Pisortaqatigiit Allatseqarfiat AC-fuldmægtigimik pikkorissumik tunniusimasumillu sulisussarsiorpoq / Ledelsessekretariatet søger en dygtig og engageret AC-fuldmægtig

Kommuneqarfik Sermersooq

Nuuk

Ikkunneqarpoq: 16-11-2023

Piffissaq atuuffissaa naassaaq: 14-12-2023

Suliffissamut ID normut: 331581473

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa: AC-fuldmægtig

Misilittakkat - Annertunerusumik: Engageret, Selvstændig, Ansvar

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Kommuneqarfik Sermersuumi Pisortaqatigiit Allatseqarfiat AC-fuldmægtigimik pikkorissumik tunniusimasumillu sulisussarsiorpoq

Nunatsinni kommunit annersaanni politikkikkut suleriaatsit paasisaqarfigerusuppigit?

Ilinniagartuutut suliassamut ilisimasaqarluarpit aamma soqutiginnittuuit? Kommunimi politikerit kiisalu aqutsisut qulliunerusut qaffasissumik sullinneqarnissaat qulakkeerlugu suleqataaffigerusuppiuk? Taava Pisortaqatigiit Allatseqarfianni ujartugarput illiusimassaaq.

Pisortaqatigiit Allatseqarfiat suliffeqarfiuvoq kajuminnartoq aamma suliassaqarfimmik peqqissaarussisoq qaffasissunik anguniagaqarfiusoq. Pisortaqatigiit Allatseqarfianni ulluinnaat allanngorartuupput suliassallu unammillernartarlutik, piffissat ilaanni sukkasuunik pisoqartarpoq aamma piffissaalatsitsilluni suliassat naammassisassaasarput suliamut, inatsisinut aamma aningaasaqarnermut tunngavissat pitsaasut tunngavigalugit. Ullut marluk qaqutigut assigiinnik suliassaqarfiusarput.

Pisortaqatigiit Allatseqarfiannit politikerit inuit qinigaattut Kommunalbestyrelsimi, nunaqarfimmi siulersuisut aamma najukkami ataatsimiititaliani issiasut sullinneqarput. Taassuma saniatigut Pisortaqatigiit Allatseqarfiannit kommunimi aqutsisut qulliunerusut sullinneqarnerat akisussaaffigineqarpoq nunatsinnilu kommunit sinnerinut kommunit ataatsimoorussamik suleqatigiinneranni allatseqarfittut atuulluni. Qulaani taaneqartut saniatigut Pisortaqatigiit Allatseqarfiannit ineriartortitsinermik suliniutinik assigiinngitsunik, suliniutinik aamma kommunemi ingerlatsiviit akimorlugit soorluttaaq nunatsinni kiisalu nunat tamalaat akornanni suleqatigiinnernik ingerlatsisoqarpoq.

AC-fuldmægtigitut politikkissat, periusissiat aammalu suliniutit pillugit suliaqarnermi pingaarutilimmik inissisimassaatit. Kommunalbestyrelsimi kissaatit naapertorlugit suliassat soqutiginartut, soorlu ukiumoortumik missingersuusiornermi isumaqatigiissut aallaavigalugu suliassaqarfiussapput.

Pisortaqatigiit Allatseqarfiat Kalaallit Nunaanni illoqarfiit pingaarnersaanni Nuummi kommuneqarfiup allaffeqarfiani inissisimavoq. Allatseqarfik qulit missaanik sulisoqarpoq, immikkoortortami aqutsisut marluk aammalu allatseqarfimmi pisortaq. Illit immikkoortortami aqutsisup aappaata ataani sulissaatit.

Suliassatit immikkoortortami aqutsisoq suleqatigalugu sukumiinerusumik aalajangersarneqassapput, ilaatigut makkuussallutik:

·Politikkissanik aammalu periusissanik suliaqarneq

·Aqutsisunik kiffartuussisarnerit

·Suliniutinik aqutsineq

·Imigassamik aalakoornartulimmik sassaallersinnaanermut akuersissutinik aamma aningaasanik ikisilluni pinnguaatinut akuersissutinik tunniussinernut periutsinik suliallu saqqummiunnerinut akisussaaneq

·Sulianik saqqummiussinermut atatillugu suliaqarneq kiisalu misissuinernik, nalunaarusianik, tusarniaatitsinermi akissutinik, allakkanik allanillu suliaqarneq

·Suliassat takkussortut suliarinissaat

·Suleqataasumit piareersimaffigineqassaaq allatseqarfiup suliassaanut allanut pisariaqartitsisoqartillugu isumaginnissinnaaneq

Naatsorsuutigaarput:

·Kandidatitut qaffasissusilimmik naleqquttumik ilisimatusarsimassasutit

·Suleqatikkuminartuusutit, nutaamik eqqarsarsinnaassuseqartutit, suliamillu naammassinninnissamut akisussaaffeqarsinnaasutit

·Ulluinnarni suliassanik assigiinngitsorpassuarnik aaqqissuussisinnaasutit, pingaarnersiuillutit tamakkiisumillu paasinnissinnaallutit

·Ilakkuminartuusutit aammalu nuannersumik aallaavilimmik periuseqartutit

·Ilaanni suliassat piffissap nalinginnaasup avataani suliarineqarlutik naammassineqartartussaammata tamatigoortuunissat pisariaqarpoq

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaavut:
Kommunimi allatseqarfimmi kajuminnartumi suliassaqarfimmullu tunniusimasumi ulluinnaat allanngorartut, politikkikkut aalajangiussanik qanimut attuumassuteqartut. Taamannak ingerlatsivugut suleqatigiit pikkorissut soqutiginnittullu suleqatigiilluta, aamma tamatta suliffimmi atugassarititaasunut suleqatigiillu akornanni ataqatigiinnermut pitsaasumut eqaatsumillu periuseqarfiusumut tapersiiuarpugut. Atorfik unammillernartoq neqeroorutigaarput suliassanut nammineq sunniuteqarsinnaanermik aamma ineriartorfiusinnaasumik kiisalu piginnaasanik atorluaasinnaanermik imalik.

Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Maritha Eugenius, oqarasuaat +299 36 70 14 imaluunniit e-mail: maeu@sermersooq.gl

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:
Kalaallit Nunaanni Naalakkersuisut AC-llu imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu akissarsiaqartitsisoqarlunilu atorfinitsitsisoqassaaq.

Atorfinitsitsineq qaammatini pingasuni misiliinertaqaqqaassaaq.

Inissaq:
Atorfininnermut atatillugu inissiamik innersuussisoqarsinnaanngilaq.

Qinnuteqaat:
Qinnuteqaat qulequtserlugu Atorfiup ilisarnaataa 1053-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.