sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Genopslag - Leder i Inuit Qeqertarsuaq

Kommune Qeqertalik

Qeqertarsuaq
Ikkunneqarpoq: 11-10-2021
Piffissaq atuuffissaa naassaaq: 26-10-2021
Suliffissamut ID normut: LJA-82789430
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik, Aqutsineq, Atuartitsineq & Meeqqerineq

Kommune Qeqertalik nutaamik allaffissornikkut innuttaasut sumiiffinni, kulturikkut aamma sullinneqarnermikkut pisariaqartitaat aallaavigalugit pilersinneqarpoq.


Innuttaasunik sullissinerup pitsanngorsarneqarneranut sullisseqataarusuppit aamma sulisunik aqutsineq misilittagaqarfigaajuk assigiinngiiaartunillu suliaqarneq soqutigalugulu sungiusimaviuk? Taava atorfik una ilinnut tulluuppoq.


Qeqertarsuarmi suliassaqarfimmi INUIT aqutsisussamik 1. november 2021 imaluunniit isumaqatigiissuteqarnikkut sulilertussamik pissarsiorpoq.


Suliassaqarfimmi INUIT-niipput isumaginnittoqarfik, meeqqerivik, atuarfik, najugaqatigiiffiit, utoqqaat illuat, ilaqutariit illuat aamma innarluutillit sulliviat.


Qeqertarsuarmi sulliviit pisortaat qaninnertut pisortarissavat.


Suliassaqarfiit akisussaaffiillu ilaatigut makkuupput:


·Suliassaqarfik INUIT-ni ataqatigiissaarineq aqutsinerlu

·Suliassaqarfik INUIT-ni innuttaasut sullinneqarnerisa ataqatigiissarnissaat pitsanngorsarnissaallu suliassaqarfik INUIT-niittut qanimut suleqatigalugit aaqqissuussineq

·Suliassaqarfimmi nutaamik suleqatigiittussanik ilusilersuineq

·Suliassaqarfinnik allanik qanimut suleqateqarneq


Piginnaasat:


·Akisussaaffimmut attuumassutilimmik qaffasissumik ilinniarsimaneq

·Sulisunik aqutsinermut ilinniarsimaneq misilittagaqarnerluunniit

·Sulianik assigiinngitsunik ataatsikkut ingerlataqarsinnaaneq

·Suleqatigiuminartoq

·Aalajaatsoq

·Suleqatinut kaammattuisinnaallunilu siunnersuisinnaasoq

·Ulapaarfimmi imminut aqussinnaasoq

·Sullitanit suleqatinillu saaffigiuminartoq


Pinerliisimannginnermut uppernarsaat:

Atorfik inuttassarsiuussaq pinerliisimannginnermut uppernarsaammik piumasaqaatitaqarpoq. Taamaattumik maluginiaqqussavarput pinerliisimannginnermut uppernarsaat qinnuteqaammut ilanngullugu nassiunneqassammat.


Akissarsianut atorfeqarnermullu atugassarititaasut:

Akissarsiat atorfininnermilu atugassarititaasut, Naalakkersuisut kiisalu kattuffiup isumaqatigiinniartussaatitaasup akornanni atorfininnerup nalaani isumaqatigiissutaasut naapertorlugit atorfininneq pissaaq.


Atorfimmut atasumik inissaqartitsisoqarsinnaavoq, tassungalu qularnaveeqqusiinermut/inigisamut akiliuteqartarneq il.il. malittarisassat atuuttut malillugit akiliisoqartassaaq.


Atorfik pillugu annertunerusumik paasisaqarusukkuit sullissivinni pisortaq Benedikte Mølgaard attavigisinnaavat mail: benm@qeqertalik.gl imaluunniit oqarasuaat nr. 38 72 06.


Qinnuteqaat


MALIGIUK: Qinnuteqaatit mail-ikkut allakkerivikkulluunniit nassiussat tiguneq ajorpagut.


Qinnuteqaatit, CV, ilinniarsimanermut pikkorissarsimanermullu uppernarsaatit, aammalu pappialat naleqqussinnaasut allat nassiutikkit “Atorfik una qinnuteqarfigiuk” toorlugu.


Nassiunniakkatit iluatsissinnaanngikkukkit hr@qeqertalik.gl attaveqarfigiuk.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia