sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Kalaallit Nunaanni inuussutissarsiornermi sinaakkutissanik pitsaanerpaanik pilersitseqataarusuppit?

Namminersorlutik Oqartussat

Nuuk
Ikkunneqarpoq: 26-01-2022
Piffissaq atuuffissaa naassaaq: 17-02-2022
Suliffissamut ID normut: LJA-83286822
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Inuussutissarsiornermut Niuernermullu  Naalakkersuisoqarfik akisussaaffimmik tigusinissamut piareersimasumik inuussutissarsiutinik niunermilu nunatsinni ingerlatsinermi ineriartortitsinermik siuarsaaqataarusuttumik sulisussarsiorpoq.   
Atorfik pillugu:
Inuussutissarsiornermut immikkoortortaqarfimmi ilaatigut suliarisartakkagut tassaapput nunamut tamarmut inuussutissarsiornikkut nuernikkullu politikki, sermimik aamma imermik avammut niueruteqarneq, nunat tamalaat akornanni niuernikkut ingerlanneqarsinnaasunik siuarsaaneq kiisalu inuussutissarsiornikkut niuernermullu tunngassuteqartunik periarfissanik avammut nittarsaassineq. Suliat tamakkua ilaattut immikkoortortaqarfipput nunatsinni inuussutissarsiornermik ingerlatsisunut suliassaqarfiit assigiinngitsut akimorlugit attaveqartuuvoq, Naalakkersuisoqarfinnut allanut, kommuninut, soqutigisaqaqatigiit kattuffiinut il.il. Sulissutigineqarput siammasissumik periusissianik ineriartortitsineq atortuulersitsisarnerlu, suliassanik ataasiakkaanik suliaqartarneq kiisalu suliassaqarfitsinni politikkikkut sullissineq.
Illit piareersimassaatit namminersorlutit akisussaaffimmik tigusinissamut suliassaqarfitsinni pineqartuni immikkoortut ilaanni. Ilaatigullu suliassarilersinnaavatit makkua:

 

  • Politikkikkut ingerlatanut sullissineq, tamatumali aamma Naalakkersuisut isummernissaannut tunngavissanik suliaqartarneq, allakkiat tunuliaqutaasut, oqalugiaatissat, § 37 naapertorlugu apeqquteqaatinut akissutissat il.il.
  • Inuussutissarsiornermi niuernermilu politikkissamik suliaqarnermi aqutsisunut siunnersuineq
  • Inuussutissarsiornikkut periusissiassanik ineriartortitsisarneq aammalu atortuulersitsiartuaartarneq
  • Naalakkersuisoqarfiit, oqartussaqarfiit inuussutissarsiorfiillu akimorlugit ataqatigiisitsineq
  • Kalaallit Nunaanni inuussutissarsiortunik aammalu inuussutissarsiorfiusinnaasutut inerisakkanik nunat tamalaat akornanni niuerfinnillu nittarsaassinerni nittarsaassineq
  • Suleqatigisanut avataaneersunut, soorlu Visit Greenland, Innovation Greenland, Sulisitsisut, illoqarfinni inuussutissarsiortut peqatigiiffii assigisaatalu akornanni ataqatigiissaarineq
  • Aningaasanik missingersuusianillu aqutsineq, sulianik ingerlatsineq allattoqarfittullu suliaqarneq
Immikkoortortaqarfipput nunat tamalaat akornanni suliassaqarfiuvoq, Kalaallit Nunaanniilli allaaveqarluni. Sulianut atatillugu Kalaallit Nunaata avataani iluanilu angalasarnissanut periarfissaqartarsinnaassaaq. Suliassat sorpiaat suliarisassaneritit eqqarsaatigalugu apeqqutaassapput illit soqutigisatit, piginnaasatit misilittakkatillu.   

Illit pillutit:
Illit ujarpatsigit ajornanngippat imaattunik piginnaaneqaruit:
   
  • Kandidatitut naleqquttumik ilinniagaqartoq
  • Politikkikkut aqutaasumi ingerlatsivimmi aamma /imaluunniit namminersortuni inuussutissarsiortuni misilittagaqartoq
  • Inuussutissarsiornermut niuernermullu tunngasunik ilisimasaqarluartoq
  • Inuussutissarsiornermut aamma imaluunniit inuiaqatigiinni aningaasarsiornermut ilisimasaqarneq iluaqutaassaaq
  • Nunatsinni inuiaqatigiinnik inuussutissarsiornermilu pissutsinik ilisimasaqarneq
  • Iluaqutaassaaq kalaallisut, danskisut tuluttullu oqaaseqarneq
 
Immikkoortortaqarfipput pillugu
Inuussutissarsiornermut Niunermullu immikkoortortaqarfimmi immikkoortortamik pisortaq ataaseq aamma sulisut A/C-it 6-7-it kiisalu praktikkertut arlaqartut ilinniernerminnullu atatillugu ikiortit sulisuupput. Immikkoortortaavugut sulisut ataasiakkaarlutik tamarmik immikkut annertuumik akisussaaffeqarfigisaat. Ilutigisaanik inuttut ataatsimoorfeqarpugut pitsaalluinnartumik, ataatsimoorullugillu suliassagut amerlasuut naammassiniartarlutigit.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfik aallaaviatigut immikkut siunnersortitut imaluunniit siunnersortit pisortaattut inuttalerneqassaaq. Qinnuteqartut pikkorissut misilittagakinnerusut aamma ilinniakkaminnik naammasserlaat aamma fuldmægtigitut atorfininnissamut periarfissaqarput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Sukumiinerusumik paasissutissat:
Atorfik pillugu annertunerusunik paasisaqarumaguit tikilluaqqusaavutit Inuussutissarsiornermut immikkoortortap pisortarigallagaanut Marte Lonamut saaffiginninnissannut atorlugu e-mail: mlon@nanoq.gl, oqarasuaat 346568 imaluunniit mobil 486746
Ulloq atorfiniffissaq tassaavoq 1. april 2022 imaluunniit atorfinittussamut naleqquttumut isumaqatigiissuteqarnikkut.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia