Kivitsisami ineriartortitsinermut siunnersorti/Udviklingskonsulent i Kivitsisa

Qeqqata Kommunia

Ikkunneqarpoq: 27-11-2024

Piffissaq atuuffissaa naassaaq: 13-12-2024

Suliffissamut ID normut: 331601277

Atorfeqarnermi atugassarititaasut: Tamakkiisoq

Suliassaqarfik: Allaffik & allaffissorneq, Atuartitsineq & Meeqqerineq, Pisortani allaffissornikkut aqutsineq, Allat, Meeqqat & inuusuttut

Atorfiup taaguutaa: Konsulent, Udviklingskonsulent

Ilinniagaq:

Misilittakkat - Annertunerusumik: Kompetenceudvikling, Grafisk design,

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Kivitsisa kivitseqataaffigerusuppiuk? Ineriartortitsinermut siunnertissarsiorpugut suliamut tunngatillugu atuartitsinermi it-milu isumaliutigisassani tunniusseqataasinnaasumik aammalu allaffeqarfiup ulluinnaanut ingerlatsinermi suleriaatsinullu akisussaaffimmik annertuumik tigusisinnaasumik. Tassunga ilanngullugu teknikikkut piginnaasaqarneq, programinullu nutaanut ilikkarsinnaassuseqarneq aammalu nittartagalerisinnaaneq, ilinniarnissamut nittartakkakkut isertarfilerinermik piginnaasalik pissarsiariniarparput.

Kivitsisami - meeqqat atuarfii ataatsimoorlutik siunnerfilerniarlugit - kommunit tallimaasut ataatsimoorput – Ilinniarfissuaq, Ilinniartitaanermut Aqutsisoqarfik allarpassuillu qanimut suleqatigilluarlugit.

Kivitsisa atuartut uninngaannaratik misissuinikkut, pilersitsinikkut saqqummersitsinikkullu ilikkariartornernik tunngaveqarpoq. Atuartut issiaannartinnagit pinnguarneq aqqutigalugu ilinniartinniarpagut. Ingerlariaatsimut tassunga iPadit sakkussallu digitaliusut atortarpagut isumaqalersillugit – inimi atuarfiusumi, taassuma avataani, ilinniartitsisut akornanni sungiusaanermut suleqatigiinnermullu aammalu alimasissumit atuartitsinermi.

Ukiuni kingullerni arfinilinni angusaqaqaagut, maannalu ingerlariaqqissalluta. Aningaasaateqarfimmit ukiunut pingasunut taperneqarnermi suliassat soqutiginartorpassuit aallartinnissaat qulakkeerneqarput.

Nittartakkakkut, kommuneqatigiinnikkullu allaffeqarfimmiilissaatit Kivitsisap allaffeqarfiata pisortaata ataaniissallutit.

Suna pisariaqartipparput

Allaffeqarfiarannguuvugut, taamaammat suliassaararpassuarnik suliaqartartussaassaatit. Suliassaqarfitit pingasuusussaapput: It-mi atuartitseriaatsimi perorsaanermik atuartitseriaatsimillu ineriartortitsineq, teknikikkut/takussutissanik suliaqarneq allaffissornerlu.

Ineriartortitsinermut siunnersortip suliassai

• Perorsaanermik atuartitseriaatsimillu ineriartortitsineq:
• Kivitsisap ineriartortitsinermik suliarpassuinut perorsaanikkut avitseqatigiinnermut tunniusseqataaneq
• Atuartitsinermut siunnersortit ulluinnarni atuarfinni suliaqarnerini ikiornissaat
• Ineriartortitsinernut minnerusunut siuttuunissaq
• Nittartakkakkut isertarfiliatsinnut atugassanik videoliorneq, minnerusunik atortussiorneq aamma piginnaanertusaaneq

Teknikikkut/takussutissanik suliaqarneq:

• Kivitsisap nittartagaanik, nittartakkakkut isertarfiliaanik assigisaanillu ingerlatsineq ineriartortitsinerlu
• Takussutissarpassuarnik suliaqarneq atortussianillu ilusilersuineq aammalu avammut attaveqarneq

Allaffissorneq:

• Piginnaanertusaanerup, workshopertitsinerup, suliniutinik suleqatigiiffiusut, nalunaarusiornerit aammalu allaffeqarfiup aaqqissuussaanerata allaffissornertaanut akisussaaffimmik tigusineq

Takorloorparput:

• Ilinniartitsisutut assingusumilluunniit ilinniagaqartuusutit
• Kivitsisap ilinniartitsinermut eqqarsartariaasaanut ilinniarnissamullu nittartakkakkut isertarfiliaannut ilisimasaqartutit aamma misilittagaqarfigisimaneri iluaqutaassaaq
• Takusassiornermut, ilusilersuinermut assigisaannullu piginnaaneqartuusutit
• Allaffissornermut suliaqarsinnaalluartuullutillu nammineerlutit suleriaatsinik sakkussanillu nassaarsiorsinnaasutit
• Teknikimut pikkoriffeqarlutillu Showbie, Canva, Monday, Elementor, LearnWorlds, filminik- aamma assinik aaqqissuinermut sakkussanut aamma Excel atorsinnaagitit. 
• Suleqatiginnillaqqissuusutit
• Attaveqaqateqallaqqissuusutit – taakkulu kalaallisut, qallunaatut tuluttullu ingerlassinnaagitit kissaatiginarpoq

Piginnaanitit soqutigisatillu aallaavigalugit suliassat assigiinngitsut amerlanerusinnaapput ikinnerullutilluunniit.

Neqeroorutigaagut:

• Suliffeqarfik misileraaffiulluartoq ilinniaqatigiinnartorlu
• Suliffeqarfik nammineerlutit misileraanissannut inissaqartitsisoq, aammali suleqatiginissannut ikiornissannullu piareersimaffigissavatsigit
• Suliffik allanngorarsinnaasoq, nammineerlutit ullormik suliffissannik aaqqissuussiffigisinnaasat
• Nutaanik piginnaaneqalernissamut periarfissat pitsaasut

Akissarsiat atugassarititallu

Atorfiup sumiinnissaa atorfininneq sioqqullugu isumaqatigiissutigineqarsinnaavoq. Ulloq atorfiniffissaq piaarnerpaamik piffissarluunniit isumaqatigiissutigineqartoq naapertorlugu pissaaq. Atorfik ukiunut pingasunut killeqarpoq, sivitsornissaanulli periarfissaqarpoq.

Inissamik neqeroorsinnaanngilagut.

Akissarsiassaqarnermut atorfinitsitaanermullu atugassarititaasut Naalakkersuisut kattuffiullu pineqartup isumaqatigiinniarsinnaatitaasup akornanni isumaqatigiissutit naapertorlugit atuupput.

Atorfik pillugu erseqqinnerusumik paasissutissat Kivitsisap allaffeqarfiani aqutsisoq, Rune Nydam Bundgaard, telefon (+299) 594455 imaluunniit mail rune@kivitsisa.gl aqqutigalugit attavigineqarsinnaavoq.

Qinnuteqaat misilitsissimanermut uppernarsaatit, oqaaseqaatit, CV, pinerlussimannginnermut uppernarsaat aammalu paasiniaaviit ilanngullugit nassiunneqassapput.