Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Maskinmedarbejder til vejrstationen Danmarkshavn, Nordøstgrønland
Tusass A/S
Ikkunneqarpoq: 06-02-2024
Piffissaq atuuffissaa naassaaq: 30-03-2024
Suliffissamut ID normut: LJA-85317153
Atorfeqarnermi atugassarititaasut: Tamakkiisoq
Suliassaqarfik: Allat, IT & tusagassiuutit
Maskinmesteriuvutit, maskinisti imaluunniit assinganik misilittagaqalik, suliffimmik unammillernartumik ujarlertoq
Suliatit pikkoriffigaatit aqutsinerlu piginnaasaqarfigalugu, taassuma ataani nalinginnaasumik Officenik atuisinnaassaatit. Peqqissuseq pitsaasoq kigutiginnerlu uppernarsarneqarsinnaassapput. Tamanna uppernarsarneqassaaq peqqinnermut uppernarsaat, Offshore atuuttoq atorlugu.
Pitsaaqutaassaaq ikiuigasuarsinnaanermut uppernarsaateqaruit.
Inersimarpalaarputit, sungiussiasuullutit suleqataallutillu tatiginartoq isumagissaartorlu. Namminersorlutit sulisarputit ataqatigiissumillu aaqqissuussisarlutit. Sulianni peqqissaartuuvutit silasiorfimmilu atortut ajunnginnissaannut tunuliaqusiisuussallutit. Suleqatigiinnerup naleqassusaa ilisimavat suliniutillu akimorlugit sulinissaq piumassuseqarfigalugulu piginnaasaqarfigissavat. Taamaattumik tusarnaarsinnaassaatit ikiuerusussuseqassallutillu.
Pingaarnerpaajuvoq silasiorfimmiinnerit tamaasa suliffinnut nuannarinninnissat sulianut inuttullu misigisassanik kajumillutit.
Assatit atorluarsinnaassavatit pisariaqartitsisoqartillugulu ikiuisassallutit
Elværkimi silasiorfiullu sarfamut-, imermut-, kissartumullu atortorissaarutaannik ingerlatsineq ulluinnarni kiisalu silasiorfiup biiliitaannik ingerlatsineq aserfallatsaaliuinerlu akisussaaffigissavatit. Aserfallatsaaliuinermi suliassat allanngortiterinerillu pilersaarusiortassavatit naammassillugillu, kiisalu Silasiorfimmi aqutsisoq suleqatigalugu atortussanik kingoraartissanillu pisiortorneq isumagisassallugu. Maskiinanut teknikkimut tunngatillugu piginnaasaqarnerup saniatigut, allatigut aamma pikkoriffitit tusarusuppagut. Aalassarissaatit timikkullu peqqissuullutit, ilaatigut nunami suliffigiuminaatsumi sulisassagavit.
Sap. ak. ingerlanerani akunnerni 40-ni sulinissat naatsorsuutaavoq, arlaatigulli pisoqartillugu piffissat ilaanni qassinngoraluartorluunniit sulineq pisariaqartarpoq. Siulliullaqqissuussaatit ikiuiumatullutillu, ataatsimoorussanillu suliassani, illit akisussaaffiginngisanni aamma peqataarusussuseqassallutit.
Silasiorfimmi ulluinnaat
Piffissani aalajangersimasuni sap. ak. qulingiluani silasiorfik qitiutillugu ulluinnarissavat. Silasiorfiup sulisui tallimat pimoorussisut peqatigalugit, pitsaassutsip annertuup attatiinnarnissaa, atortut ajunnginnissaat minnerunngitsumillu sulinerup iluani avataanilu suleqatigiit ajunngitsumik ingerlanissaat isumagisassavasi. Taamaattumik naleqqussarsinnaanissat, ilakkuminarnissat allanillu peqateqarsinnaanissat pingaaruteqarpoq.
Neqeroorutigaagut:
Suliffik pissanganartoq namminersornartorlu, suleqatillu pikkorissut. Avatangiisini nunarsuarmi sakkortunerpaani suliassanik assigiinngisitaartunik qaqitsinissinni immissinnut pisariaqartillusi ingerlatsisassaasi. Sulianut tunngatillugu inuttullu ineriartornissamut periarfissaqarluarpoq.
Silasiorfik Danmarkshavni, Tunup avannaa
Danmarkshavnimi silasiorfik Tunup avannaaniippoq 76° 46’ N, 018° 40’ W missaaniilluni. Illoqarfik qaninneq tassaavoq Ittoqqortoormiit, silasiorfimmiit 700 km-nik kujasinnerusoq. Silasiorfiup DMI-mut ICAO-imullu akisussaaffii tassaapput qullartaatinik nassiussineq ussersaatinillu aserfallatsaaliuineq. Silasiornernut nalunaarsuutit katersagut, Atlantikup avannaani silaannakkut angallannermut pilersaarusiornermi qitiusumik inissisimapput.
Ukiup affaata missaani silasiorfimmiittassaatit, sap. ak. qulingiluakkaarlugit. Angerlarsimanerni feriat qaangiuttoornermullu taarsiullugu sulinngiffeqarnerit ingerlanneqartassapput, saniatigulli pikkorissarnerit, suleqatigiilluni nukittorsarnerit (teambuilding), peqqissutsimut misissortinnerit kigutilerivimmiinnerillu pinngitsooratik aamma ingerlanneqartassapput. Silasiorfimmi avatangiisini persuarsiorfiunngitsuni suleqatit tallimat peqatigalugit pitsaassutsip annertuup attatiinnarnissaa, atortut ajunnginnissaat, kiisalu suleriaatsit tatiginassutsimik isumannassutsimillu ukkatarinnittut qulakkeertassallugit. Minnerunngitsumillu sulinerup iluani avataanilu suleqatigiit ajunngitsumik ingerlanissaat isumagisassallugu.
Ukiumut tallimariaq, sulisut taarseraanneranni silasiorfimmi timmisartoqartarpoq.
Immikkorluinnaq pisoqartillugu taamaallaat silasiorfimminngaanniit piffissaq sioqqullugu aallartoqarsinnaavoq.
Atorfininnissaq:
Apriili 2024. Silasiorfimmiinnissaq siulleq: 10. apriili - 12. juuni 2024
Aningaasarsianut atorfininnermilu atugassarititaasut
Qaammammut aningaasarsisassaatit, angerlarsimanerit aamma ilanngullugit. Ataasiakkaatut atorfininnissamut isumaqatigiissuteqassaatit. Silasiorfimmiinninni akeqanngitsumik nerisaqarlutillu ineqartinneqassaatit. Tamakku inatsit malillugit akileraarusigassaapput.
Atorfininnissaq: 01.04.2024 imaluunniit isumaqatigiissut malillugu.
Ilinnoorpa?
Atorfik pillugu paasisaqarnerorusukkuit silasiorfimmi aqutsisoq attavigisinnaavat oq. +299 389464 imalunniit E-mail: maasi@tusass.gl
Qinnuteqaatit oqaloqatiginninnerillu
Tusassip suliffissaarsiortarfiatigut qinnuteqaat CV-lu nassiutikkit, kingusinnerpaamik : 18. Feb. 2024. Qinnuteqaatit aggeraangata suliarineqartassapput, oqaloqatiginninnerillu ingerlanneqartassallutik. Qinnuteqarfissaq nallertinnagu atorfigitsitsisinnaanerput pisinnaatitaaffigaarput.