sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Minguitsuunissamut nukissiuutinillu pilersuinermi suliaqarusuppit

Namminersorlutik Oqartussat

Nuuk
Ikkunneqarpoq: 03-03-2021
Piffissaq atuuffissaa naassaaq: 26-03-2021
Suliffissamut ID normut: LJA-81782909
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Atorfik pillugu
Nukissiuuteqarnermut immikkoortortaqarfimmi inissisimassaatit, nukissiuuteqarnermut immikkoortortaqarfimmi suleqatitit peqatigalugit minguitsuunissamut pisortallu nukissiuuteqarnermi ingerlatsineranni naalakkersuisoqarfiup suliassarpaalussui suliarisassavatit. Nukissiuuteqarnermi- aamma Imermik pilersuinermi Naalakkersuisut anguniagaannik piviusunngirtitsinertigut malitseqartitserusassallutik, aammalu Kalaallit Nunaanni nukissiutit ataavartut pillugit politikkinik inerisaaneq, tassunga ilanngullugit inuiaqatigiinni- ingerlatsinermilu aningaasaqarnermut attuumassutilinnik naatsorsuinerit. Politikkikkut ingerlatsinernut siunnersuisassaatit, suleqatitillu peqatigalugit Nukissiorfiit ulluinnarni nukissiuuteqarnermik ingerlatsisuusut pilersaarusiorneranni ingerlatsinerannilu ataqatigiisitsisuussallusi.

Immikkoortortaqarfimmi siammasissumik sulassanik ingerlatsisoqarpoq, ilaatigullu kissaatigisatit piginnaanitillu aallaavialugit makkunannga suliaqarsinnaavutit:

  • Politikkikkut sullissineq, tassunga ilanngullugit Naalakkersuisut oqaaseqaatissaannut tunuliaquttanik suliaqarneq, oqalugiutissat, § 37 atorlugu apeqquteqaatinik akissutissiorneq il.il.
  • Nukissiutit ataavartut pillugit suliaqarnermi politikkikkut siunnersuineq
  • Immikkoortortaqarfiit pisortaqarfiillu allat suleqatiginerini ataqatigiissaarineq
  • Nukissiuuteqarnermi- aamma Imermik pilersuinermi pilersaarutinik piviusunngortitsiniarnernut atatillugu nalunaarusiorneq
  • Siammartigassanik suliaqarneq, soorlu tusagassiutinut nalunaarusiassanik, oqalugiaatissanik takoqqusaarinernullu suliaqarneit
  • Kalaallit Nunaanni nukissiornikkut periarfissaasinnaasunik nittarsaassineq
  • Nukissiuteqarnermut tunngasuni inuiaqatigiinni- ingerlatsinermilu aningaasaqarnermut attuumassutilinnik naatsorsuinerit
  • Aningaasaqarnermi- missingersuutinillu aqutsineq, sullissineq taamatullu allattoqarfimmi suliassat
 
Illit pillutit
Suliffinnik politikkikkut ingerlanneqartuni misilittagalimmik aamma/imaluunnit suliffeqarfinnit namminersortuneersumik ataavartumik nukissiuteqarnermut suliassaqarfinni pineqartuni suliaqarsimasumeersinnaavuti, tamannali piumasaqaataanngilaq.

Ilinnit naatsorsuutigaarput:
  • Kandidatitut qaffasitsigisumik suliassamut tulluartumik ilinniagaqarsimaneq – ajornanngippat økonomi (assersuutigalugu cand.oecon, cand.polit)
  • Kisitsisinut poqersuuneq inuiaqatigiinniillu aningaasaqarneranut misissueqqissaarnermik aamma/imaluunnit ingerlatsinermi aningaasaqarnermut naatsorsuinik misilittagaqartoq
  • Namminersorluni sulisinnaasoq, suliniutinullu annertuunut ataatsimut isiginnissinnaasoq
  • Suliffeqarfimmik politikkikkut ongerlanneqartumi aamma/imaluunnit suliffeqarfimmi namminersortumi misilittagaqarneq
  • Suliassanut allanngortartunut nuannarisaqartoq
  • Sungiussiasuuneq, peqqissaartoq ajornartorsiutinillu aaqqiinissamut misissuinissamut soqutigisalik
  • Danskisut tuluttullu oqaatsinik piginnaasaqarluartoq, kalaallit oqaasiinik ilisimasaqarneq iluaqutaassaaq
  • Tamatigoortumik nukissiuuteqarneq pillugu ilisimasaqarneq iluaqutaassaaq
Suliassani suliarisanni politikkikkut eqqummaariffigineqarneq iluarisimaassavat, ajornartorsiutillu ajornakusoortut ersarissumik nassuiarsinnaaneri piginnaasaqarfigissavatit. Namminersorsinnaanerit, tunniusimanerit, aaqqeerusussuseqartuunerit, qiimasuunerit suleqateqarusussuseqarnerillu pingaartippavut.

Nunanut allanut Nukissiuuteqarnermullu Naalakkersuisoqarfik pillugu
Nunanut allanut Nukissiuuteqarnermullu Naalakkersuisoqarfik suliffiuvoq pissanganartoq. Ulluinnarni sulinitsinni pitsaasumik oqaloqatigiinnerit ingerlasarput naammassisaqarnermilu inuttut malunnaateqartitsinissamut inissaqartitsisuulluta. Suliassanik ineriartuutaasinnaasunik arlalinnik pissanganartunillu peqarpugut, uagutsinnullu pingaaruteqarpoq suliffinni ineriartortutut misigisimanissat. Naalakkersuisoqarfimmi sulisut 18 missaaniipput. Taassuma saniatigut Nukissiorfiit Kalaallit Nunaanni nukissiuuteqarnermi pilersuineq naalakkersuisoqarfiup ataani immikkoortutut inissisimavoq.

Aningaasarsiat atorfininnermilu piumasaqaatit
Akissarsiatigut atorfininnermilu atugassarititaasut, tassunga ilanngullugit atorfininnermi soraarnermilu angalanissamut pigisallu nuunneqarnissaannut pisinnaatitaaffiit, Namminersorlutik Oqartussat aamma suleqatigiiffiup isumaqatigiinniarsinnaatitaasup pineqartup akornanni isumaqatigiissutaat piffissami atorfininnermi atuuttoq naapertussavai. Atorfik piginnaanitit aallaavigalugit AC-fuldmægtigitut immikkulluunnit siunnersortitut inissinneqarsinnaavoq. Atorfimmut immikkut siunnersortitut inissittoqarsinnaavoq qinnuteqartoq uppernarsaatissalimmik eqqortunik piginnaasaqarpat.
Sapaatip akunneranut piffissaq sulliffiusoq tassaavoq nalunaaquttap akunneri 40-it.
Aprilip aallaqqaatani 2021, taassumalluunnit kingorna piaarnerpaamik atorfinittoqassaaq.
Qinnuteqarfissaq kingulleq tassaavoq martsip 23-at 2021. Atorfinitsinneqarsinnaasunik oqaloqateqarneq sapaatip akunneqar 13-mi ingerlanneqassaaq.

Inissaqartitsineq
Atorfimmut atatillugu inissaqartitsisoqarsinnaanngilaq. Qinnuteqartorlu Namminersorlutik Oqartussat ataani atorfeqarnermini inissaqartinneqareersimaguni sulisutut inissiaq tigummiinnarneqarsinnaavoq. Sulisunut inissiaq atorfeqarnermut atasuuvoq, atorfeqarunnaarnermilu qimanneqartariaqarluni.

Paasissutissat annertunerusut
Atorfimmut tunngatillugu annertunerusumik, taamatullu Kalaallit Nunaanni najugaqarneq qanoq ittuunersoq Namminersorlutillu Oqartussat ataanni sulineq pillugu paasisaqarusukkuit apeqqutissaqaruilluunni immikkoortortmi pisortamut Rasmus Alex Wendtimut oqarasuaammut +299 55 72 12-mut attaveqarnissamut tikilluaqqusaavutit.
 
Qinnuteqaat ilinniartitaaneq siusinnerusukkullu suliffigisimasat pillugit paasissutissaqartoq, soraarummeernermi uppernarsaatit il.il. assilineri ilanngullugit uunga nassiunneqassaaq: ”qinnuteqaat nassiuguk”.
Qinnuteqaatit mailikkut tigusinnaanngilagut. 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia