sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Oqaasileriffimmi nunap aqqinik suliaqarnermut atatillugu piffissami killilikkami AC-fuldmægtigitut atorfik

Namminersorlutik Oqartussat

Nuuk
Ikkunneqarpoq: 06-01-2022
Piffissaq atuuffissaa naassaaq: 27-01-2022
Suliffissamut ID normut: LJA-83186333
Atorfeqarnermi atugassarititaasut: Tamakkiisoq
Suliassaqarfik: Ingeniøri & pinngortitalerineq

Oqaasileriffimmi Nuummiittumi AC-fuldmægtigitut atorfik 1. februaari 2022-mit inuttalerneqassaaq. Atorfik 30. juuni 2022-mut killeqarpoq.

Atorfik pillugu
Atorfik ilinniagartuutut atorfiuvoq makkuninnga suliassaqarfiulluni:

  • Oqaasileriffimmi katersat toqqortaatillu nunat aqqinut tunngasut digitalinngortinnissai
  • nunat aqqinik katersaasivimmik ineriartortitsinermut atatillugu nunat aqqinik katersineq, nalunaarsuineq uppernarsaasersuinerlu, taamatullu Nunat Aqqinik Aalajangiisartunik sullissinermut atatillugu nunat aqqisa allattorsimaffii assigiinngitsut misissuiffigissallugit, suliaqarfigissallugit ineriartortissallugillu
  • nunatsinneersunik nunattalu avataaneersunik suliffeqarfinnik suleqateqarneq ulluinnarni ingerlanneqassaaq killiffimmillu paasissutissiisarluni
Piginnaasassat piumasaqaatillu
  • Ilinniagartuutut bacheloritut allagartaqarnissaq. Tassani kalaallit kulturiat oqaluttuarisaanerallu immikkut ilisimatusarfigisimanissaat piumasaqaataavoq.
  • Nunat aqqinik soqutigisaqarnissaq.
  • Ilisimatusarnermi misissueriaatsinik assigiinngitsunik misilittagaqarneq.
  • Oqaatsit: kalaallit oqaasii, danskisut tuluttullu.
  • Qarasaasiaq atorlugu nunalerissutit (GIS-programmit) MapInfo aamma ArcGIS ilisimasaqarfigalugillu misilittagaqarfiginissaat.
Neqeroorutigisinnaavarput
  • Suliffeqarfik pissanganartoq suliassallu unammillernartut.
  • Suliffeqarfik suliassanik siammasissunik sulialik suleqatillu pikkorissut.
  • Suliffik suliat tungaasigut ineriartorfissaqarluartoq.
Sulinermi piffissaq sapaatip-akunneranut nalunaaquttap akunneri 40-t.

Oqaasileriffik pillugu
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup ataaniippoq ilisimatusarnikkut ingerlatsiviulluni nammineq ingerlasoq, suliassat inatsisit kalaallit oqaasiinut tunngasut tunngavigalugit ingerlanneqarlutik. Annertunerusumik nittartakkami www.oqaasileriffik.gl-imi atuarit.

Paasissutissat annertunerusut
Atorfik pillugu annertunerusumik paasisaqarusuttut Oqaasileriffimmut saaffiginnissinnaapput, ukununnga:
- Arnaq B. Johansen, nunat aqqinik suliaqarnermi akisussaasoq (arnaq@oqaasileriffik, tlf.: +299 38 40 65)
- Beatrine Heilmann, Oqaasileriffimmi pisortaq (behe@oqaasileriffik.gl, tlf.: +299 38 40 61)

Qinnuteqarnissamut killigititaq
Qinnuteqaat, ilinniarsimanermut uppernarsaat CV-lu tiguneqareersimassapput: sisamanngorneq 27. januaari 2022.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia