sullissivik.gl
Atorfimmut ussassaarummut oqaatsinut allanut nuunniarlutit tooruk

Tusassi Paasissutissanik isumannaallisaanermut immikkoortortaqarfimmi pisortassarsiorpoq

Tusass A/S

Nuuk
Ikkunneqarpoq: 07-02-2024
Piffissaq atuuffissaa naassaaq: 19-05-2024
Suliffissamut ID normut: LJA-85318849
Atorfeqarnermi atugassarititaasut: Tamakkiisoq
Suliassaqarfik: Allat, Allaffik & allaffissorneq, Aqutsineq, IT & tusagassiuutit
Attaveqarfissamut paasissutissat

Tusass A/S

 
Oqarasuaat

Paasissutissanik isumannaallisaanermut immikkoortortaqarfiup isumannaallisaanermi ingerlatat pitsanngorsarnissaanik, paasissutissanik isumannaallisaanermi teknologiinik atuutilersitsinernik, kiisalu atuisut pissusaasa sunniisarnerinik ukkataqartuuvoq, ingerlatseqatigiiffillu tamakkerlugu qanimut suleqatigalugu. Isumannaallisaanermi pitsaassutsit ISO-27001 aallaavigalugit sulisarpugut, suliassarlu pingaaruteqarluinnartoq tassaavoq ISO-mut allagartaqalernissaq. Tamatumani misilittagaqarneq assut pitsaaqutaassaaq.

Suliassatit tassaanerupput:

  • ISMS-imi sakkussanik ineriartortitsinermik ajutoorsinnaasunillu nalilersuinernik suliassat ingerlatitseqqinnerit.
  • Ingerlatseqatigiiffik tamakkerlugu qanimut suleqatigalugu, ukiumut ingerlatsinissamik pilersaarummik (awareness-årshjul) ineriartortitsineq.
  • Paasissutissanik isumannaallisaanermi suliniutinut tunngatillugu ingerlatsinernik ineriartortitsinermi tapersiineq, taassumalu ataani upalungaarsimanermut pilersaarusianik suliaqarneq
  • Paasissutissanik isumannaallisaanermi ukiumut ingerlatsinissamik pilersaarummi (årshjul) suliassanik isumaginninneq, nutarterineq ineriartortitsinerlu, taassumalu ataani paasissutissanik isumannaallisaanermut politikkimik nutarterineq
  • Kukkunersiuisut nalunaajaataannik nalunaarsuutinillu isumaginnittartunut isumaqatigiissutinik nangitsinerit
  • Pitsaassutsinik malinninnernik uppernarsaaneq
  • Pilersaarusiorneq, scoping ISO-27001-imillu allagartartaarnissamut naammassinninnerit

Inuttut illit:

  • Ingerlatseqatigiiffik akimorlugu suleqatiginninnerit pingaassusaat, akueriuminartumillu attaveqaqatigeeriaatsit ilisimassavatit
  • Erseqqissumik, peqataatitsisumik qanilaartumillu suleriuuseqassaatit.
  • Attaveqaqatigiinneq pikkoriffigissavat IT-milu isumannaassutsip pingaassusaanik erseqqissaasinnaassaatit. Inuit ingerlatsinerillu pingaarnerupput – teknikki tullernguulluni. Suliffeqarfiup sulisuinut paasissutissanik isumannaallisaanerup pingaassusaanik erseqqissaasinnaassaatit
  • Isumannaallisaanerup iluani - atuisunut attaveqarneq aamma angullugu - awarenessimik suliniutinik aqutsinermik misilittagaqassaatit
  • Ingerlatseqatigiiffimmi isumannaallisaanermi suliniutinik nukittorsaaneq nuannarissavat

Ilinniakkappit suunera pingaarnersaanngilaq, paasissutissanilli isumannaallisaanermi misilittagaqarnissat naatsorsuutigineqarpoq. Piginnaasatit suliassanut qulaani allassimasanut naapertuupput, ISO 27001-imi pitsaassutsinut kiisalu IT-mik ingerlatsinermi isumannaallisaanermilu sakkussanik naleqquttunik ilisimasaqartuussaatit.

Saniatigut aamma pitsaaqutaassaaq oqarasuaateqarnerup iluani suliaqarneq misilittagaqarfigigukku, tamannali piumasaqaataanngilaq.

Atorfik pillugu apeqqutissaqaruit isumannaallisaanermi pisortaagallartoq Rasmus Christensen attavigisinnaavat oq. +299 23 69 54 imaluunniit pisortap tullersortaa Toke Binzer oq. +299 59 99 36.

Tusass

Takorluukkap ’Tusassip nunarsuup sinnera qaninnerulersippaa – uagullu immitsinnut qaninnerulersilluta’ ataani, ingerlatseqatigiiffimmi sulisut 350 missaanniittut, Kalaallit Nunaat tamakkelugu attaveqaqatigiinnermut atortulersuutinik nutaalianik pilersitsineq qulakkeerinninnerlu sulissutigaat.

Uani paasisaqarnerugit www.tusass.gl


Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia