sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Familievejleder

Kommune Kujalleq

Qaqortoq
Ikkunneqarpoq: 11-05-2022
Piffissaq atuuffissaa naassaaq: 03-06-2022
Suliffissamut ID normut: LJA-83600457
Atorfeqarnermi atugassarititaasut: Tamakkiisoq
Suliassaqarfik: Isumaginnittoqarfik, Peqqinnissaq

Isumaginnittoqarfik Qaqortumi Ilaqutariinnik sullissivimmi ilaqutariinnut siunnersortimik kiisalu Narsami Ilaqutariit illuanni ilaqutariinnut siunnersortimik pissarsiorpoq.


Soqutiginartumik 01. august 2022 imaluunniit erseqqinnerusumik isumaqatigiissuteqarnikkut atorfiniffiusussamik suliffissaqartippassi.

Atorfiit inissisimaffigaat Qaqortumi Ilaqutariinnik Sullissivik kiisalu Narsami Ilaqutariit illuat, taakkunanilu immikkoortortani aqutsisut qullersarineqassapput.


Isumaginninnermut/peqqinnissakkut ikiortutut, perorsaasutut, isumaginninnermi siunnersortitut assingusumilluunniit ilinniarsimasuuit, aalajaajaatsuuit, isumagissuuit, aammalu eqeersimaartuuit? Suleqatiginnittartuuvutit, ammasuullutik naleqqussallaqqissuullutillu.


Ilaqutariinnik Sullissivik suleqatigalugu ilaatigut makku suliarisassavatit:

·Ilaqutariinnik ilaqutariittut siunnersorneqarnissamut innersuunneqarsimasunut perorsaanerup tungaatigut tapersersuinissamut aqqutissiuinissamullu akisussaaffik, makku suliarinerisigut:

·Ilaqutariit qanoq inissisimanersut paasilluarniarlugit pulaartarlugit, ilaannilu piffissat nalinginnaasumik suliffiusartut avataatigut sulinissaq naatsorsuutigisariaqarpoq.

·Ilaqutariit namminneq ilaqutariinnerminni aporfinnikaaqqiinissaannut sakkussaannik tunillugit

·Ilaqutariit iliuusissatut pilersaarusiuunneri malinnaaviginerilu.

·Ilaqutariit peqatigalugit ”sullissisut” ataatsimeeqatigineri.

·Ilaqutariit peqatigalugit pilersaarusiukkanik angalanissat aaqqissuunneri aammalu/imaluunniit peqataaffigineri.   

·Ilaqutariinnik Sullissivimmi pikkorissaanerni ilinniartitsineq.

·Siusinaartumik iliuuseqarnermi suliamut attuumassuteqartunik suleqateqarneq

·Kalaallisut oqaaseqarnissaq piumasaqaataavoq, aamma marluinnik kalaallisut/dansk-isut oqaaseqartuuguit iluaqutaassaaq.


Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.


Aallaavittut qinnuteqartup isumaqatigiissutaa naapertorlugu akissarsiat atorfininnermullu atugassarititat aalajangersarneqassapput.


Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaallu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.


Atorfik pillugu paasissutissat sukumiinerusut pissarsiarineqarsinnaapput Qaqortumi ilaqutariinnik sullissivimmi pisortaq saaffigalugu: Jakob Noahsen mail: jano@kujalleq.gl, allaffimmi oqarasuaat: 64 54 22 eller afdelingsleder/souschef Sofie Hoffmeyer mail sofo@kujalleq.gl, kontortlf.: 64 54 20


Qinnuteqaat ilinniagaqarsimaneq, siornatigut sulisimaneq, soraarummeersimanermut uppernarsaatit, oqaaseqaatit allallu kommunip nittartagaa aqqutigalugu kingusinnerpaamik 3. juni 2022. kommunimit tiguneqareersimassapput.


MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.



Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput

 


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia