sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Psykolog

Kommune Kujalleq

Qaqortoq
Ikkunneqarpoq: 12-01-2022
Piffissaq atuuffissaa naassaaq: 02-02-2022
Suliffissamut ID normut: LJA-83219391
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut, Isumaginnittoqarfik, Peqqinnissaq, Atuartitsineq & Meeqqerineq

Qaqortumi Ilaqutariinnut Sullissivik tarnip pissusiinik ilisimasalimmik

ALLAGARSIUTEQQITAQ:


Atorfik Qaqortumi Ilaqutariinnut Sullissivik tarnip pissusiinik ilisimasalimmik martsip ulluisa aallaqqaataat 2022 aallarnerfigalugu imaluunniit isumaqatigiissuteqarnikkut.


Ilaqutariinnut Sullissivik Qaqortoq pillugu:

Ilaqutariinnut Sulissiviup ataani ilaqutariinnut illut katillugit pingasuupput Qaqortumilu, Nanortalimmi aamma Narsami agguataarsimaallutik, tamatuma saniatigut meeqqanut inuusuttunullu ornittagaqarpoq, kiisalu inuusuttunut aamma naartusunut/ilaqutariinnut ajornartorsiuleratarsinnaasunut katsorsaaveqarluni.


Ilaqutariinnut Sullissiviup ulluunerani katsorsaaneq neqeroorutigisarpaa kiisalu Kommune Kujallermi isumaginnittoqarfiup ataani meeqqanut, inuusuttunut ilaqutaannullu pinaveersaartitsinermik neqerooruteqartarluni. Ataqatigiissaakkamik sulisutigut tamallu sianigalugit aaqqissuusinikkut katsorsaaneq piareersarneqartarpoq, matumani ilaqutariit ataasiakkaat pisariaqartitaat aallaaviusarlutik. Ilaqutariinnik Sullissivimmi katsorsarneqarnissamut neqeroorut ima imaqarpoq: Tarnikkut katsorsaanerit, tarnikkut misissuinerit, sakkortuumik nalaataqartunut ikiuineq, ilaqutariinnik katsorsaaneq, perorsaanermut ilitsersuineq tapersersuinerlu, atuartitsineq angajoqqaanullu pikkorissaaneq, ammasumik siunnersuineq, sulisunik  oqilisaassineq kiisalu oqartussanut siunnersuisartunik isummersoqateqartarneq.Tamatuma saniatigut Ilaqutariinnut Sullissiviup kujataani Pinartoqartillugu Upalungaarsimasut akisussaaffigai.


Ilaqutariinnik Sullissivimmi sulisut assigiinngissitaartunik tunuliaqutaqarput tassaallutillu aqutsisoq, psykologit, tarnikkut ikiuisartut, ilaqutariinnut siunnersortit, inuusuttunut siunnersortit kiisalu siusinaartumik iliuuseqarlutik ikiuisartut. Ilaqutariinnut Sullissiviup politiit, peqqinnissaqarfik atuarfeqarfillu qanimut suleqatigai. Tamatuma saniatigut meeqqat inuusuttullu akornanni nalaassimasanik kingunerlutsitsimasunik upernarsagassanik misiliinerit erseqqissagassat pillugit SDU - nalaassimasanik kingunerlutsitsisimasut pillugit Sullissivik suleqaatigineqarpoq: https://www.sdu.dk/da/forskning/videnscenter_for_psykotraumatologi/nyheder/maaleredskaber+til+udredning+-+nu+paa+groenlandsk


Ilaqutariinnut Sullissivik pillugu annertunerusumik paasisaqarusukkuit: https://www.kujalleq.gl/emner/borger/familie_og_boern/familiecenteret?sc_lang=da


Ilinnut neqeroorutigisinnaasavut:

·susassaqarfiit assigiinngitsut akornanni suliassaqarfik pingaartumik isumalik pissanganartorlu, matumani tarnip pissusiinik suliaqarnermut tunngasutigut immikkut piginnaasavit pitsaasut atornissaannut periarfissagissaarluni piffissaqarfiusoq.

·suliassat pilersaarusiukkat pinartullu assigiinngisitaartut (ass. sakkortuumik nalunaataqartoqarnerani illoqarfinnut nunaqarfinnullu angalanermik kinguneqarsinnaasut). (qallunaatut oqaluttumut oqalutseqarsinnaavoq)

·eqaatsumik sulinissamik pilersaarusiorsinnaaneq.

·suliffik isumassuinermik, nutaaliorsinnaanermik, qungujunnartunik nuannarisaqarnermik isumassarsianillu inerisarfiusoq.

·tarnip pissusiinik suliaqarnermut tunngasutigut ineriartornissamut periarfissagissaartoq, taassuma ilagalugit pikorissarnernut peqataaneq kiisalu suliffiup iluani avataanilu oqaloqatigiinnikkut oqalisaasarneq (ilaatigut akuerisaanikkut atorneqarsinnaasut).

·meeqqanut, inuusuttunut ilaqutariinnullu tunngasutigut ilisimasanik itisilerinerit pissarsiarinninnerillu kiisalu nalaassimasani kingunerlutsitsinerit paasiniaqqissaarnissaat katsorsarnissaallu.

·illoqarfik meeqqanut naleqquttoq ilaqutariinnullu isumaqarluartoq killilimmik angallaffiusoq qalipaatigissunillu illulik, arlalinnik meeqqeriveqarfiusoq aamma najukkami atuarfeqartoq kiisalu naammattunik sunngiffimmi peqatigiiffeqarlunilu periarfissalik.

·kujataa kulturikkut ilsimasaqalernissamut periarfissagissaartoq, ilaatigut inoroorsaarnermik malunnartumik tusaamaneqartoq, aamma immakkut angalanermik, piniarnermik, aalisarnermik, angalaarnermik qaqqasiornermillu periarfissarpassualik.

·pinngortitami tupinnartumik misigisassarsiorfigissaartoq, soorlu qaqqat, kangerluit, sermit iigartartut, Uunartoq, iluliarujussuit, arferit aamma arsarnerit, il. il.

·akeqanngitsumik pequtit assartorneqarnissaat atorfininnermilu angalaneq kiisalu atorfimmut atatillugu inissaq (inatsisit qaqugukkulluunniit atuuttut najoqqutaralugit).


Pingaartipparput illit:

·Cand.psych-itut Cand.pæd.psych-itullu ilinniagaqarsimanissat.

·meeqqanit ilaqutariinnullu tunngasutigut soqutigisaqarnissat misilittagaqarnissallu.

·Meeqqanut, inuusuttunut inersimasunuttaarlu toqqissimasumik tatiginassuseqartumillu kiinneratuunissat attaveqariaaseqarnissallu.

·tamaat isigalugu ineriartortitsinissamillu ilisimasaqarluarnissat isumalluutillu qitiutinnissaannik piginnaaneqartuunissat.

·namminiissuseqasinnaanissat, taamaattorli taamaalisukkut suliffiup iluani avataanilu suleqatit assigiinnik kiisalu assigiinngitsunik tunuliaqutallitsuleqatigiinnermik pisinnaassuseqarnissat.

·kulturimik nutaamik allaanerusumillu ilisarisimannilernissannut tunngatillugu alapernaatsuunissat ujartuinissallu.


Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 


Akissarsiat atorfeqartitaanermilu atugassarititaasut:

Akissarsiat atorfinitsitaanermilu atugassarititaasut Naalakkersuisut kiisalu tarnip pissusaanik ilisimasallit danskit peqatigiiffiata akornanni isumaqatigiissutaannut naapertuuttumik ingerlassapput.


Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik.

Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allamullu nuutsinneqarnerup nassataanik pigisanik nuussinermut aningaasartuutit akilerneqassallutik.


Sukumiinerusumik paasisaqarusuppit?

Sukumiinerusumik paasisaqarusukkuit saaffissaq:

Aqutsisuugallartoq Sofie Hoffmeyer, mail soho@kujalleq.gl, oqar. nr. +299 64 54 22

Psykolog , Louise A. Stokbro mail: loas@kujalleq.gl tlf.nr. +299 64 53 54

imaluunniit Ilaqutariinnik Sullissiviiup oqarasuaataa +299 64 54 20


Eqqaamallugu Danmarkimi nal. 12:00-inngoraangat nunatsinni 08:00-inngortarmat.


Atorfik pillugu sukumiinerusumik paasisaqarniaruit immikkoortortami pisortaagallartoq Sofie Hoffmeyer-imut attaveqarsimmaavutit, oqarasuaammut uunga +299 64 54 22 imaluunniit, imaluunniit mailikkut: soho@kujalleq.gl


Qinnuteqaat, ilinniagarisimasat siornatigullu suliffigisimasat, ilinniagarisimasat allagartaasa sulisitsisorisimasallu oqaaseqaataasa assilineri il. il. kingusinnerpaamik ulloq febraaruip ulluisa aappaat 2022kommunimit tiguneqareersimassapput nittartagaq aqqutigalugu.


MALUGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiunniunneqassapput.





Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia