Kommuneqarfik Sermersuumi Sulisoqarnermut Attaveqaqatigiinnermullu immikkoortortami siunnersort / Udviklings- og Uddannelseskonsulent med flair for kommunikation i Kommuneqarfik Sermersooq
Kommuneqarfik Sermersooq
Nuuk
Ikkunneqarpoq: 01-10-2024
Piffissaq atuuffissaa naassaaq: 22-10-2024
Suliffissamut ID normut: 331600693
Atorfeqarnermi atugassarititaasut: Tamakkiisoq
Suliassaqarfik: Allat
Atorfiup taaguutaa: Konsulent
Misilittakkat - Annertunerusumik: Samarbejde, Selvstændig, Ansvar
Oqaatsit:
| Danskisut |
Atuarneq/ oqalunneq |
| Kallaallisut |
Atuarneq/ oqalunneq |
Sulisussarsiorneq: Kommuneqarfik Sermersuumi Sulisoqarnermut Attaveqaqatigiinnermullu immikkoortortami siunnersorti
Ineriartortitsineq ilinniartunillu aqqutissiuussineq uummateqarfigaagit? Suleqatigiinneq pillugu pitsaasumik maluginiaallaqqissuseqarpit kissaatigaajullu Kommuneqarfik Sermersooq suliffeqarfinngussasoq suli pitsaanersoq? Taava Illit tassaavutit Sulisoqarnermut Attaveqaqatigiinnermullu immikkoortortami siunnersorti ujagarput!
Atorfik pillugu
Sulisoqarnermut Attaveqaqatigiinnermullu immikkoortortami siunnersortitut suleqatigiinni tunniusimasuni qitiusutut peqataassaatit, illit Kommuneqarfik Sermersooq tamakkerlugu Sulisoqarnermut Attaveqaqatigiinnermullu suliniutinut ineriartortitsinermullu siunnersuisutut atorfeqassagavit. Uagut ineriartortitsinermik suliniutitta pitsanngorsarneranni illit pingaarutilimmik atuuffeqassaatit aamma qulakkiissavat sulisussat pitsaanerpaat kajumissuseqalersinnissaat, ineriartornissaat tigummiinnarnissaallu. Saniatigut ilinniartitsinermut ineriartortitsinermullu siunnersortaativut siunersiueqatigisartagaattut atuutissaatit soorluttaaq kommunimi aqutsisut sinneri qanimut suleqatigissagitit.
Suliassatit ilaatigut makkuussapput:
- Sulisoqarnermut Attaveqaqatigiinnermullu immikkoortortami ineriartortitsineq
- Siunnerfilimmik ineriartortitsineq aamma ineriartortitsinermik sammisat atuutsilersinneqarnerannik suliaqarneq
- Ilinniartitaanermut siunnersortimik siunersiueqatigiinnerit piginnaasanik aamma ilinniakkanik aaqqissuussinermut ineriartortitsineq pillugu
- Sulisunik peqataatitsineq kajumissaarinerillu aqqutigalugit sullivimmi avatangiisit pitsaasut qulakkeerneqarnerat
- Kommunip tamakkiisumik periusissiaanut tapertaaneq sulisunik pikkorissunik kajumilersitsinissamut tigumminniinnarnissamullu
Aqutsinermut piumasaqaatit
Illit atuuffippit piumasaqaatigaa, sulisut suliaminnut atatillugu suliniutaat soorluttaaq ilanngussaat aallaavigalugit illit angusaqarnissannut kajumissuseqassasutit. Sulisunut sullivimmi avatangiisit pitsaasut pilersinnissaat aamma pingaartitaraatit. Aqutsisutut atuuffik pimooruppat aamma sulisunut maligassiuisutut atuuffeqarnerit.
Naatsorsuutigaarput illit:
- Illit sulisoqarnermut, ineriartortitsinermut aamma immaqa attaveqaqatigiinnermut patajaatsumik misilittagaqartutit
- Eqimattani akuusinnaavutit suleqatigiinnermut piginnaasaqarluarlutit aamma suleqatinnut kajumissaarillaqqissuuvutit
- Nukissaqarluarputit pitsaasumik isiginnittaaseqarlutit illit avatangiiserisannut tunillaassuuttumik
- Ulluinnarni ulapaarfiusuni pilersaarusiat aamma suliassarpiaasut akornanni oqimaaqatigiissumik suleriaaseqarputit
-Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Neqeroorutigaagut:
Atorfik pissanganartoq unammilligassalik, illit immikkoortortami aamma kommunimi tamarmi sunniuteqaqataanissannut periarfissaqassaatit. Suliffeqarfimmi suleqatigiinnermik, ineriartornermik aamma nalerisimanermik annertuumik pingaartitsiffiusumi peqataalissaatit. Atorfimmi atugassarititaasut eqaatsut aamma sulisutut soorluttaaq inuttut ineriartornissamut pitsaasunik periarfissaqarneq neqeroorutigaavut.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Sulisoqarnermut Attaveqarnermullu pisortaq Rosannguaq Rossen, oqarasuaat +299 36 70 66 imaluunniit e-mail: roro@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1012-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.