Nuummi Tusass-imi Aallakaatitsiviup sullivianut Teknikerimik sulisussarsiorneq

Tusass-ip piaarnerpaamik sulilersussat Teknikerimik nammineersinnaasumik, akisussaaffimmik ilisimaarinnilluartumik teknikkimillu pikkoriffilik maannakkorpiaq pissarsiarerusuppaa Nuummi Aallakaatitsinermut immikkoortortaqarfiup sulliviani sulilertussaq. 

Tusass-ip ineriartortuarneq nalunaarasuartaateqarnikkut attaveqaqatigiinnermut piumasaqaateqaleraluttuinnartoq malinnaavigaa. Teknikkimik suliaqarfiup ineriartornermut periusissiaq annertuunik suliassartalik angusaqarusuttorlu ilusilersorpaa, periusissiamilu piumasaqaatinik naammassinnittussat suliassat arlallit ilaapput. Periusissiaq suliarineqalerpat pinngitsoorsinnaassanngilatsigit.

Atorfik:

Nuummi Aallakaatitsivik marlunnik immikkoortortaqarpoq, Teknikkimut tunngasunik aallakaatitsivik aammalu Sullitanut tunngasunik aallakaatitsivik, katillugit qulinik Ingerlatsinermut siunnersortilik. Immikkoortortaqarfiup suliarai aserfallatsaaliineq, najukkani nalunaarasuartaatinut stationeqarfinni kiisalu nunatsinni sumiiffinni assigiinngitsuni illoqarfinni nunaqarfinnilu nalunaarasuartaateqarnermi teknikkimut atortunik aaqqissuussineq/ajoqutinik iluarsaassinerit. Atorfiit marluullutik assigiissutigaat ilaatigut suliaqarfiup iluani sanaartugassaqartillugu pilersaarusiornernut peqataaneq.

Suleqatitaatsitut teknikkimut piginnaaneqarfivit suliatit aqqutigalugit ineriartortinnissaannut periarfissaqarfigilluassavat, soorlu:

• Sullitanut tunngasunik aallakaatitsivimmi, tassani pineqarluni NaviAir: Radiofoni, nassitsissutit DVB-T-t, Sinerissami Timmisartunullu radionut HF-imut aamma VHF-imut attaveqaqatigiinnermut atortut.
• Teknikkimut tunngasunik aallakaatitsivimmi: Ericsson Longhaul/minilink Sakkortusaavinni atortulersuutit aammalu XMP-1 Multiplex-imut atortut, qaammataasamut nunami stationeqarfiit imaanilu kabelimut atortut naapiffii.

Angalasarnissat naatsorsuutigissavat. Angalaneq annerusumik qulimiguulimmik, angallammik attartukkamik, timmisartumik imaluunniit umiarsuarmik pisassaaq.

Illit ilisarnaatitit:

Minnerpaamik Elektronikfagteknikeritut, Elektronikteknologitut taakkununngaluunniit assingusunik sulinikkut tunuliaqutaqassaatit atorfinnilu assingusuni tele-teknikkilluunniit iluani sulianik assingusunik suliaqarnermik misilittagaqarlutit.

Suliamik namminersuutiginnissinnaanerit, akisussaassuseqarnerit, suliannik peqqissaarussisuunerit suliassannillu naammassinnivissinnaassuseqarnerit aammattaaq pingaartipparput. Tamakku saniatigut suleqatinnik oqarasuaatikkut suleqateqallaqqissuussaatit. Aalajaallutit suliartortuartuussaatit, ilaannilu ulluinnaat ulapifferujussuit peqataaffigisassavatit.

Attaveqaqatigiinnernut kaaviiaartunik (qaammataasani, imaani kabelimi, radiomi, telefonimi) ilisimasaqassaatit, taakkulu imminnut qanoq ataneri misissoqqissaarsinnaassallugit kiisalu serverinik, routerinik aammalu nuutsitsinernik (switche) annertuutigut ilisimasaqassallutit. Kalaallisut, qallunaatut tuluttullu allassinnaallutillu oqalussinnaassaatit.

Neqeroorutigaavut:

Atorfik pissanganartoq unamminartunik ulikkaartoq, suleqatit piukkunnaateqarluartut suliassaminnut tunniusimasut akornanni ulluinnarni suliffik ulapiffiusoq eqeersimaafiusorlu. Annertuumik kiffaanngissuseqarneq misigissavat, soorlumi aamma suliatigut inuttullu ineriartorfissarpassuaqassasoq. Sulilersussatut piukkunnarnerpaaq piginnaasat naapertorlugit neqeroorfigineqassaaq akissarsianik ataatsimoortunik.

Soqutiginarpa?

Atorfiit pillugit allanik paasisaqarumaguit Immikkoortortaqarfimmi pisortamut Kim Zinck-imut sianersinnaavutit tlf. +299 386060-imut.

Qinnuteqarnissaq oqaloqatigininnerillu:

Tusass-ip sulisussarsiornermut isertarfia aqqutigalugu qinnuteqaateqarit, tassungalu kakkiutissavat qinnuteqaatit CV-iilu. Tusass-ip qinnuteqaatit tigusani ataavartumik suliarisarpai, qinnuteqarfissamullu killiliussap qaangiutinnginnerani piukkunnartunik aggersaanissamut imminut aamma pisinnaatippoq.