sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Familiecenteret Sisimiut søger 1 socialpædagog

Qeqqata Kommunika

Sisimiut
Ikkunneqarpoq: 24-11-2021
Piffissaq atuuffissaa naassaaq: 10-12-2021
Suliffissamut ID normut: LJA-82997209
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut, Isumaginnittoqarfik, Atuartitsineq & Meeqqerineq

Ilaqutariinnik Sullissivik:

Ilaqutariinnik Sullissivik Qeqqata Kommuniani Atugarisaarnermut immikkoortortap ataani aaqqiissuussaanikkut inissisimavoq. Sullissivimmi neqeroorutigut assigiinngitsut atorlugit meeqqanik, inuusuttunik ilaqutariinnilllu tamanik isiginnittumik suliaqarpugut. Ilaatigut tapersersuinermik, siunnersuinermik, angerlarsimaffinnut pulaarnermik aamma suliniutinik pinaveersaataasunik neqerooruteqartarpugut. Piffissami matumani sullitat tikillugit sullissisumik, perorsaasumik ilinniarsimasumik, angerlarsimaffinnut pulaartartumik, isumaginninnermi siunnersortimik pisortamillu sulisoqarpugut.

Isumaginninnikkut perorsaasup suliassai akisussaaffiilu

· Ilaqutariit innersuunneqarsimasunut isumaginninnerup iluani ataavartumik siunnersuinernik ilitsersuinernillu tapersiineq.

· Ilaqutariinnut immikkut tapersersorneqarnissaminnik pisariaqartitsisuni angerlarsimaffinni siunnersorti angerlarsimaffinnut pulaarnerini tapersersuineq.

· Anaanat meeraaqqallu naapitinneqartarput ilaqutariinnik kiffartuussivimmi

· Pinaveersaartitsinissamut suliniutinik ingerlatsineq, soorlu angajoqqaanik atuartitsineq/pikkorissaaneq, angajoqqaanik kiisalu ilaqutariinnut kiffartuussivimmi sulisut suleqatigalugit ilaqutariinnik assigiinnik ajornartorsiutilinnik isumaginninnikkut sammisassaqartitsineq. 

· Ilaqutariit ulluinnarni inuunerannik qanimut malinnaaneq kiisalu sullissinerup ingerlanerani ilaqutariit sunniivigeqatigiinnerinik malinnaaneq.

· Anaanaq Meerarlu angerlarsimaffimmik aqutsineq

· Ilaqutariit ulluinnarni inuunerminnik ilusilersuineranni ikiuunneq.

· Nunaqarfinni ilaqutariinnik pisariaqartitsisunik siunnersuinerit.

· Ualikkut unnukkulluunniit ilaqutariinni sullissineq.

Piginnaasat

· Isumaginninnikkut perorsaasutut ilinniarsimasuuneq.

· Suleqatigiissinnaassuseqartutit kiisalu suleqatigiinni suleqataasinnaasutit.

· Aalajaatsuusutit akisussaassuseqartutillu.

· Ammasuusutit, suleqatigikkuminartuusutit oqaloqatikkuminartuusutillu.

· Sungiussiasuusutit nammineersinnaassuseqarlutillu.

· Marluinnik oqaaseqartuusutit.

· Pilersitsisinnaassuseqartutit, tamat isiginnissinnaassuseqartutit kiisalu allannguinissamut piareersimasutit.

Akissarsiat atorfinitsitaanermilu atugassarititaasut

Akissarsiat atorfinitsitaanermilu atugassarititaasut, matumani angalanermut pequtinullu akiliunneqarnissaat ilanngullugit, N.P.K. isumaqatigiissutaat sukkulluunniit atuuttut malillugit aaqqinneqassapput.

Inissaqartitsisoqarsinnaavoq tamatumani malittarisassat atuuttut naapertorlugit akilerneqartussamik.

Atorfinitsitaaneq piaartumik imaluunniit isumaqatigiissuteqarnikkut pissaaq.

Atorfinissagaanni, meeqqanik pinerliisimannginnermut uppernarsaat piniarneqassapput.

Atorfik pillugu paasissutissat sukumiinerusut Ilaqutariinnik Sullissivimmi pisortaq Mathilde Worsøe-Petersen, oqarasuaat (+299) 86 60 77, email: mawp@qeqqata.gl atorlugit saaffiginninnikkut pissarsiarineqarsinnaapput.

Paasissutissat pisariallit:

Qinnuteqaat pinerlussimannginnermut uppernarsaammik, meeqqanik pinerlissimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut nassiunneqassapput.


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia