sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Socialrådgiver/sagsbehandler til handicapområdet i Området For Velfærd

Qeqqata Kommunika

Sisimiut
Ikkunneqarpoq: 13-10-2021
Piffissaq atuuffissaa naassaaq: 03-11-2021
Suliffissamut ID normut: LJA-82801952
Atorfeqarnermi atugassarititaasut: Tamakkiisoq
Suliassaqarfik: Allat

Atugarissaarnermut immikkoortortami sulisut suliatigut inuttullu ineriartortuupput, immikkoortunik arlalinnik annerusumik innarluutilinnut immikkoortortaq qitiutillugu, tassani susassaqartut tamarmik illup avataani iluanilu qanimut suleqatigiipput.

Aammattaaq Atugarissaarnermut immikkoortortami sullissinerup iluani atugassiaasussamik "Qeqqata-model" suliniummik suliaqartoqarpoq.

Innarluutilinnut immikkoortortaq arlalissuarnik suliassaqartarpoq aammalu kommunip iluaniittunik avataaniittunillu suleqateqartarluni.

Naatsorsuutigaarput:

· Isumaginninnermi tunngasuni inatsisinik ilisimasaqartuusutit.

· Innuttaasunik innarluutilinnik sullissinermik misilittagaqartuusutit.

· Attaveqaqatigiit kiisalu sulianik sullissisut ataatsimiittarnerinik misilittagaqartuusutit.

· Tamanik isiginnissinnaalluartuusutit aamma pisuni ulapaarfiusuni.

· Nammineersinnaassuseqartutit akisussaassuseqartutillu.

Ilinniakkatigut piginnaasat:

· Isumaginninnermi siunnersortitut tassungaluunniit attuumassutilimmut ilinniarsimasuusutit

· Aalajaatsuusutit, pitsaassutsimik ilisimasaqarluartutit immikkuualuttunillu maluginiaasinnaassuseqartutit

· Isumalluartuullutillu ilakkuminartuusutit

· Ulluni ulapaarfiusuni ukkassilluni aaqqissuussaasumillu sulisinnaassuseqartutit

· Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit

· Namminersinnaassuseqartutit akisussaassuseqartuusutillu

· Siammasissumik suleqateqallaqqissoq

· Qinnuteqartut marluinnik oqaasillit (kal/dk) atorfinitsinnissaat orniginartinneqarput.

Neqeroorutigissavarput:

Suliffik suleqatitsialaat suleqatigalugit aammalu atorfiup imarisaanik sunniuteqarnissamut periarfissalik kiisalu aaqqissuussaanermi ineriartortumi allanngorartumilu akisussaaqataanissaq. Tamakkununnga ilanngullugu qanimut siunnersiueqatigiiffimmi suleqatigiilluni suliffik avatangiiseqarnissaa aamma suliniuteqarnissap nutaaliornissallu inissaqartuarnissai anguniartuarparput.

Pinerluuteqarsimannginnermut aammalu meeqqanut pinerluuteqarsimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip Pinerluuteqarsimannginnermut aammalu meeqqanut pinerluuteqarsimannginnermut uppernarsaat politiinit tigoreernerata kingorna.

Akissarsiat, atorfinitsitaanermilu atugassarititaasut:

Kalaallit Nunaanni Naalakkersuisut, AK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Qaammatini pingasuni misiligummik atorfinitsitsisoqassaaq.

Ineqarneq

Atorfimmut atatillugu inigisassamik innersuussisoqarsinnaavoq.

Atorfik pillugu paasissutissat annertunerusut immikkoortumi aqutsisumut Elisabeth Banemann oqarasuaat (+299) 86 73 37, e-mail: elib@qeqqata.gl imaluunniit Atugarissaarnermut pisortamut Estella Buhrkall oqarasuaat (+299) 86 74 31, e-mail: esbu@qeqqata.gl saaffiginerisigut pissarsiarineqarsinnaapput.

Paasissutissat pisariallit:

Qinnuteqaat pinerlussimannginnermut uppernarsaammik, meeqqanik pinerlissimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut nassiunneqassapput.


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia