sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Kommunikationsmedarbejder/webmaster - Kommunikationsafdeling

Avannaata Kommunia

Ilulissat
Ikkunneqarpoq: 26-01-2022
Piffissaq atuuffissaa naassaaq: 16-02-2022
Suliffissamut ID normut: LJA-83287896
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, IT & tusagassiuutit

Tusagassioriaatsit assigiinngitsut atorlugit sulerusuppit saniatigullu nittartakkap aammalu attaveqatigiinnermi atortut allat imaannik nutarterinermik suliaqarlutit, taava imaassinnaavoq illiusoq Avannaata Kommuniani attaveqatigiinnermut immikkoortortami Ilulissaniittumi pisariaqartitarput.

Attaveqatigiinnermut immikkoortortaq nutarsaanissamut ikaarsaariaqqajaavoq, illillu tusagassioriaatsit suugaluilluunniit atorlugit tusagassiisinnaanermut siunnersuuteqartarnissannut periarfissaqassaatit – soorlu nittartakkamut intranetimullu nutaarsiassaliorlutit allatigulluunniit allaaserinnillutit imaluunniit aamma pisariunerulaartunik radiokkut tv-kkullu aallakaatitassiornernik suliaqarlutit. Susassaaleqinavianngilatit tassami pingaartumik nittartakkap attaveqatigiinnermilu atortut allat imaannik nutarsaaneq isumagisartussaavatit.

Attaveqatigiinnermut immikkoortortaq marlunnik sulisoqartussatut aalajangigaavoq.

Immikkoortortami suliassani kommunimi najugaqarfiit 25-t aallaaviusarput, taakkunannga illoqarfiit sisamaallutik.

Naatsorsuutigaarput illit:

  • Tusagassiortutut imaluunniit attaveqatigiinnermut ilinniarsimasuusutit aammalu attaveqatigiinnermi nittartagalerinermik allanillu suliaqarnissamut misilittagaqartuusutit
  • Tusagasseeriaatsit assigiinngitsut atorlugit allaaserisaqarneq nutaarsiassalerinerlu misilittagaqarfigaatit
  • Kalaallisut qallunaatullu allaaserinnillaqqipputit, pitsaassaarlu aamma tuluttut piginnaasaqaruit
  • Radioliorneq tv-liornerlu misilittagaqarfigaatit
  • Nittartagalerinermi Sitecore aammalu attaveqaqatigeeriaatsit allat ilisimasaqarfigaatit
  • Aalajaatsuuvutit tunniusimasuullutillu
  • Suliassat assigiinngitsut paarlakaajaassinnaallugit suleriallaqqissuuvutit
  • Ulapaarfiup nalaani eqqissisimasinnaavutit

Suliassatit ilaatigut makkuussapput:

  • Suliffeqarfimmit avammut suliffeqarfiullu iluani nutaarsiassalerineq
  • Radiokkut tv-kkullu nutaarsiassalerineq aallakaatitassiornerlu
  • Attaveqatigiinnermi atortuni atugassanik assiliinermik suliaqarneq
  • Oqalugiaatissanik allanneq
  • Kommune pillugu saqqummiussassanik allallutillu saqqummiineq
  • Paasititsiniutinik aaqqissuillutillu ingerlassineq, soorlu ilinniagaqarnissaq pillugu paasititsiniaaneq, innuttaasunik ataatsimiisitsineq il.il.
  • Power Point atorlugu saqqummiussassaliorneq
  • Nittartakkap, intranetip, allagarsiigasuartaatit aammalu Facebookip imaannik nutarsaaneq.

Annertunerusumik paasisaqarusukkuit attaveqatigiinnermi suleqat Nta Jul Larsen attavigisinnaavat ukunatigut: Oqarasuaat +299 38 76 87, e-mail: njla@avannaata.gl

Akissarsiat atorfininnermilu atugassarititaasut

Akissarsiat atorfininnermilu atugassarititaasut Namminersorlutik Oqartussat aammalu kattuffiup isumaqatiginninniarsinnaatitaasup akornanni isumaqatigiissutaasut atuuttut malinneqassapput.

2022-mi Marts-ip 1-ani atorfininnissaq imaluunniit isumaqatigiissuteqarneq malillugu kissaatigineqarpoq.

Atorfininnermut atatillugu inissaqartitsisoqassaaq, tamatumani attartortutut akiliinerit iserternermi qularnaveeqqusiinerit il.il. maleruagassat atuuttut malinneqassapput. Atorfininnermut atatillugu inissat tungaasigut utaqqisinnaasoqarnera pissutigalugu aallaqqaammut utaqqiisaasumik inissinneqarallarnissaq naatsorsutigineqassaaq.

Qinnuteqarneq

Qinnuteqarneq, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeersimanermi takussutissat il.il. kingusinnerpaamik pingasunngorneq 16. februar 2022, apuutereersimassapput, nassiuteqquneqarlutillu Avannaata Kommuniata nittartangaa: Avannaata.gl/ledige-stillinger iserfingalugu allagarsiussami "Atorfik una qinnuteqarfigiuk" toorneratigut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia