sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Kalaallit Nunaanni Namminersorlutik Oqartussat AC-fuldmægtigissarsiorpoq Kalaallit Nunaanni Aalisarsinnaanermut Akuersissutinik Nakkutilliisoqarfimmut

Namminersorlutik Oqartussat

Nuuk
Ikkunneqarpoq: 03-12-2021
Piffissaq atuuffissaa naassaaq: 24-12-2021
Suliffissamut ID normut: LJA-83050816
Atorfeqarnermi atugassarititaasut: Tamakkiisoq
Suliassaqarfik: Aalisarneq & fabrikki

Kalaallit Nunaanni Namminersorlutik Oqartussat AC-fuldmægtigissarsiorpoq Kalaallit Nunaanni Aalisarsinnaanermut Akuersissutinik Nakkutilliisoqarfimmut
Qarasaasiakkut paasissutissanik katersuiffinnut tunngatillugu suliaqarnermik misilittagaqaruit, taava Kalaallit Nunaanni Aalisarsinnaanermut Akuersissutinik Nakkutilliisoqarfik (KANUAANA) nakkutilliisoqarfiup suliassarpassuinut pissanganartunut aaqqissuussamik suliaqarsinnaasumik suleqatissarsiorpoq.

Suliassat

  • KANUAANA-mi paasissutissanik katersinermi suliaqarnermilu ineriartortitsinermut, uppernarsaasiornermut malitseqartitsinermullu peqataaneq.
  • Angallatit nunatsinneersut avataaneersullu pisassiissutinik atuinerat, tunitsiveqarfiillu nalunaaruteqartarnerat il.il. malittarisassaanillu malitseqartitsineq.
  • Pisaqarnermut uppernarsaatinik EU-mut eqqussuinermi uppernarsaatinik akuersisarneq paasissutissanillu nalunaarsuineq.
  • Suleriaatsinik suliassanillu nutaanik pilersaarusiorneq ineriartortitsinerlu, umiarsuup allattaavii qarasaasiakkut atulersinneqarnerat unioqqutitsisinnaanerlu aallaavigalugu nakkutilliineq ilanngullugit.
  • Aalisarnermik nakkutilliinermi malittarisassatut siunnersuutinik inatsisiliornermillu suliaqarnermut peqataaneq, nunat tamat akornanni pisussaaffiit pillugit ilanngunniarlugit suliaqarneq nunanilu allani aalisarneq pillugu killilersuinerup ineriartorneranik malitseqartitsineq.
  • Nunat tamat akornanni ataatsimiinnernut isumaqatiginninniarnernullu peqataaneq.
AC-fuldmægtig aqutsisoqatigiinnut ilanngutissaaq.

Piginnaasat

Inummik tulluartumik sivisunersusumik ilinniagaqartumik sulisussarsiorpugut, makkunannga piginnaasalik
  • aaqqissuussamik, misissueqqissaarnermik, pilersaarusiornermillu suliaqarnissamut piginnaasalik.
  • qarasaasialerinermi atortunik ilisimasaqarluartoq, pingaartumik Excel, Word aamma PPT, aammali paasissutissanik katersuiviit, SQL aamma GIS pillugit misilittagaqarneq iluaqutaassaaq.
  • pisortaqarfimmi namminersortumiluunniit allaffissornermik misilittagaqarneq iluaqutaassaaq.
  • aalisarnermik atortuinillu il.il. ilisimasaqarneq iluaqutaassaaq.
  • qallunaatut tuluttullu oqaatsitigut allattariarsornikkullu piginnaasaqarluartoq.
Suleqataalluarsinnaaneq piumasaqaataavoq, suliassammi amerlasuutigut suliffiup iluani, avataani nunallu tamat akornannilu sammisaqarfiit akimorlugit aalisarnermik soqutigisaqartut suleqatigalugit ingerlanneqartarmata.

Naatsorsuutigaarput illit:
  • nammineersinnaasutit akisussaaffitillu ilisimaarigitit.
  • suliassat tunniusimallutit kinguneqarluartumillu naammassisassagitit.
  • persuarsiorfiunngitsumi tutsuiginartumilu sulinissamik kissaateqartutit.
  • politikkikkut aqunneqartumi sulinissaq piareersimaffigissagit.
Kissaatigaarput aamma illit:
  • inuiaqatigiinnut kalaallinut ilisimasaqassasutit inuiaqatigiinnilu pissutsinut paasisimasaqassasutit.
  • kalaallit qallunaatullu oqalussinnaasutit.
KANUAANA pillugu

Kalaallit Nunaanni Aalisarsinnaanermut Akuersissutinik Nakkutilliisoqarfiup (KANUAANA´p) Kalaallit Nunaanni aalisarnermik alapernaarsuinermik nakkutilliinermillu isumaginnittuuvoq. Kalaallit Nunaanni Namminersorlutik Oqartussat aalisarnermut piniarnermullu inatsisit eqquutsinnissaat qulakkiissallugu, aamma aalisarnikkut nunanik isumaqatigiissutit naapertorlugit malittarisassat atuutsinneqartut imaluunniit nunat tamat akornanni kattuffiit imaluunniit nunat tamat akornanni aalisarnermik isumaqatigiissutit ilanngullugit, KANUAANA-p pingaarnertut anguniagaraa. Aalisarnermut Piniarnermullu Naalakkersuisoqarfik qanimut suleqatigalugu sulineq ingerlanneqarpoq.

KANUAANA Nuummi qitiusumik allaffeqarpoq kiisalu Sisimiuni, Ilulissani Nuummilu pingasunik nunap immikkoortuini allaffeqarluni. Qitiusumik allaffimmi 14-it sulisuupput ikiortilu ataaseq, taakkua allaffissornermik, it nunallu tamat akornanni suleqatigiinneq kiisalu nakkutilliinermik immikkoortortaqarlutik, aalisarnermik alapernaarsuisut 13-it kiisalu nunap immikkoortuini allaffinni pingasuni aalisarnermik piniarnermillu nakkutilliisut katillugit 17-it.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut
 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia