sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Isumaginninnermi suliatigut nakkutilliisoq

Namminersorlutik Oqartussat

Nuuk
Ikkunneqarpoq: 27-04-2022
Piffissaq atuuffissaa naassaaq: 19-05-2022
Suliffissamut ID normut: LJA-83569586
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Isumaginninnermi suliatigut nakkutilliisoq Nakkutilliinermik Ingerlatsivimmut

Isumaginninnermut Sulisoqarnermullu Naalakkersuisoqarfik

Nakkutilliinermik Ingerlatsivik Isumaginninnermut Sulisoqarnermullu Naalakkersuisoqarfimmi immikkoortortaqarfiusoq isumaginninnermi suliatigut ilinniagaqarsimasumik nammineersinnaalluartumik misilittagartuumillu nakkutilliisartussamik, 1. juli imaluunniit kingusinnerpaamik 1. august 2022 atorfinitsinneqartussamik sulisussarsiorpoq.

Takorloorparput illit

  • Isumaginninnermut siunnersortitut ilinniagaqarnermi professionsbacheloriu-sutit imaluunniit isumaginninnermut siunnersortitut ilinniagaqarsimasutit na-leqquttunillu allagartartaarfiusumik ilinniagaqaqqissimasutit, soorlu cand. soc.-imik imaluunniit assigisaanik ilinniagaqartutit.
  • inunnik isumaginninnermut suliassaqarfimmi ukiuni arlalinni suliaqarnermi naleqquttumik misilittagaqartutit suliatigullu qaffasissusermik pingaartitsisutit
  • qanilaartuusutit suliffeqarfimmilu suliassat assigiinngisitaarsinnaasut tamaasa peqataaffigisinnaallugit
  • suliassap tungaatigut ineriartortitseqataanermik suleqatigiinnermillu pingaartit-sisoq
  • oqaluttariarsornikkut allattariarsornikkullu atassuteqarsinnaaneq pikkoriffigit, oqaloqatiginnissinnaanerlu sapinngikkit,
  • namminersorlutit suliassanik piareersaasinnaanermik piginnaasaqartutit nam-minerlu akisussaaffimmik tigusisinnaasutit
  • nammineq aaqqissuussaasumillu sulisinnaasutit
  • pitsaassuseq appartinngikkaluarlugu suliassat piffissalerneqarsimasut ukkata-risinnaagitit.
Kalaallit Nunaanni pissutsinik ilisimasaqassaatit aamma kalaallisut qallunaatullu oqallo-rissuussallutit

Uagut pilluta

Nakkutilliinermik Ingerlatsivik Isumaginninnermut Sulisoqarnermullu Naalakkersuisoqarfiup ataani nakerisarsiorfiunngitsumik immikkoortortaqarfittut ingerlatsiviuvoq, maannakkorpiaq  ataatsimik pisortaqarluni aammalu sisamanik (4) nakkutilliisartunik sulisoqarluni.

Nakkutilliinermik Ingerlatsiviup nakkutilliisarnerit marluk (2) assigiinngitsut ingerlattarpai:
  1. Isumaginninnermut inatsisini malittarisassanik kommunit malinninnerannik aqutsinermilu malittarisassat naapertorlugit aqutsinerannik nakkutilliineq. (Pingaarnertut nakkutilliineq)
  2. Ulloq unnuarlu paaqqinniffinnut suliassaqarfimmik ingerlatsinikkut, aningaa-saqarnikkut perorsaanikkullu nakkutilliineq.
 Ilinnut neqeroorutigisinnaavagut
  • Suliffeqarfik aalajangiisinnaassuseqarnermik namminerlu sulisinnaassusermik pingaartitsisoq, illillu ulluinnarni sulisarnerit nammineerlutit sunniuteqaqa-taaffiginissaanut pitsaasumik periarfissalik
  • Kalaallit Nunaanni annertuumik angalasarnissat, angalanerni sapaatip akunnera ataaseq (1) sinnerlugu angalasinnaallutit
  • Atorfik akisussaaffeqarfiusoq unammilligassaqarlunilu pissanganartulik, sulia-mut inummullu ineriartuutaasinnaasunik periarfissalik
Illit suliassatit
  • Nakkutilliinissap piareersarneqarnera kalerriutigineqarneralu, aamma nakku-tilliinermut atatillugu paasissutissanik katersineq
  • Kommunit ingerlatsiviinik tikeraartarneq/nakkutilliiartorneq
  • Nakkutilliinermut nalunaarusianik suliarinninneq, matumani nakkutilliinermut atatillugu qisuariarnerit allat aammalu peqqussutit pillugit siunnersuusior-tarnerit ilanngullugit.

Ulloq sulilerfissaq

1. juli imaluunniit 1. august 2022.

Paasissutissat sukumiinerusut:

Atorfik pillugu annertunerusumik paasisaqarusukkuit Nakakkutilliinermik Ingerlatsivimmi pisortaq Johan Lund Olsen oqarasuaat 00299 555485 atorlugu attaveqarfigisinnaavat, imaluunniit e-mailikkut ugguuna: jlun@nanoq.gl attaveqarsinnaavutit.

Ulloq qinnuteqarfissaq kingulleq

19. maj 2022 nal. 12.

Atorfinitsitsinissamut oqaloqateqarnissat tamatuma kingorna piaarnerpaamik ingerlanneqassasut naatsorsuutigineqarput.


Ataani link atorlugu qinnuteqaat nassiunneqassaaq.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia