sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kommuneqarfik Sermersooq

Kommuneqarfik Sermersooq ilinniartitsisumik pikkorissunik pimoorussilluartunillu Atuarfik Tuiisami immikkut atuartitsinermi atuartitsisussanik marlunnik 1. august 2024-mi aallartittussanik pissarsiorpoq / 2 dygtige og engageret lærere til specialundervis

Kommuneqarfik Sermersooq

Paamiut
Ikkunneqarpoq: 18-06-2024
Piffissaq atuuffissaa naassaaq: 09-07-2024
Suliffissamut ID normut: 331589623
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut
Atorfiup taaguutaa: Lærer
Misilittakkat - Annertunerusumik: Omsorgsarbejde, Samarbejde
Oqaatsit:
Danskisut Atuarneq/ oqalunneq
Kallaallisut Atuarneq/ oqalunneq

”Kommuneqarfik Sermersooq ilinniartitsisumik pikkorissunik pimoorussilluartunillu Atuarfik Tuiisami immikkut atuartitsinermi atuartitsisussanik marlunnik 1. august 2024-mi aallartittussanik pissarsiorpoq.

 

Atuarfeqarfimmut anguniagassatut takorluukkat ilaat tassaapput atuartut peqqissut, imminut tatigisut, alapernaatsut, pimassusillit annertuumillu takorluisinnaasusillit.

 

Atuarfik Tuiisaq ukiuni kingullerni 1. klassimiit 10. klassimut klassit ataasiakkaaginnaapput saniatigullu immikkut atuartitat klasseq ataaseq. Atuarfipput pingasunik immikkortortaqarpoq. Nukarliit 1.-3. klassit Akulliit 4.- 7. klassit Angajulliillu 8.- 10. klassit. Atuartut amerlassusaat ukiumut 140-150 akornanniikkajupput. Atuarfimmi sulisut ukuupput; Ilinniartitsisut 18-it, pisortaq, pisortap tullersortaa, allaffioq, pedel, pedel-illu ikiortua asaasullu atuarfimmi sulisuupput.

 

Ukiuni makkunani Atuarfik Tuiisaq nutartileruttorpoq, taamaattumik naammagittarsinnaassuseqarneq pitsaasuussaaq.

 

Atorfiup imarisai:

Ujartorpagut - misilittagaqareersinnaassut – ilinniartitsisut ilinniartitsitsisoqatigisaminnut akulerusimasut aammalu ilinniartitsisoqatigiit suliassaannik nakkutiginnissinnaasut.

·Immikkut ittumik atuartitsineq (Spec.und.)

·Atuartup ataatsip undervisningsplanianik nangitsitsinerit

·Ilinniartitsisoqatigiit ilagalugit ukiumut arlaleriarluni atuartut ataasiakkaarlugit naliliiffigisassallugit

·Pædagogisk møde-ni peqataasarnissat

·Sapaatip akunnikkaartuni ilinniartitsisoqatigiit ataatsimiinnerini peqataasarnissat

·Ataatsimut sammisassaqartitsinerni peqataasarnissat

 

Suliassat ilinniartitsisoqatigiit immikkoortortaqarfimmilu pisortaq qanimut suleqatigilluarlugit aaqqittarnissaat

 

Qinnuteqartumut ilimasuutigisat:

·Ilinniartitsusutut ilinniarsimasut

·Teamsini suleqataasinnaasut oqalliseqataasinnaalluartullu

·Suliassanut assigiinngitsunut isumassarsiullaqqissut- suleqatinilu suleqatigalugit nutaaliullaqqissoq.

·Immikkut atuartitsinermi atuartitsisinnaasoq

 

Pingaartipparputtaaq:

·Pimoorussilluarsimaneq

·Inituujuneq

·Akisussaassusilimmik suliaqarsinnaaneq

·Suliassat agguataarneqarnerisa inerlaavartumik allannortiterneqarneranni eqaatsumik periaaseqartarnissat

·Qajannaatsuujussaatit, pilersitsisinnaallutit, nukissaqarluarlutit piumassuseqarluarlutillu

·Suleqatigiuminartuussaatit

 

Neqeroorutigaarput:

Immikkoortortaqarfimmi malinnaafiginiuakkatsinni suliffik pissanganartoq, ineriartornermi nutaami malinnaaneq aammalu suni tamani suliatsinnik paasisimasaqarnerni pikkorissartuarnissaq.

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiup pisortaa Johanne Rosing Dahl, oqarasuaat +299 36 76 81 imaluunniit e-mail: jord@sermersooq.gl

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

 

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

Akissarsiatnut atorfinitsitsinermilu tunngasut:

Namminersorlutik Oqartussat IMAK.killu akornanni isumaqatigiissutit naapertorlugit akissarsiaqartitsisoqassaaq atorfinitsitsisoqarluniluunniit imaluunniit Kattuffiit arlaat attuumassuteqartut isumaqatigiinniarnissamut periarfissallit aqqutigalugit atornitsitsisoqarsinnaavoq.

 

Atorfinitsitsinermi qaammatit siulliit pingasut misiligutaaqqaassapput.

 

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit 
www.iserit.gl qimerloorneqarsinnaavoq.

 

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

Qinnuteqaat:

Qinnuteqaat qulequtserlugu Atorfiup ilisarnaataa 635-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 9.-at, 2024

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia