sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kommuneqarfik Sermersooq

Nuummi Inuusuttunut Sullissivimmi katsorsaasumik pissarsiorpoq / Behandler til Ungecenter i Nuuk

Kommuneqarfik Sermersooq

Nuuk
Ikkunneqarpoq: 27-02-2024
Piffissaq atuuffissaa naassaaq: 19-03-2024
Suliffissamut ID normut: 331588427
Atorfeqarnermi atugassarititaasut: Tamakkiisoq
Suliassaqarfik: Allat
Atorfiup taaguutaa: Psykolog
Misilittakkat - Annertunerusumik: Engageret, Stabil
Oqaatsit:
Danskisut Atuarneq/ oqalunneq
Kallaallisut Atuarneq/ oqalunneq

Inuusuttunut katsorsaanermik neqeroorutip nutaamik ilusilersueqataaffiginissaanut suleqataarusuppit? Kommuneqarfik Sermersooq Nuummi Inuusuttunut Sullissivimmi katsorsaasartussarsiorpoq.

 

Inuusuttunut Sullissivik pingasunik immikkoortortaqarpoq;

·Inuusuttunut 18-iniit - 23-nut ukiulinnut Suliniuteqareernerup kingorna isumassorneqarnermut immikkoortortaq

·Meeqqanut 10-niit - 17-inut ukiulinnut ornittagaq aamma ujartuillutik inuusuttunik siunnersuisartut

·Meeqqanut inuusuttunullu 6-iniit - 17-inut ukiulinnut aallussilluartumik ineriartorneq aamma sakkortuumik nalaataqarsimanermik katsorsaanermut immikkoortortaqarfik.

 

Katsorsaanermik suliallip meeqqat inuusuttullu sullissivimmut innersuunneqarsimasut oqaloqatigisassavai kiisalu sulisoqatigiit suliatigut inuttullu ineriartortinnissaannik suliaqassalluni.

Katsorsaanermik suliallip aamma pinngortitamiilluni katsorsaanermik neqeroorusiornermik inerisaaqataassaaq.

Nuummi Inuusuttunut Sullissivimmi Meeqqanut Ilaqutariinnullu immikkoortortap ataani inissisimassaaq.

Katsorsaanermik suliaqartup Inuusuttunut Sullissiviup aqutsisua qaninnertut sulisitsisorissavaa.

Nuummi Inuusuttunut sullissivimmi katsorsaanermik sulialittut suliffimmut ingerlalluartumut akuulissaatit, tassanilu sulisut atukkatigut suliatigullu ineriartornissaat pingaartinneqartorujussuupput. Tamanna ilutigalugu inuusuttunut neqeroorutip sunniuteqarfiginissaanut periarfissaqassaatit aammalu meeqqanut inuusuttunullu atugarliortunut allannguillutit.

Atorfik inuttassarsiorneqartoq 1. apriilip 2024 aallarnerfigalugu isumaqatigiissuteqarnikkulluunniit inuttalerneqassaaq.

 

Akisussaaffeqarfiit:

·Inuusuttunut sullissivimmi innersuunneqartunut katsorsaanernut isumaginninnermilu perorsaanikkut suliniutini sullissinerit akisussaaffigissavatit.

·Aqutsisoq katsorsaasullu aqutsisuat suleqatigalugit katsorsaanikkut aamma isumaginninnermi perorsaanikkut suliassaqarfimmi sulisunik suliatigut ineriartortitsinerit qulakkiissavatit.

·Inuusuttunut sullissivimmi siumoortumik tulleeriiaarneqarsimasunik qulaajaanernut peqataanerit.

·Katsorsaanermi neqeroorutinik pitsanngorsaaneq

 

Ilinnut tunngasut

Matuma ataani allassimasut amerlanersaat ilinnit naatsorsuutigaavut:

·Psykologitut, psykoterapeutitut assigisaanilluunniit ilinniarsimasuuvutit.

·Meeqqanik inuusuttunillu katsorsaanermik siammasissumik ilisimasalik misilittagalillu, ajornanngippat Kalaallit Nunaanni.

·Inuttut suliatigullu piginnaaneqarluarputit sunniuteqarsinnaassuseqarluarlutillu.

·Inunnut pitsaasumik isiginnittaaseqartutit

·Tamatigoortuusutit suleqatikkuminarlutillu.

·Suliffeqarfimmi ineriartortuartumi sulinissamut kajumissuseqarputit.

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

 

Neqeroorutigisinnaasavut

Suliffik pissanganartulik unammillernartunik suliassartarpassualik.

·Suleqatit pitsaasut

·Supervisioni

·Meeqqanut Ilaqutariinnullu immikkoortortap suliniuteqarfiini allani suleqatinik siunersiueqatigiinneq

·Suliatigut inuttullu ineriartornissamut periarfissat pitsaasut.

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fungerende Centeleder Mikael-Erik Larsen, oqarasuaat +299 36 69 29 imaluunniit e-mail: mirl@sermersooq.gl

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq
.

 

Inissaq:

Atorfininnermut atatillugu inissiamik innersuussisoqarsinnaanngilaq.

 

Qinnuteqaat:

Qinnuteqaat qulequtserlugu Atorfiup ilisarnaataa 212-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia