sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Sungiusarfik Aaqami Alloq 3-mi immikkoortortami pisortamik pissarsiorpoq

Namminersorlutik Oqartussat

Nuuk
Ikkunneqarpoq: 07-10-2021
Piffissaq atuuffissaa naassaaq: 28-10-2021
Suliffissamut ID normut: LJA-82769990
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Sungiusarfik Aaqami Alloq 3-mi immikkoortortami pisortamik peqqinnissamut tunngasunik ilisimasalimmik pissarsiorpoq.

Sungiusarfik Aaqa tassaavoq nuna tamakkerlugu ulloq unnuarlu najugaqarfik, arfineq marlunnik immikkoortortalik. Immikkoortortaqarfiit arfinillit 32-inik inissalik, ornittagarlu 15-imik atuisulik. Najugaqartut tamarmik skizofrenimik nappaatilittut suussusersineqarnikuupput. Aaqa suliffeqarfiuvoq ineriartortoq. Periarfissaqartitsilluni supervision-ernissamik, ineriartor-nissamik tunngavilimmik oqaloqatiginninnermik, pikkorissartarnerillu naleqqussakkat.

Immikkoortortaqarfik Alloq 3-imi aqutsisussamik peqqinnissamut tunngasumik ilisimasalim-mik suliaminullu tunniusimalluartumik suleqatissarsiorpugut, tamakiisumik isiginnissinnasu-mik unammillernartuugaluanullu aporfeqarneq ajortumik.
Nakorsaaserinermik suliaqarsimaneq iluaqutaassaq, kiisalu naliginnaasumik timip sanane-qaataanik anniaateqartarnermik ilisimasaqarneq, najugaqartuutivut ukiui nikingasuullutik ukiorpassuarnilu nappaat suussusiligaq skizofreneernertut atorsimallugu.
 
Aaqami Immikkoortortani aqutsisut arfiniliupput, sapaatip akunnera allortarlugu immikkoor-tortani aqutsisut ataatsimeeqatigiittarput, taamaasilluni immikkoortortat ineriartortinneranut sunniuteqaqataallutik. Immikkoortortani aqutsisut Aaqamilu pisortaq qaammammut ataasiarlutik ataatsimeeqatigiittarput. Tassunga ilaavoq immikkoortortaqarfimmi sulisunik ilitsersuisarneq siunnersueqatiginnittarnerlu, najugaqartunik perorsaanerup isumaginnin-nerup peqqissuunissaatalu tungaatigut naliginnaasumik sullissisarnermut tunngassuteqar-tunik. 
Immikkoortortaqarfinni aqutsisup ilaatigut isumagisussavaa, nalunaarusiorneq, Killiffik pillugit nalunaarusiorneq, iliuusissamik pilersaarusiorneq. Najugaqartunut aningaasanut tunngasu-nut kommune-mut qinnuteqaassussineq. sulinissanik pilersaarusiortarneq, suleqatigisanut attaveqartarneq.
Kissaatiginarpoq immikkoortortami aqutsisoq kalaallit kultur-ianut oqaasiinullu ilisimasaqar-tussaasoq.
 
Immikkoortortaqarfimmi aqutsisup qullersaraa forstanderi.

Makkuninnga piginnaasaqartariaqarpoq

  • Peqqinnissamut assistentitut assigisaanilluunnit ilinniagaqarsimasoq peqqinnissamut tunngasunik ilisimasalik
  • Aqutsinermut misilittagaqarneq
  • Tarnikkut nukittuujuneq, qanimajaatsuuneq nammineersinnaassuseqarnerlu
  • Qiimasuuneq suleqatinut najugaqartunullu akaarinnittoq
  • Suleqatigiinni kulturip killingi akimorlugit ilinniakkallu tamat akornannut inissisimasinnaaneq
  • Suleqatinut ineqartunullu naalaarluarsinnaaneq
  • Ersarissumik pisortatut inissisimasinnaaneq
  • Aqutsisunut ilumoortuuneq suleqatiginnikkusuttorlu
  • Suliassanik agguataarillaqqissuuneq tamakkiisumillu isiginnissinnaaneq
  • Kalaallisut qallunaatullu allassinnaaneq/atuarsinnaanerlu kisiannili piumasaqaataanngilaq.

Piffissaq sapaatip akunneranut suliffiusartoq: Akunnerit 40-t.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia