Tasiilami angerlarsimaffimmi ikiorteqarfimmi peqqinnissamut ikiorti/assigisaalu / Sundhedshjælper eller lign. til hjemmehjælpen i Tasiilaq

Kommuneqarfik Sermersooq

Tasiilaq

Ikkunneqarpoq: 29-10-2024

Piffissaq atuuffissaa naassaaq: 19-11-2024

Suliffissamut ID normut: 331600977

Atorfeqarnermi atugassarititaasut: Tamakkiisoq

Suliassaqarfik: Peqqinnissaq, Allat

Atorfiup taaguutaa: Social- og sundhedshjælper, Hjemmehjælper

Misilittakkat - Annertunerusumik: Omsorgsarbejde

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Kommuneqarfik Sermersooq / Isumaginninnermut Suliffeqarnermullu Ingerlatsivik / Utoqqarnik sullissineq

Tasiilami angerlarsimaffimmi ikiorteqarfimmi peqqinnissamut ikiorti/assigisaalu.

Angerlarsimaffimmi ikiorteqartartut sullikkusuppigit? Inuttut nukissaqarluartuullutillu nuannaartuuit, isumassuinermi ikiorteqarnermilu tunniussinissaq sapernagu, taassuma saniatigut tamakkiisumik takunnissinnaassuseqarlutitilinniagaqanngitsunut ilinniartitsisoorusussasutit / imaajaaffiorusussasutit, taamaappat Tasiilami angerlarsimaffimmi ikiorteqarfimmi peqqinnissamut ikiortitut atorfik ilinnut periarfissatsialaavoq.

Tasiilami angerlarsimaffimmi ikiorteqarfik pillugu

Tasiilami angerlarsimaffimmi ikiorteqarfik innuttaasunik namminerisamik angerlarsimaffimmi najugaqartunik 30-it missaaniittunik sullitaqarpoq, ilaatigut paaqqutarinninnermik suliaqarfiusarlunilu eqqiaanermik pisiniarfilerinermillu suliassaqarfiusarluni.

Angerlarsimaffimmi ikiorteqarfimmi sulisuupput aqutsisoq ataaseq, pedeli ataaseq, sulisullu ilinniagaqarsimanngitsut sisamat. Taaneqartut tamarmik innuttaasut pitsaasumik inuuneqarnerannut atassuseeqataapput, taamaaliornikkut innuttaasut sapinngisamik sivisunerpaamik angerlarsimaffimminniissinnaaqqullugit.

Innuttaasut angerlarsimaffiini suliassat agguataarneqartarput, taakkua aalajangersimasumik suliffilinnit isumagineqartarput. Unnukkoortoq ataaseq Qarnganitsad iddivanni ikiuuttarpoq, saniatigut angerlarsimaffimmi ikiorteqarnermut saaffiginnittoqarnissaanut piareersimasarluni, ornitassallu aaliangersoriikkat isumagisarlugit.

Angerlarsimaffimmi ikiorteqarfimmi naleqartitaqarpugut tassaasut: Ikioqatigiinneq, Tungiuineq, Ataqqinninneq.

Peqqissaasutut ikiortimik innuttaasuni suliassanik akisussaaffimmik tiguserusussuseqartumik aamma peqqinnissamut ikiortinik, ilinniagaqarsimanngitsunik ilinniartunillu ilitsersuisinnaassuseqartumik pissarsiorpugut.

Atorfiup suliassartaa:

Peqqinnissamut ikiortimik qanilaartumik isumassuisumillu angerlarsimaffimmi ikiorteqarfimmi pissarsiorpugut. Isumassuineq paaqqutarinninnerlu pingaarnerpaatitaraarput taamaattumik pisariaqarpoq paaqqutarinnilluarnermi sinaakkutissanik ineriartortitsinissaq aamma aaqqiissutissanut ersarissumik tappiffeqarnissaq. Pisortaq suleqatillu allat suleqatigalugit ineriartortitsinermi annertuumik pingaaruteqartutut inissisimassaatit.

Naatsorsuutigaarput angerlarsimaffimmi ikiorteqartartut atugarisaannut pitsanngorsaataasussamik pisortaq suleqatigalugu suliassamik tigusissasusi sulisunullu ilinniagaqanngitsunut ilinniartitsillusilu inerisaassasusi.

Tasiilami angerlarsimaffimmi ikiorteqartarneq suli ineriartorpoq piginnaanngorsaaqqinneq, sulinermi nuannaarneq aalajaatsuunissarlu ukkataralutigit. Isumaqaratta angerlarsimaffimmi ikiorteqartartunut suleqatillumi atugarisaannut ajunngitsumik sunniuteqartartoq.

Naatsorsuutigaarput illit:

·Peqqinnisamut ikiortitut ilinniarsimasuunissat

·Angerlarsimaffimmi ikiorteqarnermi suliaqarfimmi sulerusussuseqarnissat

·Aqutsinermi suliassanut peqataanissamut piginnaasaqarlutillu piumassuseqarnissat

·Allanik suliaqarfinnik suleqateqarnissamut piginnaasaqarluartuunissat

·Atuartunut ilinniartunullu suliffimmik misiliisunut ilitsersuisutut atuartitsinermik ingerlatsisinnaanissat

·Suliffimmi avatangiisit toqqissisimanartumik isumassarsiorfiusumillu pilersinnissaannut peqataanissat

·Nammineerlutit sulisinnaanissat, akisussaassuseqartoq sullissilluarusuttutillu

·Ulloq ulapaarfiugaluarpalluunniit ukkatarinnilluarsinnaallutit ataqatigiissitsilluarsinnaallutit sulisinnaanissat

·Tatituujusutit, aallarnisaasinnaasutit, nukissaqartutit iliuuseqarnissamullu piumassuseqarluartutit

·Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaavut:

·Atorfik initaqarpoq

·Annertuumik akisussaaffeqarlutillu aalajangeeqataasarneq

·Suleqatit nuannersut qanimut suleqatigalugit

·Suliat unamminartut

·Inuttut suliamullu tunngasutigut ineriartorneq

·Suliffiup ilagaa tunngaviusutut akunnerup naaneri allortarlugit ullukkoorneq kiisalu unnukkoorneq.
(sap. akunneranut 2-3-riarluni)

·Suliassat, suleqatit immikkoortortallu pitsaasumik ilisaritinneri

Nalunaaquttap akunneri 40-t suliffiusarput

Atorfik taanna angerlarsimaffimmi ikiorteqarfimmi ulluinnarni pisortamut attuumassuteqarpoq

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: pisortaq Dina Heilmann, oqarasuaat +299 36 78 18 imaluunniit e-mail: dihe@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1124-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.