sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Sungiusarfik Aaqa nerisassiornermut assistent assigisaanilluunniit ilinniagalinnik marlunnik pissarsiorpoq.

Namminersorlutik Oqartussat

Nuuk
Ikkunneqarpoq: 19-10-2021
Piffissaq atuuffissaa naassaaq: 04-11-2021
Suliffissamut ID normut: LJA-82839571
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Sungiusarfik Aaqa tassaavoq nuna tamakkerlugu ulloq unnuarlu najugaqarfik, arfineq marlunnik immikkoortortalik. Immikkoortortaqarfiit arfinillit 32-inik inissalik, ornittagarlu 15-imik atuisulik. Najugaqartut tamarmik skizofrenimik nappaatilittut suussusersineqarnikuupput.
Aaqa suliffeqarfiuvoq ineriartortoq. Naleqqussakkanik pikkorissarsinnaaneq periarfissaavoq
Aaqami pigaartinneqarpoq najugaqartut nerisarissaartinneqarnissaat. Sapaatip akunneranut marloriarluni kalaaliminertortinneqartarput, saniatigut najugaqartut ilai immikkut nerisaqartinneqartarlutik.

Suliaminut tunniusimalluartumik igaffimmut suleqatissarsiorpugut, ulluinnarni suleqatit peqatigalugit sullissisinnaasumik.

Suliassat pigaarnerit
Suleqatigisat peqatigalugit tassaavoq Aaqami najugaqartut sulisullu nerisassiuutissallugit. Sulineq aallartittapoq nal. 7.00 nal. 15.00 missaata tungaanut. Qaammammut marloriarluni sapaatip akunnerata naanerani sulisoqartarpoq, sapaatip akunnera allortarlugu.
Naatsorsuutigineqassaaq suliffik pisoqartuartoq sukkassuumilli suleriaaseqarluni sulisarnissaq aammalu nerisassat peqqinnartuunissaat siunertaralugu pilersaarusiorsinnaaneq. Ullut tamaasa inunnut 70 missaaniittunut kissartunik nillertunillu nerisassiortoqarluni iffiortoqartarpoq.

igaffimmi sulisut qullersaraat igaffimmi pisortaq.

Makkuninnga piginnaasariaqarpoq:

  • Ernæringsassistent-itut assigisaanilluunniit ilinniagaqarneq.
  • Tarnikkut nukuttuneq aamma qajannaatsuuneq.
  • Qiimasuuneq suleqatinut najugaqartunullu akaarinnittoq.
  • Suleqatigiinni kulturip killingi akimorlugit ilinniakkallu tamat akornanni inissisimasinnaaneq.
  • Ilinniakkamik ineriartortitserusunneq.
  • Suliassanik agguataarillaqqissuuneq tamakkiisumillu isiginnissinnaaneq
  • Aqutsisunut ilumoortuuneq suleqatiginnikkusuttorlu
  • Suleqatinik suleqateqarluarsinnaaneq
  • Aalajaatsuuneq piffissarlu eqqorlugu suliartorsinnaaneq
  • Pinerlussimannginnermut uppernarsaat.

Piffissaq sapaatip akunneranut suliffiusartoq: akunnerit 40-t
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia