sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Meeqqanut, Inuusuttunut, Ilaqutariinnullu Naalakkersuisoqarfik

Namminersorlutik Oqartussat

Nuuk
Ikkunneqarpoq: 01-10-2021
Piffissaq atuuffissaa naassaaq: 22-10-2021
Suliffissamut ID normut: LJA-82742873
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik

Kalallit Nunaanni meeqqanut, inuusuttunut ilaqutariinnullu pissutsit pitsaanerulersinnissaannut suleqataarusuppit?
Meeqqanut, Inuusuttunut, Ilaqutariinnullu Naalakkersuisoqarfimmi meeqqanut, inuusuttunut ilaqutariinnullu pissutsit pitsaanerulersinnissaannut politikikkut anguniakkat piviusunngortinnissaat suliassaqarfimmi ukkataraarput. Naalakkersuisoqarfiup ilaatigut meeqqat, inuusuttut, ilaqutariit sulinerlu pillugit ilisimasat ataqatigiissaassavai aamma meeqqat inuillu innarluutillit pisinnaatitaaffiisa naammassinissaat sulissutigissallugu, suliassammi pingaarutillit tassani nammassineqassammata.  

Suliassat ilaatigut ilagaat meeqqanut, inuusuttunut ilaqutariinnullu aamma innarluutilinnut suliassaqarfimmi periusissiat aamma suliniutinut pilersaarutit ineriartortinnissaat, politikikkut sulineq oqaaseqaasiornikkut, nalunaarusiornikut/nalunaajaanikkut sullisissallugu aamma suliniutinik ineriartortitsinernillu suliat assigiinngitsut isumaginissaat.   Naalakkersuisoqarfiup ilaatigut nalunaajaatit suliniutinullu pilersaarutit ineriartortissallugit suliassaraa, tassanilu Naalagaaffiit Peqatigiit Meeqqat Pisinnaatitaaffii pillugit Isumaqatigiissutaat aamma Naalagaaffiit Peqatigiit Inuit Innarluutillit pillugit Isumaqatigiissutaat malinneqarnersut qulaajassallugu.
 
Suliassaqarfik kivitseqataaffigerusukkukku taava immaqa Meeqqanut, Inuusuttunut, Ilaqutariinnullu Naalakkersuisoqarfimmi AC-fuldmægtigitut atorfik ilinnut tulluassaaq.    

Atorfik pillugu
Suliassat ilaatigut tassaapput:

  • Suliassaqarfimmi suliniutit, periusissiat, suliassat naammassinissaat aamma misissueqqissaarnerit ineriartortissallugit pisortaaffigissallugillu
  • Naalakkersuisunut oqallissaarutinik saqqummiussineq, tunngavissanik oqaaaseqaasiorneq,  §37 tunngavigalugu apeqqutinik akisineq, il.il.  
  • Naalakkersuisoqarfiup suliassaqarfiini suliniutinut eqimattanut atatillugu suliassat suleqataaffigalugillu ataqatigiissaarnissaat
  • Oqalugiaasiorneq tusagassiuutinullu nalunaarusiorneq aamma illup iluanut avataanullu allatut attaveqaqatigiinnerit isumagissallugit  
  • Isumaginninnermut suliassaqarfimmi misissuinerit, naliliinerit assigisaallu pisortaaffigissallugit imaluunniit suleqataaffigissallugit  
  • Inatsisinut piareersaasiornermut suleqataaneq, immaqalu aningaasaqarnikkut inatsimmut, aningaasat missingersuusiornerat malitseqartissallugu il.il.   
 
Suliassat tamatigoortuupput oqaatsit suliassaqarfiillu assigiinngitsut aqqusaartorlugit suleqatigiinnermut peqataasinnaanissaq piumasarineqarluni, aamma nammineq suliassaqarfimmut suliniutinullu nammineerluni akisussaaffeqassalluni.   Atorfimmi suliat nutaat iserfigipallassinnaaneri sungiussiasuunissarlu aamma suliffimmi ilaanneeriarluni ulapiffiusumi suliassat mikisut angisuullu akuleriiaarfianni atugarissaarsinnaanissaq  piumasaqarineqarput.
 
Taamaattumik iluaqutaassaaq suleqatinnissinnaaguit. Suliffimmi politikikkut aqunneqartumi akulikitsumik ulapaarfiusorujussuarmi sivikkitsumillu piffissaqartitaalluni tunniussiviusussami sulinissat soqutigissavat. Allattarissatigut oqaluttarissatigullu ingerlatitseqqissinnaaneq aamma ataqatigiinnerit pisariusut paasilluarsinnaanerinut pikkoriffeqaruit iluaqutaassaaq.   
 
Illit pillutit
  • Naleqquttumik ilinniagakkaatut kandidatitut ilinniarsimassaatit
  • Kalaallit Nunaanni isumaginninnermut suliassaqarfik ilisimasaqarfigissavat – pingaartumik meeqqat inuusuttullu aamma innarluutillit pillugit
  • Ulloq unnuarlu paaqqinniffiit pillugit ilisimasaqassaatit
  • Pisinnaatitaaffiit pillugit sulineq misilittagaqarfigissavat – Naalagaaffiit Peqatigiit Meeqqat Pisinnaatitaaffii pillugit Isumaqatigiissutaannut aamma Naalagaaffiit Peqatigiit Inuit Innarluutillit pillugit Isumaqatigiissutaannut tunngasunik suliaqartarsimaguit iluaqutaassaaq
  • Suliniutit aamma suliat ingerlanneri misilittagaqarfigissallugu, aamma suliniutit ingerlatsisuuffigineri misilittagarigukku iluaqutaassaaq
  • Namminersorluni aaqqissuulluakkamik ineriartortitsinissamullu sammisumik sulisinnaaneq
  • Allattarissatigut oqaluttarissatigullu attaveqaqateqarsinnaanermik pikkoriffeqarneq
  • Paasissutissat amerlasuut pisariusullu ataatsimut isigisinnaaneri
  • Suleqatigisanik avataaniillu  soqutiginnittunik suleqateqarluarsinnaaneq
  • Kalallit Nunaanni inuiaqatigiit kulturilu pillugit ilisimasaqarneq
Meeqqanut, Inuusuttunut Ilaqutariinnullu Naalakkersuisoqarfik aamma Inatsisinik Atuutsitsinermut suliassaqarfik pillugit
Meeqqanut, Inuusuttunut Ilaqutariinnullu Naalakkersuisoqarfimmi suleqatigiit 18-iuvugut agguataarneqarsimasut immikkoortoqarfinnut ukununnga: Pisortanut Allattoqarfik, Periusissiat aamma Ineriartortitsineq aamma Isumaginninnikkut Inatsilerineq, atorfillu una Periusissiani aamma Ineriartortitsinermi inissisimavoq. Taakku saniatigut naalakkersuisoqarfimmut atasumik immikkoortortaqarpoq, tassaasoq Isumaginninnermut Aqutsisoqarfik.   

Qinnuteqarneq
Qinnuteqarnermut piffissaq killigititaq tassaavoq ulloq 22. oktobari 2021 nal. 12.00 Kalaallit Nunaanni piffissaq malillugu.
Ulloq sulilerfissaq tassaavoq 1. decembari 2021 imaluunniit isumaqatigiisuteqarnikkut. 

Paasissutissat sukumiinerusut
Atorfik Naalakkersuisoqarfilluunniit pillugit paasisaqarnerorusukkuit imikkoortortaqarfimmi pisortaq Ditte Enemark Sølbeck attaveqarfigissallugu tikilluaqqusaavutit e-mailikkut ditt@nanoq.gl imaluunniit oqarasuaatikkut +299 26 49 95.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia