sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Tasersuup atuarfiani ilinniartitsisoq

Kommune Kujalleq

Qaqortoq
Ikkunneqarpoq: 13-05-2024
Piffissaq atuuffissaa naassaaq: 03-06-2024
Suliffissamut ID normut: LJA-85482090
Atorfeqarnermi atugassarititaasut: Tamakkiisoq
Suliassaqarfik: Atuartitsineq & Meeqqerineq, Meeqqat & inuusuttut

Tasersuup Atuarfia ilinniartitsisussarsiorpoq


Kommune Kujalleq Qaqortumi Tasersuup Atuarfiani nukarlerni, akullerni, angajullerni immikkullu atuartitsinermi ilinniartitsisussarsiorpoq aggustip aallaqqaataani 2024-mi imaluunniit erseqqinnerusumik isumaqatigiissuteqarnikkut atorfinittussanik


Kommune Kujallermi atuarfiit ineriartortitsinermik suliaqarnerat qitiuvoq. Angusat qaffassarlugit inerisaaneq aallarteruttorpoq. Ukiut arlalinngorput atuarfiit iPadinik atuiffiulermata, taamaattumik IT-kkut ineriartornermut malinnaalluarpugut. Pikkorissunik ineriartortitseqataanissamut piukkunnarluinnartunillu ilinniartitsisussarsiorpugut.

Meeqqat siunissaat eqqarsaatigalugu angusaqartitserusukkuit inerisaanermullu peqataarusullutit atorfissaqartippatsigit.


Tasersuup Atuarfia

Tasersuup Atuarfiani ilinniartitsisut suleqatigiilluartut naapissavatit, atuarfitsinni Kommune Kujalliup iPadinik suliaqartartui marluk immikkut allaffeqarput, isumaginninnermi siunnersorteqarpoq suleqatigiinnut allanut ataqatigiissaarisumik atuarfimmilu qinngasaarineq pillugu suliniuteqartartumik kiisalu angajoqqaanik suleqateqarnermi nukittorsaasumik – aasamut ilaqutariinnut klassi aallartinneqqaqqissaaq.Ilinniartitsisut pikkoriffitik atorlugit ilinniartitsipput. Kommune Kujalleq ataavartumik sulisuminut angusaqartitsiffiulluartartumik pikkorissartitsisarpoq pitsaasumik suleqatigiittoqarnissaa nutaaliortoqarnissaalu siunertaralugu, aammattaaq ingerlaqqiffiusumik ilinniarfissanut periarfissiinissaminut ammasuuvoq. Kommune Kujalliup sulisuminut isumassuinermini kaffi tii ullut tamaasa sassaalliutigisarpai, sapaatit akunneranullu ataasiarluni ullaakkorsiortitsisarluni, atuarfiup nerisarfiani ataatsimik igaffimmioqarpoq.Taamatuttaaq atuartut immikkut pisariaqartitsisut ullut tamaasa ullaakkut, akunniliinnermi nerineq ullup qeqqanullu nerisinnaallutik atuarfimmi.

Atuarfik immikkut maluginiarneqarsinnaavoq, angajoqqaanik suleqateqarneq ineriartortinneqartuarmat. Suliniummut Kivitsisamut atatillugu atuarfimmi iPadit atorlugit atuartitsinermi aqutsissiuisut aalajangersimasut atuartullu pikkorissut suleqatigineqartarput. 

Atuarfimmut ineriartorfiusumut qinnuteqarit, tikilluaqquatsigit!


Qaqortoq illoqarfiuvoq kujataani illoqarfinni pingaarnersatut inissisimasoq, 3000-t sinnerlugit inoqarpoq. Tasersuup Atuarfia 420-nik atuartoqarpoq. Klassit 33-upput, taakkunani immikkut pisariaqartitsisut klassii ilanngullugit soorlu Tungujortuaraq. Katillugit 53-inik pikkorissunik misilittagalinnillu ilinniartitsoqarpoq, kiisalu nutaanerusunik aqutsisoqarluni. Trinnini sisamanik agguarnikunik allorfeqarpoq, perorsaanermi piorsaanermilu siunnersorteqarpoq nunaqarfinni angerlarsimaffinnilu atuartitsisunik.

Immikkut atuarfiup aqutarai atuareernerup kingorna orniffik aammalu atuartut angerlarsimaffiat. 


Meeqqanik pinerliisimannginnermut uppernarsaammik:

Atorfik una meeqqanik innarliisimannginnermut uppernarsaammik pissarsisussaatitaaneq pillugu inatsimmut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik / pinerliisimannginnermilu uppernarsaat aalajangeeqataasussaavoq. 


Atorfinikkiartornermi angalaneq

Atorfinittussaq ilaqutaalu akiliunneqarlutik atorfinikkiartortarput, ukiullu pingasut qaangiukkaangata akiliunneqarlutik angalasinnaapput soraarunik, kiisalu nuunnermut atatillugu tapisisoqartarpoq maleruagassat malillugit.


Inissaqartitaaneq

Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.


Atorfik pillugu paasissutissat sumiinnerusut uunga saaffiginninnikkut pissarsiarineqarsinnaapput: atuarfiup pisortaa Ida Jeremiassen e-mail idja@kujalleq.gl imaluunniit oqarasuaat 645034.


 

Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik  juunip ulluisa 03-anni 2024.


MALUGIUK: Qinnuteqaatit pappilianngorlugit e-mailikkulluunniit tiguneq ajorpagut, qinnuteqaatit PDF-fil-inngorlugu nittartagaq aqqutigalugu nassiunniunneqassapput.


”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia