sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aqqutissiuisoq - Inuili - Food College Greenland-mut

Namminersorlutik Oqartussat

Narsaq
Ikkunneqarpoq: 06-01-2022
Piffissaq atuuffissaa naassaaq: 26-01-2022
Suliffissamut ID normut: LJA-83186330
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Inuili – Food College Greenland aqqutissiuisumik pissarsiorpoq ilinniartitaanermut aqqutissiuisumik allaffissornermillu suliaqartussamik februarip aallaqqaataani 2022 sulilertussamik imaluunniit sukkanerpaamik sulilertussamik.
Aqqutissiuisoq ilinniartitaanermik allaffissornikkut sulialinnut pingaaruteqartuuvoq Inuili – Food College Greenland Narsamiittumi. Ilinniarneq pillugu siunnersuisut ilinniartitaanermut- sunngornissamullu siunnersuinermik tunngasutigut suliaqartassaatit, ilinniarnerup aallartinnera, ilikkariaatsit pædagogik kiisalu paasissutissiisarneq ilinniartussanut, ilinniartooreersunut sungiusarlutillu suliffiisa isumaginnittuinut. Siunnersuinermik allaffissornermillu allanngoraraluarluni sunniuteqarluartumik ingerlatsisoqarnissaat pingaartipparput, aamma sulinermik avatangiisitigut ajungitsumik tunngaveqarnissaa kiisalu inuttaata tikilluaqqusisumik nuannaartumillu pissuseqarnissaa aamma pingaartillutigu. Aqqutissiuisutut ilitsersuinermik suleqatigiinnut ilannguttussaavutit, suleqatillu taakkua Ilinniarfiup ilinniartitaaneranut ilinniartuusunut siunnersuinermik tamanut akimorlugu suliaqartuupput.

Suliassat
Ulluinnarni ilinniartunut suliffinnullu sungiusarfinnut allakkatigut, oqarasuaatikkut, ilinniartunullu nammineq aggerlutik saaffiginnittut siunnersuisarputit. Ilinniartitsisut suliamik ilinniarsimasut suleqatillu allaffissortut suleqatigissavatit ulluinnarni suliassaasut pilersaarusiorlugit aaqqissorneratigut. Siunnersuinermik anguniakkavut pingaarnerit tassaapput pikkorissumik siunnersuisoqassasoq piffissaq sumiffillu eqqortoq atorlugu kiisalu ilinniarnermik avatangiisit nuannersuunissaat peqataaffigissallugit ilinniarnerminnillu taamaatitsisoqannginnissaa kinguartoortoqannginnissaalu anguniassallugu. Ilinniartunut attaveqaqatigiinninni aamma Lectio atussavat, tassaammat Inuili – Food College Greenland-ip intranet-ia. Ulluinnarni allaffeqatigissavatit ilinniarfimmi allaffissornermik suliaqartut, taakkualu isumasioqatigalugit suleqatigalugillu siunnersuinermik suliaqarninni aammalu suliassanik pilersaarusiortarninni.

Taamaattumik piginnaaneqarfigisariaqarpatit:

  • Ulluinnarni ilinniartunik siunnersuineq, suliffinik misiliivinni isumaginnittunik attaveqarneq ilinniartitaanermillu sulialinnut allanut mail-ikkut attaveqarneq, oqarasuaatikkut aamma nammineq aggerlutik saaffiginnittunut.
  • Aqqutissiuinermi ineriartortitseqataaneq peqataaffigissallugu.
  • Pisunut allannguutaasunut piareersimanissaq suliffeqarfimmullu ineriartortumut peqataasinnaalluni.
  • Ilinniartitaanermi inatsisinut malittarisassanullu atuuttunut ilisimasaqarluarnissaq
  • Suleqatinut, suliffinni misileraaviusuni isumaginnittunut ilinniartitaanernullu allanut aqqutissiuisuulluarnissaq.
  • Qarasaasiakkut nalunaarsuinermi suliaqarnissaq. Tamatumani ilanngullugu ilinnialerusuttussanik aallartitsineq, allakkanik qaaqqutissutinik tigutissinnaanngittunullu allakkiat, ilinniartitaanermi uppernarsaatit pikkorissartitsinnermi uppernarsaatit kiisalu allakkat journal-iinut toqqorternissaat isumagissallugit.
  • Lectio allaffissornikkut atornissaa tamatumani ilanngullugu allakkanik pilersitsineq ilinniarnissamillu ingerlaatsit pilersaarusiornissaat.
Piginnaaneqarfigivat
  • Aqqutissiuisutut naammassinikuuvutit 
  • Siunnersuisarnermik aqqutissiuisutut misilittagaqarputit, Ilinniarfiit arlaanni sulisimallutilluunniit 
  • Attaveqariaatsit assigiinngitsut atorlugit Ilinniartunut attaveqaqatigiinneq
  • Tamakkerlugu isiginninneq pigivat suliassallu aaqqissuulluakkamik suliarisinnaallugit 
  • Suliassat tamatigoortumik piginnaaneqarlutit suliarisinnaallugit
Neqeroorutigaarput
  • Suliffik ineriartornarluartoq tamatigoortorlu suliffeqarfiup iluani avataanilu attaveqaqatigiilluartoq
  • Suliffimi oqartussaaqataalluarsinnaaneq
  • Suleqatit suleqatigalugillu isumasioqatigalugit ilinniartitaanermik allaffissornikkut Ilinniarfik akimorlugu
  • Suleqatit nuannersut, suliaminnut tunniusimalluartut inerisaarusuttut aammalu sulinermik avatangiisinik pitsaasunik inerisaaqataarusuttut
  • Piffissatigut sulinissaq nikerarsinnaasumik aaqqissugaasoq
Akissarsianut atorfininnermullu tunngasut, tamatumani ilanngullugit sulileqqaarnermi suliunnaarnermilu angalanissat akilikkat malittarisassat atuuttut naapertorlugit.

Imatut qinnuteqassaatit
Qinnuteqaatit nassiuguk, CV, ilinniarsimaninnut pikkorissarsimaninnullu uppernarsaatit, siusinnerusukkullu sulisimanermik uppernarsaatit, ”qinnuteqaat nassiutiguk” toorlugu.

Ferbruarip aallaqqaataani 2022 sulilersinnaavutit imaluunniit isumaqatgiissuteqarnikkut.
Atorfik pillugu akuttunngitsumik oqaloqatiginnittassaagut, taamaattumik nangaarianngiivillutit CV-it aamma qinnuteqaatit nassiutiinnassavatit.

Atorfimmut apeqqutissaqaruit, tikilluaqquneqarputit Ilinniarfiup pisortaant Poul N. Christensen mail-mut uunga allaffigissallugu poch@inuili.gl imaluunniit Ilinniartitaanermut pisortamut Jacob Zederkof mail-ikkut uunga allaffigissallugu jaze@inuili.gl. Aamma oqarasuaatikkut attaveqarfigisinnaavatsigut uunga: 661313
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut. 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia