sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Spændende stilling som jurist i Kommune Kujalleq

Kommune Kujalleq

Qaqortoq
Ikkunneqarpoq: 07-06-2022
Piffissaq atuuffissaa naassaaq: 27-06-2022
Suliffissamut ID normut: LJA-83694130
Atorfeqarnermi atugassarititaasut: Tamakkiisoq
Suliassaqarfik: Allat

Inatsisitigut ajornartorsiutit paasiuminaassinnaasut pulaffigilluarsinnaavigit, suliffeqarfimmilu kikkunnulluunniit isummersoqatigisartakkatut tutsuuiginartutut inissisimasinnaavit?


Taava immaqa illiusimassaaq inatsisilerituussarput nutaaq.


Ulluinnarni suliarineqartassapput ingerlatsinermut inatsimmut kommunillu aqunneqarnerannut inatsimmut tunngassutillit, taavalu kommunip pisortaaneranut, ingerlatsivinni pisortanut kommunimilu aqutsisuntu allanut suliassaqarfinnilu assigiinngitsuni suliassanik ingerlatsisunut siunnersortaallutillu isummersoqataasassaatit.


Atorfik kommunimi qitiusumik inissisimavoq Allattoqarfimmilu pisortaq saaffigineqartassalluni, tassani pisortani ingerlatsineq pillugu inatsisitigut kommunimut sutigut tamatigut siunnersortaassaatit inuillu akornanni eqqartuussivilersuussinerit pillugit siunnersuisinnaassuseqassallutit. Pisortani ingerlatsineq ilisimasaqarfigigukku kiisalu misililittagaqarfigigukku iluaqutaassaaq.


Suleqatigilissavatit sullissisut soqutiginartut assigiinngissitaartullu, suliamut piginnaasaqassusermik ingerlalluarnissamillu pingaartitsisut. Ulluinnaat ulapaarfiusarput taavalu suliffeqarfiup tamarmi nutarterneqarnissaanik sulilluarnerulernissaanillu siunertaqarfiullutik. Kommunip sulisoqarnermut immikkoortortaani allamik ataatsimik inatsisileritooqarpoq, taannalu Allattoqarfimmi inatsisilerituup suliaminut ilanngullugu inatsisit pillugit isummersoqatigisassavaa.


Naatsorsuutigaarput September aallaqqaataani 2022 imaluunniit erseqqinnerusumik isumaqatigiissuteqarnikkut atorfinissinnaassasutit. Ajornanngippat massakkut aqutsisunik sullissivimmi inatsisilerituujusup aasap kingorna tunuartussap suliai tigujartuaarneqassapput.


Suliassat

  • aqutsinermut inatsimmik kiisalu ingerlatsinermut inatsimmik kommunip eqqortitsinissaa akisussaaffigissallugu, tassunga ilanngullugu Kommunalbestyrelsimut Pisortaaneqarfimmullu siunnersortaasassalluni.
  • kommunip isumaqatigiissusiatigut soqutigisai nakkutigissallugit
  • allagaatinik takunnissinnaatitaaneq toqqammavigalugu suliassat isumagissallugit
  • inatsisilerinermi oqaaseqaatinik suliarinnittassalluni
  • inatsisit qanoq paasineqarnissaannik nassuiaasiortassalluni
  • inatsisilerinikkut pitsaassutsimik qulakkeerinnittassalluni
  • kommunimi suliassalerisut ingerlatsinermut inatsisit, suliassalerinermut inatsisit kiisalu kommuninut inatsisit pillugit tunngaviusumik pikkorissartassallugit


Tamatuma saniatigut inatsisitigut suliassanik allanik suliaqartarnissaq naatsorsuutigisariaqarpoq, soorlu isumaqatigiissutissat suliarineqartassapput kiisalu kommunit pillugit kiisalu ingerlatsineq pillugu inatsisinut apeqqutit suliarineqartassallutik, tamanna ilaatigut siunnersortinik avataaneersunik suleqateqarluni pisarsinnaavoq.


Naatsorsuutigaarput, illit

  • inatsisilerinermut ilinniarsimasutit ( masteritut bacheloritulluunniit)
  • suliffeqarfimmi kikkunnik tamalaanik suleqateqarsinnaassuseqartutit
  • sullerissuusutit, eqaatsumik sulisinnaassuseqartutit aaqqiissutissarsiortuullutillu
  • ulluinnani ulapaarfiusuni paatsiveerutiaatsuusutit
  • suleqatinnut tatiginarlutit suleqataassasutit


Kalaallit oqaasiinut ilisimasaqarneq iluaqutaassaaq, piumasaqaataananili.


Soqutiginnittut juni 2022-imi soraarummeernissaminnik naatsorsuuteqartut aamma qinnuteqarsinnaapput.


Bacheloritut angusaqarsimasumik atorfinittoqassappat naatsorsuutigineqarpoq taanna kommunimit tapersersorneqarluni atorfeqarnermi nalaani inatsisilerinermut masterinngorniassasoq.


Kommune Kujalleq Kalaallit Nunaanni kommunit kujallersaraat 6.292-inik inoqartoq (2022) taamalu Kalaallit Nunaanni kommunit minnersaasoq.


Kommunimiipput illoqarfiit pingasut, Nanortalik, Qaqortoq taavalu Narsaq, nunaqarfiit aqqanillit nunaleriviillu 37-it (savaateqarfiit, tuttuuteqarfiit nersussuaateqarfiillu), kujataa piniarfigissuuvoq (tuttunik, timmiarussanik puisinillu) aalisarfigissuullunilu, oqaluttuarisaanikkullu pingaarutilinnik qallunaatsiaqarfeqarpoq, allanillu pinngortitami misigisassarsiorfissaqarluni.


Kommune pillugu paasissutissat sukumiinerusut nittartakkatsinni pineqarsinnaapput https://www.kujalleq.gl/Emner/Om%20kommunen?sc_lang=kl-GL


Kommune Kujallermi inuiaqatigiit ullumikkut nutaalianngorsimapput, niuertarfeqarnikkut takornariartitsinikkullu sorpassuarnik umigassaqalersimalluni, soorlu akunnittarfiit / unnuisarfiit, umiatsianik qulimiguulinnillu takusassarsiortitsinerit, nunaleriffiulluni, takornariartitsiviulluni kiisalu illoqarfinni tamani nunaqarfinnilu qassiini tunisassiorfeqarluni annertusiartuinnartumik aalisarfiulluni inuussutissarsiornikkut eqeersimaarfiulluni. Kujataa sunngiffimmi piniarfigippoq (tuttunik, ukallinik timmiarussanillu) aalisarfigillunilu.


Suliffeqarfissuarmi suliassanik annertuumik namminersorfiusunik, pissangartunik tamatigoortunillu suliaqarusuppit sulinermi pitsaasunik avatangiiseqarlutit, taava Kommune Kujallermi aqutsisunik sullissivimmi inatsisilerituutut atorfik qinnuteqarfigiuk.


Atorfimmi sapaatit akunneranut nalunaaquttap akunneri 40 suliffiupput. Suliffiup nalinginnaasup avataatigut sulisarnissaq naatsorsuutigineqassaaq. Fuldmægtigitut qaffasissusilimmik aallaavittut atorfinitsisisoqassaaq misilittaqassuseq atorfeqarnermilu isumaqatigiissut atuuttoq naapertorlugu tapeqarnissamut periarfissaqarluni.


Atorfinitsinneqarnermut atatillugu pineqaatissinneqarsimannginnermik uppernarsaat piniarneqassaaq.

Akissarsiatiugut atorfeqarnermilu atugassarititaasut:

Akissarsiat atorfeqarnermilu atugassarititaasut, soorlu akiliunneqarluni atorfeqarnermi soraarnermilu angalanissamut pisattallu nassiunneqarnerannut pisinnaatitaaffiit, Kalaallit Nunaanni Namminersorlutik Oqartussat kiisalu kattuffiup isumaqatigiinniarsinnaatitaasup akornanni isumaqatigiissutit atorfininnerup nalaani atuuttut naapertorlugit pissapput.


Inissaq:Sulisutut inissamik Qaqortumi innersuussisoqarsinnaavoq malittarisassat sukkulluunniit atuuttut malillugit ineqarnermut allanullu akilerneqartussamik.


Atorfik pillugu paasissutissat sukumiinerusut pissarsiarineqarsinnaapput ukut saaffigalugit: Allattoqarfimmi pisortaq Max Heilmann Larsen, e-mail mahl@kujalleq.gl imaluunniit massakkut kommunip inatsisileritoorisaa Tommy Persen, e-mail tope@kujalleq.gl

 

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik  27. juni 2022 nittartagarput kommunip nittartagaa atorlugu.


MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatinnik nittartagaq aqqutigalugu PDF-inngorlugit kommunip nittartagaatigut nassiussinissat inussiarnersumik piumasarineqarpoq.


Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia