sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Site Manager

Kommune Kujalleq

Qaqortoq
Ikkunneqarpoq: 20-01-2022
Piffissaq atuuffissaa naassaaq: 21-02-2022
Suliffissamut ID normut: LJA-83261066
Atorfeqarnermi atugassarititaasut: Tamakkiisoq
Suliassaqarfik: Allat, Aqutsineq, Allaffik & allaffissorneq

UNESCO Site Manager:


UNESCO-p Kujataani kingornutassiaqarfiani aqutsisutut atorfik apriilip aallaqqaataani 2022-mit inuttalerneqarnissaminut piareersimavoq isumaqatigiissuteqarnikkulluunniit inuttalerneqarsinnaalluni.

 

Atorfik kommunip ingerlatsiviata ataani inissisimavoq kommunip pisortaaneranut attaveqarfeqarluni.


”Kujataa – Kalaallit Nunaanni issittup kiannerulaartuani nunaateqarfiuvoq"-mi ingerlatsineq nunaminertanik nunarsuarmiunut kingornutassianut pitsaasumik ineriartornissamut pilersitsissaaq kulturikkut nunalerinikkut nalillit pigisat isumannaarumallugit, taamatuttaaq nunami tamaani pigisat nalillit eriagineqassallutik, nunaminertallu eriagineqarnissaa atorneqarnissaalu isumatusaartumik naligiissumik ineriartortinneqassaaq. 


Unesco Kujalleq aqutsisoqatigiinnit aqunneqarpoq, kiisalu ingerlatsinermullu sulisut attuumassuteqartunik peqataatitsiviusumik aqunneqarluni.


Suliassat akisussaaffigisassallu ilaatigut makkuussapput:

·Nunarsuarmiunut kingornutassiaqarfiup aqunneqarneranut pilersaarut (aqutsinermut pilersaarutip nunarterneqarnera, atuutilersitsineq, ukiumoortumik nalilersuineq aammattaaq Avatangiisinut Aqutsisoqarfimmut aaqqiissutaasinnaasunik siunnersuuteqarneq, kiisalu ulluinnarni ingerlatsineq).

·Nunarsuarmiunut kingornutassiaqarfimmi akuersissutit kiisalu immikkut akuersissutit pillugit tusarniaanernut Namminersorlutik Oqartussanut akissuteqartarneq.

·Kujataani kingornutassiaqarfimmi aqutsisoq UNESCO-mut aalajangersimasumik nalunaaruteqartarnermi 2022-23-mi pisussami qitiusumik inissisimavoq.

·Aqutsisoqatigiinnut ilaasortaaneq aamma Unesco Kujataa-ni ingerlatsinermut ingerlatsisoqatigiinnut ilaaneq.


·Suliniutinut aningaasaliisussarsiorneq (suliniutinut assigiinngitsunut aningaasaliisussarsiorneq, missingersuusiorneq, naatsorsuusiorneq kiisalu nalunaarusiorneq)

·Innovation South Greenlandip ingerlataanik suleqatigiinneq


·Aningaasaqarnermik missingersuusiortarnermillu aqutsineq


·Suliniutinik aqutsineq

·Innuttaasut sulianut assigiinngitsunut akuutinnissaat, nunaminertap atorneqarneranut atatillugu aaqqiagiinngissutinik pinaveersaartitsinissaq aaqqiinissarlu kiisalu atuarfinnik peqataatitsinissaq.

·Unescop kingornutassiaqarfianut atasumik pisortatigoortumik tikeraartoqarneq (saqqummiinerit, ataatsimiinnerit takutitsinerillu).

·Unesco Kujataa pillugu paasissutissiinermik ingerlatitseqqiinermillu isumannaarineq (allagartanik, naqitanik paasissutissianik, videonik, tv-kkut aallakaatitassianik, nittartakkatigut quppernernik, atuartitsinermut atugassanik, takornarianik angallassisartut ataatsimeersuarnissaannik imalimmik suliaqarneq).

·Kommunip nunaminertanik nunarsuarmiunut kingornutassianik tunngasunik tusagassiorfinnut attaveqarnera.

·Nunaminertanik nakkutilliisumut Park Rangerimut siunnersuineq

·Sumiiffimmi pinngortitamik kulturikkullu nalilinnik nakkutilliineq

·Sumiiffimmi ineriartornerup sumut ingerlaneranik nakkutilliineq.

·Inatsisit malinneqarnerinik nakkutilliineq, nalunaaruteqartarneq unioqqutitsinernullu qisuariaateqartarneq.

·Suliassat takkuttartut


Naatsorsuutigaarput:

·Naleqquttunik ingerlaqqiffiusumik ilinniagaqarsimassasutit.

·Attuumassuteqartut assigiingitsut suleqatiginissai soqutigisaqarfigigit aamma pikkoriffigigit.

·Suliniarumatuusutit kiisalu angusaqartartuullutit.

·Politikkikkut aqunneqarfiusuni suliffinni misilittagaqarneq, kommunimi ingerlatsivimmi sulisimanermik misilittagaqarneq orniginarnerussaaq.

·Kalaallit Nunaanni pinngortitap kulturillu ataqatigiinnerannik soqutigisaqartuusutit

·Kalaallisut, qallunaatut tuluttullu oqaatsinut sapinngitsutit.


Kommuni aaqqissugaanikkut allanngortiterneqaleruttormat qinnuteqartup naatsorsuutigissavaa suliassaqarfiup inissisimaffianut naleqquttumut inissinneqarsinnaanissi.


Akissarsiat atorfeqartitaanermilu atugassarititaasut:


Aningaasarsianut atorfeqartitaanermilu atugassarititaasut taamatuttaaq atorfinikkiartorluni soraarnermilu angalasinnaatitaanerit taamatullu pigisat angallanneqarnerat piffissami sulilerfiusumi Naalakkersuisut pineqartullu kattuffiata isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.


Atorfimmut tunngatillugu inissaqartitsisoqassaaq, taanna maleruagassat atuuttut naapertorlugit akilerneqartassaaq. Inissamulli utaqqineq pisinnaavoq. Utaqqinermi kommune utaqqiisaasumik ineqartitsisinnaavoq, maleruagassallu atuuttut naapertorlugit akiliisoqartassaaq. 


Atorfik pillugu paasissutissat sukumiinerusut Tina Parsimut attaviginnilluni oqarasuaat uunga + 299 64 53 10, imaluunniit mailimut tipa@kujalleq.gl attaviginnilluni pineqarsinnaapput.


Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik februaarip 21-iat 2022 nittartagarput aqqutigalugu.


MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.




”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia