Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Overassistent til Majoriaq i Sisimiut
Qeqqata Kommunia
Sisimiut
Ikkunneqarpoq: 21-02-2024
Piffissaq atuuffissaa naassaaq: 14-03-2024
Suliffissamut ID normut: 331588367
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq
Atorfiup taaguutaa: Overassistent
Ilinniagaq: TNI Administration (kontor)
Misilittakkat - Annertunerusumik: Registrering
Oqaatsit:
| Danskisut |
Atuarneq/ oqalunneq |
| Kallaallisut |
Atuarneq/ oqalunneq |
Qeqqata Kommunia innuttaasunik sullissisussamik Sisimiuni Majoriap ataani Suliffissarsiuussisarfimmut overassistentimik qiimasumik pissarsiorpoq
Suliassaq Majoriap qiterivaa, kisianni suleqatinut tamanut atuuffiusoq pingaaruteqartoq.
Majoriaq sumiiffinni inuussutissarsiutinut ilinniarfinnik sulianik ingerlataqarpoq kiisalu sumiiffimmi ilinniarfissanik ilisarititsinernillu suliaqarluni. Majoriaq sumiiffinni, nunap ilaani aammalu nuna tamakkerlugu inuussutissarsiorfiit sulisinnaasunik piukkunnaatilinnik tamakkiisumik peqartuarnissaa qulakkiissavaa, taamaalilluni qaninnerusoq ungasinnerusorlu isigalugit inuussutissarsiorfiit sapinngisamik isiginiarneqassallutik.
Suliassat akisussaaffiillu:
- Suliffissarsiortunik sulisitsisunut / suliffeqarfinnut innersuussinerit
- Suliffissarsiortunik nalunaarsuineq
- Sulinngiffeqarnersiutinik napparsimanermilu ullormusianik suliarinninneq
- Nammineq ornigulluni, oqarasuaatikkut mailikkulluunniit saaffiginnissutinik tigooraaneq
- Sullissisunut attuumassutilinnut saaffiginnissutinik innersuussassarsiorneq
- Ilinniarnissaq- pikkorissarnissaq suliffittaarnissarluunniit pillugit innuttaasunit saaffiginnissutinik assigiinngitsunut tunngatillugu ilitsersuineq
- Majoriami immikkoortortat assigiinngitsut akornanni akimortumik suleqatigiinneq
Piginnaasassat:
- Allaffissornikkut ilinniagaqarsimasuusutit
- Eqaatsumik suleriaaseqartutit "pisunilu ulapaarfiusuni" eqqissisimasumik sulisinnaasutit
- Sullissillaqqissuusutit, suleqatiginnikkumasuusutit nammineersinnaassuseqartutillu
- Qarasaasiamik, minnerpaamik naammaginartumik qaffasissusilimmik atuisinnaasuusutit
- Kalaallisut qallunaatullu marluinnik oqaaseqartuusutit – tamannali piumasaqataanngilaq
Neqeroorutigaarput:
- Suliffik soqutiginartumik unammillernatunillu suliassarpassualik
- Suliffimmi pikkorissut piginnaasanik ulikkartut
- Suliffik pissanganartumik inerikkiartortoq, sunniuteqarfiginissannut periarfissalik
Akissarsiat atorfeqartitaanermullu atugassarititaasut:
Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.
Atorfimmut atatillugu Inissaqartitsisoqanngilaq.
Pinerlussimannginnermut uppernarsaat:
Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerluuteqarsimannginnermik allagartaq politiinit tigoreernerata kingorna.
Atorfininneq 1. april 2024 imaluunniit isumaqatigiinnikkut
Atorfik pillugu paasissutissat annertunerusut Majoriami pisortaq Nûno Motzfeldt-Skovgaard oqarasuaat (+299) 86 71 59, e-mail: nuno@qeqqata.gl saaffiginninnikkut pissarsiarineqarsinnaapput.
Qinnuteqaat soraarummeersimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik nassiunneqassapput
Qinnuteqarnissamut killissarititaasoq: marsip 14.-at, 2024