Kangerlussuarmi biilileriffimmut mekanikerissarsiorpugut
Ikkunneqarpoq: 04-10-2024
Piffissaq atuuffissaa naassaaq: 01-10-2025
Suliffissamut ID normut: LJA-85721557
Atorfeqarnermi atugassarititaasut: Tamakkiisoq
Suliassaqarfik: Assassorluni sulineq & sanaartorneq
Biilileriffimmi kiffartuussilluarneq, pitsaassuseqarluarneq annertuumillu pimoorussineq salliupput, tamakkulu sulininni pingaartikkukkit mekanikeritut atorfik inuttassarsiugaq immaqa ilinnut naleqquppoq.
Suliassaqarfigisat:
Mekanikeritut atorfimmi mittarfimmi atortussat assakaasullit tamaasa ingerlasinnaatinnissaannut peqataassaatit, tamakkuuppullu biilik, qatserissutit, sulinermi biilit angisuut il.il.
Suliassaniipput ilaatigut makku:
- Ajoqutaasunik nassaarniarnerit
- Pinaveersaatitut aserfallatsaaliuinerit
- Iluarsaassinerit
- Teknikki pillugu immikkoortoqarfimmi siunertamut aalajangersimasumut suliassat
Piginnaasat:
Mekanikeritut ilinniagaqarneq naammassisimassavat, ukiunilu 3-5-ini suliatigut misilittagaqassallutit. Tamakku saniatigut naatsorsuutigaagut:
- Toyota/Mercedes ilisimasaqarfigissagitit
- Biilersinnaanermut allagartaqassasutit, biilersinnaanermut allagartaq angineq iluaqutaassaaq
- Torersuussaatit, ilakkuminassaatit, suleqatigiinnilu ilanngussinnaassaatit
- Pineqaatinneqarsimassanngilatit
- Pladinik suliaqarnermut ilisimasaqarneq iluaqutaassaaq
Mittarfeqarfiit neqeroorutaa:
Suliffik pissanganartoq allanngoriartortoq, sulisuminut atugassarititanik suleqatigiilluarnermillu pingaartitsisoq. Suleqatigiit arfinillit kisimiillutik arlariillutillu sulilluarsinnaasut suleqatigissavatit.
Sillimaniarnikkut akuerineqarneq
Atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasunik nalunaarsuiffimmit uppernarsaat qinnuteqaatinnut ilanngullugu nassiutissavat. Taanna najukkanni politiitut oqartussani pineqarsinnaavoq.
Atorfinitsitaanermi atugassarititaasut
Aningaasarsiat atorfinitsitaanermullu atugassarisat kattuffik attuumassutilik naapertorlugu pissaaq. Taamatut ilaasortaaffeqanngikkaanni inunnut ataasiakkaanut atugassarititaqartillugu atorfinitsitsisoqarsinnaavoq.
- Malittarisassiat atuuttut malillugit sulilerlunilu soraarneq
- Malittarisassiat atuuttut malillugit qaammatini aqqaneq-marlunni atorfeqarnerup kingornatigut sulinngiffeqarnermi akilikkamik angalasarneq
- Malittarisassiat atuuttut malillugit inissaqartitaaneq
- Sapaatip akunneranut nal. akunnerini 40-ni sulisarneq/ukiuunerani pigaartuusarneq
- Sapinngisamik piaarnerpaamik atorfininneq, imaluunniit isumaqatigiissutaasoq malillugu
Annermik paasisaqarit:
Atorfik pillugu annermik paasisaqarusukkuit apeqqutissaqaruilluunniit Teknikkimi pisortaq Tage Johansenimut attaveqarnissannut tikilluaqqusaavutit, emailikkut: Tjo@mit.gl imaluunniit oqarasuaat 381828. Biililerisoq Nuka Daniel oqarasuaat imaluunniit email: nuda@airports.gl imaluunniit oqarasunaat 533686. Apeqqutit nalinginnaanerusut HR-imik immikkoortoqarfimmut mailerutigineqarsinnaapput: hr@airports.gl
Nittartakkatsinni Mittarfeqarfiit pillugit annermik ujagassaqarpoq: www.mit.gl
Qinnuteqaat:
Atorfimmut naatsorsuutigineqassaguit ataani linki aqqutigalugu qarasaasiakkut qinnuteqaatit, cv, kiisalu ilinniagaqarnermut uppernarsaatit kingusinnerpaamik 25 oktober 2024-imi nassiutissavatit.
Atorfinitsitsiniarluni oqaloqateqartoqarumaarpoq.
Mittarfeqarfiit Kalaallit Nunaanni mittarfinnik 13-inik helipadsinillu 43-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 800.000-it sinnerlugit kiffartuuttarlutigit. 400-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.