sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kommuneqarfik Sermersooq

Suliffeqarnermut Isumaginninnermullu Ingerlatsivimmi Oqartussaaffeqarfimmi Aqutsisoq / Afdelingsleder til Myndighedsområdet i Forvaltning for Velfærd og Arbejdsmarked Nuuk

Kommuneqarfik Sermersooq

Nuuk
Ikkunneqarpoq: 10-04-2024
Piffissaq atuuffissaa naassaaq: 01-05-2024
Suliffissamut ID normut: 331588860
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq
Atorfiup taaguutaa: Afdelingsleder
Misilittakkat - Annertunerusumik: Omsorgsarbejde, Samarbejde
Oqaatsit:
Danskisut Atuarneq/ oqalunneq
Kallaallisut Atuarneq/ oqalunneq

Kommuneqarfik Sermersooq Suliffeqarnermut Isumaginninnermullu Ingerlatsivik


Suliffeqarnermut Isumaginninnermullu Ingerlatsivimmi Oqartussaaffeqarfimmi Immikkoortoqarfimmi Aqutsisoq / Atorfiup nr. 357-24

Kommuneqarfik Sermersuumi Suliffeqarnermut Isumaginninnermullu Ingerlatsivimmi Oqartussaaffeqarfimmi immikkoortortami aqutsisumik pikkorissumik kajumissuseqarluartumillu ulloq 01.06.2024 piaartumilluunniit atorfinittussamik pissarsiorpoq.

Suliffeqarnermut Isumaginninnermullu Ingerlatsivimmi Oqartussaaffeqarfimmi suliassaqarfimmi suliassat innuttaasunut inersimasunut tapersersortariaqartunut tunngasut isumagineqartarput.

Immikkoortortaqarfimmi aqutsisup suliassarai aqutsineq kiisalu oqartussaaffeqarfimmik immikkoortortaqarfimmi isumaginninnermik suliat pitsaassuseqarnerannik qulakkeerineq. Immikkoortortaqarfik 10-nik sulisoqarpoq.


Atorfik ulloq naallugu suliffiusoq Suliffeqarnermut Isumaginninnermullu Ingerlatsivimmi Oqartussaaffeqarfimmik qullersaqarpoq.


Atorfiup imaa:

Immikkoortortami Aqutsisoq suleqatigilerusutarput -ajornanngippat misilittagaqartoq - isumaginninnermik suliassaqarfimmi aqutsinermik suliassanik ingerlatsissaaq tassunga atasumik ataani suliassat assigiinngitsut isumagissavai:

·Suleqatigiinnik aqutsinerit, ilanngullugit; MUS-imik oqaloqatiginninnerit, nalerisimaneq, piffissamik suliffiusumik tamakkiisumik atorluaaneq, sulinngiffeqarnernut pilersaarutit, ullunik sammisaqarfiusunik aaqqissuussineq, nalunaaquttap-akunneri suliffiit nalunaarsorneqarnerinik akuersineq (webtas) kiisalu sullissisunik nutaanik atorfinitsitsinerit.

·Aqutsisoqatigiit peqatigalugit pikkorissarnertut neqeroorutinik aaqqissuussineq

·Suleqatigiinnut aqutsisoq suleqatigalugu suleriaatsini inatsisit eqquutsinneqarnerannik qulakkeerinninneq

·Immikkoortortami nukissat naapertuuttumik atorneqarnerannik akisussaaneq, aqutsisut sinnerinik ataqatigiissaarinerat ilanngullugu 

·Suliassaqarfiit assigiinngitsut akornanni suleqatigiinneq siunersioqatigiinnerlu

·Immikkoortortaqarfimmi ataatsimiinnernik aamma sulisut ataatsimiinnerinik isumaginninneq kiisalu immikkoortortaqarfimmi ataatsimiinerit allat suleqatigiinni aqutsisoq peqatigalugu ataqatigiissaarnerat.

·Sulianik takunnikkumanernik, oqaaseqaatinik aamma sulianik assingusunik qinnuiginninnerit kiisalu naammagittaalliornermik suliat pillugit aqutsisutut ataqatigiissaarineq 

·Immikkoortortaqarfimmi suliatigut aningaasaqarnikkullu akisussaasuuneq

·Isumaginnittoqarfimmi pinartumik ikiortariaqartut pillugit pigaartunut aaqqissuussineq Angerlartitsinermut, angalanernik tunngasunut, kiisalu Qanigisanik pinartumik napparsimasoqarnerani imaluunniit ilisaasussaanerannut pigaartunut pilersaarutit.

·Fagchefinut ilisimatitsissutit

·Suliffeqarnermut Isumaginninnermullu Ingerlatsivimmi suliarigasuagassanut peqataaneq

·Aqutsisoqatigiinnit suliakkiunneqarallartunik isumaginninneq

Suliassat Suliffeqarnermut Isumaginninnermullu Ingerlatsivik kiisalu suleqatit allat taamatullu suliassaqarfinni allani suleqatigisat qanimut suleqatigalugu suliarneqassapput.


Qinnuteqartumut naatsorsuutigisat:

·Isumaginninnermik suliassaqarfimmut ilinniagaqarsimaneq (Isumaginninnermik sulianut siunnersorti, isumaginninnermut siunnersorti)

·Isumaginninnerup iluani sullissinermik misilittagaqartuusutit

·Aqutsisutut ilinniagaqarsimaneq imaluunniit aqutsisutut ilinniagaqalernissamut soqutiginninneq


Pingaartipparputtaaq:

·Aalajaatsuunissaq, pitsaassutsimik ilisimasaqarluarneq immikkuualuttunillu maluginiarsinnaaneq

·Tamakkiisumik takunnissinnaalluni ataatsikkut arlalinnik suliaqarsinnaaneq

·Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaaneq

·Nammineerluni sulisinnaaneq, akisussaassuseqarneq sullissiumatunerlu

·Suliassat agguataarneqarnerisa ingerlaavartumik allanngortiterneqarneranni eqaatsumik periaaseqarneq

·Ulloq ulapaarfiugaluarpalluunniit ukkatarinnilluni aaqqissuulluakkamillu suliaqarsinnaaneq

·Tatitussuseqarneq, pilersitsisinnaaneq, nukissaqarluarneq piumassuseqarluarnerlu

·Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluarsinnaaneq

·Siammasissumik suleqateqarluarsinnaaneq

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.


Uagut neqeroorutigaavut:

Suliffik unammillernartulik, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Patajaatsumik suliassanut suliffimmullu pulatikkiartuaarneqarnissaq pingaarteqaarput, aamma pimoorupparput suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.


Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.


Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.


Atorfinititsineq qaammatini pingasuni misiliutitaqassaaq
.


Inissaq:
Atorfininnermut atatillugu inissiamik innersuussisoqarsinnaanngilaq.


Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Susassaqarfimmi pisortaq Renè Kvist, oqarasuaat +299 368125 imaluunniit e-mail: renk@sermersooq.gl


Qinnuteqaat:
Qinnuteqaat qulequtserlugu Atorfiup ilisarnaataa 357-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.


Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.


Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia