqartutit.
  • Ingerlatitseeqqinnissamut pikkorissoq.
  • Qarasaasiamik atuinissamut ilisimasaqartoq.
  • Oqarasuaatikkut imaluunniit nittartakkatigut siunnersuisinnaanermik ilisimasaqartoq.
  • Kalaallisut danskisullu oqalussinnaaguit annertuumik iluaqutaassaaq.

Neqeroorutigaagut:

  • Maniitsumi meeqqanut ilaqutariinnullu annertuumik iluaqusiinissamut periarfissaq.
  • Atorfik sulianut tunngasutigut namminerlu ineriartorfissatigut periarfissaqarluartoq
  • Suliffiup iluani avataanilu imaajaanissamut kiisalu ilinniaqqinnissamut periarfissaqarluartoq.
  • Suliffeqarfik uummaarissoq.
  • Pikkorissunik piumassuseqarluartunillu suleqateqarlutit suliffimmi suleqatigiilluarneq.
  • Ilaqutariinnut Inerisaavimmi suleqatinik siunnersiueqatigiinneq
  • Sisimiuni tarnip pissusiinik ilisimasalimmik suleqatigisamik siunnersiueqatigiinneq


Akissarsiat atorfininnermilu atugassarititaasut:

Aallaavittut isumaqatigiissutit naapertorlugit atorfinitsitsisoqassaaq, qinnuteqartorlu tjenestemanditut atorfeqareeruni tjenestemandit pillugit isumaqatigiissutit atorlugit atorfinitsinneqarsinnaassalluni. Akissarsianut atorfeqartitaanermullu atugassarititaasut, taakkununnga atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq ilanngullugit, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Siulianiittut soqutiginaateqartikkukkit atorfimmullu annertunerusumik paasisaqarusukkuit, Ilaqutariinnik inerisaavimmi aqutsisoq Najaaraq Røddik oqarasuaat (+299) 81 25 85, e-mail: naro@qeqqata.gl  imaluunniit Atugarissaarnermut pisortaaneq Paneeraq Olsen oqarasuaat (+299) 86 73 03, imaluunniit e-mail: pnol@qeqqata.gl aqqutigalugit pissarsiarineqarsinnaapput.


Qinnuteqarnissaq kingusinnerpaamik 27. marts 2024 pissaaq. Qinnuteqaatit ataavartumik suliarineqassapput, qinnuteqarnissamullu killerititap kinguninngua atorfinitsitsinissamut oqaloqatiginninnerit ingerlanneqarnissaat naatsorsuutigineqarpoq.

Atorfinittoqassaaq 1. april 2024 taassumaluunniit kingornatigut piaarnerpaamik.

Ineqarneq:

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik inissaqartitsisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqartassapput. Atorfimmut atatillugu ini atorfeqarnermut tunngavoq atorfeqarnerullu taamaatinneqarnerani qimanneqassalluni.

Inissiap pisoqaassusaa, piginninnermut tunngasut il.il. apeqqutaallutik inissiamut akiliut pitsaassuserlu assigiinngissinnaapput. Aalajangersimasumik najugassaqalernissamut innersuunneqarnissamut utaqqineq sivisusinnaavoq, taamaammallu utaqqiisaasumik inimik tunineqarneq pisinnaalluni.

Qinnuteqaatit, imminut ilisaritinneq, ilinniarsimanermut pikkorissarsimanermullu uppernarsaatit kiisalu paasissutissat attuumassuteqartut allat "qinnuteqaat nassiuguk" toorlugu nassiutikkit.

Mail aqqutigalugu qinnuteqaatinik tigusineq ajorpugut.


Qinnuteqarnissamut killissarititaasoq: marsip 27.-at, 2024

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia