sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Pinngortitaleriffimmi Avatangiisinut immikkoortortaqarfimmi suleqatissarsiorpugut,

Namminersorlutik Oqartussat

Nuuk
Ikkunneqarpoq: 07-02-2020
Piffissaq atuuffissaa naassaaq: 03-03-2020
Suliffissamut ID normut: LJA-79281181
Atorfeqarnermi atugassarititaasut: Tamakkiisoq
Suliassaqarfik: Ingeniøri & pinngortitalerineq

Pinngortitaleriffimmi Avatangiisinut immikkoortortaqarfimmi suleqatissarsiorpugut,

Nalunaarsuutit (data), nunap assingi, teknologilu sakkugalugit Kalaallit Nunaata pinngortitaanik misissueqataasarusuppit?
Namminersorlutik Oqartussanik, kommunenik allanillu Pinngortitaleriffiup siunnersuisarnerminut tunngatillugu Avatangiisinut Aatsitassanullu Immikkoortortaqarfia (avatangiisinut immikkoortortaq) sulisussarsiorpoq 1. maj kingornaluunniit piaarnerpaamik sulilersinnaasumik. Avatangiisinut Immikkoortortaqarfimmi siunnersuinerit saniatigut ilisimatusarnerit alaatsinaannerillu ingerlanneqartarput, taamaalillunilu aatsitassanik ujarlertoqarnerata nalaani aatsitassarsiornerillu ingerlanneqarneranni avatangiisit annikinnerpaamik sunnerneqarnissaat sunnerneqannginnissaalluunniit anguniarneqartussaalluni.
Suliaminik pimoorussisartumik teknikkikkullu sullarissumik, suliaminik tulleriiaarillaqqissumik nalunaarsuutillu (data) suliarinissaannut ilisimasaqartumik pissarsiorpugut.
Suliassaqarfiit
Avatangiisinut immikkortortami atorfilittut suleqataaffigisassavatit:

  • Nunap assiliorneq, nalunaarusiat allagaqaatillu takussutissiinikkut takorlooruminarsitittarnissaat
  • Kalaallit Nunaanni pinngortitamit avatangiisiniillu nalunaarsuutit suliarisarnissaat
  • Suliartortarnerni soorlu multi beam sonar atortugissaaqisoq atorlugu immap naqqanik nalunaarsuinerit
  • Drone atorlugu assilisanik satellit’tikkullu assilisanik suliaqartarnissaq
  • Najugaqartut ilisimasaat pinngortitamut avatangiisinullu tunngasut pillugit apersuillunilu uppernarsaatinik katersisarnissaq
  • Tappiorannartunik misissuisarfitsinni suliaqarneq, misileraanerillu
  • Atortut pigisallu piareersartarneri aaqqissugassanillu annikinnerusunik aaqqissuussisarnerit
  • Kalaallit Nunaanni, Danmarkimi nunanilu tamalaani suleqatigisat peqatigalugit ingerlataqartarnerit
Piginnaaneqarfigissavatit
Teknolog’imut Data’muluunniit tunngasunik ilinniarsimasumik suliaqarsimasumilluunniit suleqatissarsiorpugut. Suleriaatsit ukua akornganni ataatsimik arlalinnilluunniit misilittagaqassaatit:  data’lerineq, takussutissiinikkut takorlooruminarsititsineq, GIS, tappiorannartunik misissuisarfimmi sulineq, elektronik, teknik imaluunniit ingerlatanik aqutsineq. Ilisimasaqarfiginngisatigut ilinniartinneqarsinnaavutit.
Kalaallit oqaasiinik aammalu inuiaqatigiivinik ilisimasaqarnissat iluaqutaassaaq, immikkulli piumasaqaataanngilaq.

Atorfik Nuummiittuuvoq. Suliaqarluni angalasarnissat, paasissutissiiartortarnissat ataatsimiititsiartortarnissallu, nunatta iluani, nunalluunniit suleqatigisat arlaanni peqataaffigisarnissaat naatsorsuutigineqassaaq.
Atorfik pillugu annerusumik paasisaqartoqarsinnaavoq Immikkoortortaqarfimmi pisortaq Josephine Nymand +299 36 12 00-mut imaluunniit jony(at)nat.gl-mut attavigalugu aammali GIS’imik aqutsisoq Karl Brix Zinglersen, kazi(at)natur.gl-mut attavigineqarsinnaavoq.
Pinngortitaleriffimmut immikkoortortamulluunniit tunngatillugu paasissutissat suliffeqarfiup nittartagaani uaniipput: www.natur.gl.
Qinnuteqaat:
Qinnuteqaat ”Stillingsopslag miljø”-mik taallugu immikkoortortaqarfiup pisortaanut Josephine Nymand-imut nassiunneqassaaq soraarummeersimanermut allagartat, curriculum vitæ, saqqummersissimasatillu naliliinissamut atortikkusutatit qinnuteqaatinnut ilanngullugit. Qinnuteqaat Pinngortitaleriffimmut apuussimasariaqarpoq kingusinnerpaamik 2. marts nal. 12.00 2020, uungalu nassiunneqassaaq:
Grønlands Naturinstitut
P.O. Box 570
DK-3900 Nuuk
Grønland
mail’ikkulluunniit ukununnga nassiunneqarsinnaavoq jony(at)natur.gl imaluunniit adm(at)natur.gl


 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Namminersorlutik Oqartussat
Ilulissat
Avannaata Kommunia
Namminersorlutik Oqartussat
Upernavik