sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Viceskoleinspektør Narsaq

Kommune Kujalleq

Narsaq
Ikkunneqarpoq: 30-09-2020
Piffissaq atuuffissaa naassaaq: 21-10-2020
Suliffissamut ID normut: LJA-81218527
Atorfeqarnermi atugassarititaasut: Tamakkiisoq
Suliassaqarfik: Aqutsineq, Atuartitsineq & Meeqqerineq

Narsap atuarfiani pisortamut tullersortissarsiorpoq

ALLAGARSIUTEQQITAQ:

 

Decembarip aallaqqaatani 2020-mi atuarfiup pisortap tullersortaatut atorfik inuttalerneqassaaq imaluunniit isumaqagiissuteqarnikkut:

 

Kommune Kujalleq, Narsap atuarfiani sulisut, atuartut minnerunngitsumillu angajoqqaat aqutsisut allat atuarfiullu sulisui allat peqatigalugit atuarfimmik kivitsisinnaasumik, perorsaanerup aamma angusat tungaatigut siuariariartortitsisinnaasumik, aalajangersimasumik siumullu isigisumik pisortap tullersortissaanik pissarsiorput.

?

Narsap Atuarfia pillugu paasissutissat

  • Atuartut 203-iupput.
  • Ilinniartitsisutut atorfiit 27-nut amerlassusiligaapput. Sulisut katillugit 47-inik amerlassuseqarput.
  • Atuarfik immikkoortunut Pingasunut agguataagaavoq.
  • Ilinniartitsisut suleqatigiilluartartuupput suleqatinullu nutaanut tikilluaqqusisuullutik.
  • Init atuartitsiviusut tamarmik Prowiceqarput.
  • Atuartut tamarmik atuartitsinermi atorneqartartunik iPadseqarput.
  • Ilinniartitsisut Lærerintra atorluartarpaat angajoqqaanullu Forældreintra atulersinneqarsimalluni.
  • Nunaqarfinni atuarfeqarpoq, savaateqarfinni angerlarsimaffimmi atuartitsisoqartarluni taakkulu suleqatigilluarpavut.
  • Atuarfimmi inerisaasoqarpugut, isumaginninnermi siunnersorteqarluta, ilaqutariinnut klasseqarluta kiisalu atuarfimmi mentoreqarluta iPad atorlugu atuartitsinermi atorneqartartumik aammalu nutaamik pilersitsinermut mentoreqarluta.

?

Atuarfiup pisortaata tullersortaanik kissaateqarpugut ukununnga akisussaassusilimmik piginnaanilimmillu:

  • Aqutsinissamik, siunnersuinissamik, ilitsersuinissamik aamma nakkutilliinissamik piginnaasaqartumik
  • aningaasaqarnermik paasisimasalimmik aammalu missingersuutinik annertuunik suliaqarsinnaasumik, kontunut inissitsiterinermut, uppernarsaassiinermut akiligassanngortitsinermullu paasisimasalimmik. Atuartitsinermi atortussanik pisiniartartussamik
  • Anguniakkanik sulissutiginnittartumik aamma aaqqissuussinerup iluani eqimattat assigiingitsut ataqqillugit qaffasinnerusumiittunik appasinnerusumiittunillu suleqateqarsinnaassasumik.
  • atuartut angerlarsimaffiannik sulisuinillu, atuareersunik paaqqinnittarfinnik, sulisunik kiisalu pedelinik aqutseqataasumik
  • nunatsinnni atuarfiit pillugit inatsisinik
  • TRIO program atorlugu skemaliornermik (TEA), skemaliornermut programmimut ilisimasaqartumik kiisalu ullaakkut paarsisoqarnermi ataqatigiissaarisuusumik
  • Skoleintramik atuisinnaasumik
  • Terminsprøvertitsinerit allattariarsornikkullu misilitsinnernik isumaginnittussamik
  • Atuartut tammaarsimaarnerinik pilersaarusiortussamik
  • Atuarfiup pisortaa sulinngikkaangat pisortamut taartaasartussamik

?

Piginnaasat:

  • Ilinniartitsisutut ilinniarsimasutit
  • Ilinniartitsisunik, suleqatinik aamma qullersarisannik suleqatiginnilluarsinnaanissat
  • Pisortatut inissisimaninnut tassanilu akisussaaffimmut paasinnissinnaanissat.
  • Atuarfik immikkoortortanut agguataagaq perorsaanikkut aaqqissugaanikkullu ineriartortitseqataaffigissagit
  • Qarasaasianik atuinermut misilittagaqartutit (IT+iPad) – ajornanngippat allaffissornermi atortutut
  • Allakkatigut oqaatsitigullu attaveqarnermut pikkorissuusutit
  • Ulluinnarni sulininni ulapaarsinnaanissannut sapertuunnginnissat
  • Sulisitsisunnut tunniusimanissat
  • Kalaallisut qallunaatullu oqaatsinik atuilluarsinnaanissat, immikkulli piumasaqaataanngillat

?

Neqeroorutigaavut:

  • Aqutsisutut ineriartoq
  • Ilinniarneq
  • Suliatigut siunnersueqatigiinneq
  • Suleqatit pikkorissut
  • Aqutsisooqatigiit nukittuut

?

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

?

Piumasaqaatit uku naammassisinnaasorigukkit qinnuteqaasiussaatit.

?

Atuarfiup pisortaata qullersaa qaninneq tassaavoq Kommune Kujallermi Atuarfeqarnermut Meeqqeriveqarnermut Nutaaliornermullu Ingerlatsiviup pisortaa Qaqortumi kommunip allaffeqarfiani inissisimasoq.

?

Meeqqanik pinerliisimannginnermut uppernarsaammik aamma pinerlussimannginnermut uppernarsaammik Kommune Kujallermi pissarsiariniarneqartumik naammaginartumik peqarneq apeqqutaatillugu atorfinitsitsisoqassaaq.

?

Atorfinitsitaanermi atugassarititaasut:

Atorfininnermi tunngaviusumik isumaqatigiissut IMAK-ip iluani atorfeqartut pillugit Naalakkersuisut aamma IMAK-ip akornanni tunngaviusumik isumaqatigiissut 28. oktober 1998-imeersoq,  Kalaallit Nunaanni meeqqat atuarfiini ilinniartitsisut allallu pillugit isumaqatigiissut (IMAK) 27. august 2014-imeersoq aamma ukiuni aalajangersimasuni atorfeqarneq pillugu isumaqatigiissut 16. februar 2007-imeersoq.

?

Ukiuni aalajangrsimasuni atorfinitsinneqarnermi isumaqatigiissutip kinguneraa atorfeqalerernermi qaammatit 12-t qaangiutereernerini inatsisit atuuttut najoqqutaralugit atorfinitsinneqartoq taasumalu ilaqutai akiliunneqarlutik feeriarsinnaammata. Tamatuma saniatigut soraarnermi ukiumut 18.000 koruunit 1991-imi killigitinneqartut najoqqutaralugit tunniunneqassapput, taakkulu kontumut matoqqasumut ikineqassapput. Soraarnermi aningaasat immikkoortinneqartut soraarnerup kingorna tunniunneqassapput.

?

Kalaallit Nunaanni meeqqat atuarfiini ilinniartitsisut allallu pillugit isumaqatigiissut (IMAK) najoqqutaralugu atorfinitsitsisoqassaaq, § 7 akissarsiat nikerarfiat 36 najoqqutaralugu immikkut ukiumut 60.940,00 koruuninik immikkut tapeqartitsinikkut.

?

Atorfimmut tunngatillugu inissaqartitsisoqassaaq, taanna maleruagassat atuuttut naapertorlugit akilerneqartassaaq. Inissamullu utaqqineq pisinnaavoq. Utaqqinermi kommune utaqqiisaasumik ineqartitsisinnaavoq, maleruagassallu atuuttut naapertorlugit akiliisoqartassaaq.

 

Ersarinnerusumik paasissutissat pissarsiarineqarsinnaapput uunga saaffiginninnikkut: Bettina A. Hansen toqq. oqar. +299 38 16 02 imaluunniit mailikkut: beah@kujalleq.gl

 

Qinnuteqaat inuunermi taasassartallit (CV), soraarummeersimanermut uppernarsaatit oqaaseqaatillugu uunga nassiunneqassapput Qinnuteqarnissamut killigititaq tassaavoq ulloq oktoberip 21-at 2020:

 

Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq

job@kujalleq.gl

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Namminersorlutik Oqartussat
Ilulissat
Avannaata Kommunia
Namminersorlutik Oqartussat
Upernavik