Piniarnermut aallaaniarnermullu immikkoortortaqarfik Aalisarnermut Piniarnermullu Naalakkersuisoqarfiup, nunatsinni pisuussutit uumassusillit iluaqutiginiarneqarnerisa aqunneqarnerannik suliassaqarfiusup, ilagaa. Immikkoortortaqarfik inuttaligaavoq immkoortortami pisortaq 1, specialkonsulent 1, AC-fuldmægtigit 4-t aamma afdelingsleder1 kiisalu konsulenteq 1.

Suliffeqarfimmi naalakkersuinikkut aqunneqartumi pisuussutinik uumassusilinnik piniarnermik aqutsinermik suliaqarusuppit, piginnaasannillu Kalaallit Nunaanni inuussutissarsiutit pingaarnersaannik piujuartitsinissamik tunngaveqarluni ineriartortitsinissamik qularnaarinermut ilisimasanit atuerusullutit? Kalaallit Nunaanni aalisarneq piniarnerlu naalakkersuinikkut eqqumaffigineqartorujussuuvoq, nunami namminermi nunanilu tamalaani soqutigisallu imminnut aporaattartut naammattoorneqartarmata, malinnaaginnarsinnaanissaq pisariaqartarluni.

Siunnersortitut atorfik allaffissornikkut atorfiuvoq, kommuninut kommuniniillu annertuumik attaveqarfiusartoq, taamaattumillu atorfimmi attaveqaqatigiissinnaanermut piginnaaneqarnissaq aamma iluaqutaassalluni.

Suliassat

• Naalakkersuisoqarfimmut, kommunenut avataanilu suleqatitsinnut il.il. piniakkat pillugit paasissutissaasivimmiit (fangstdatabase) suliaqarneq.
• Tuttunik, umimmannik, arfernik angisuunik, qilalukkanik qernertanik qaqortanillu, nannunik aavernillu immikkut pisanik nalunaarutinit pitsaassusaannik eqqanaarineq, paasissutissanik nakkutilliisoq, qarasaasianut immiussisarnissaq akisussaaffigissavat.
• Immikkut pisanik nalunaarutini amigaatit piniagassanillu killilersukkanik pisassiissutinik aammalu piniakkanik killilersugaanngtsinik atuineq pillugit kommuninut kommuneniillu attaveqartarneq akisussaaffigalugu.
• Naalakkersuisoqarfiup piniarnermik allagartaqarfianut ikiortaanissaq.
• Immikkoortortaqarfiup iluani aqutsinermut suliassat allat minnerusut.

Piginnaasassat

• Nammineersinnaassaatit akisussaassuseqarlutillu
• Aaqqissuussamik peqqissaartumillu sulisinnaaneq
• Suleqatikkuminarneq qiimasuunerlu
• Paasissutissanik qarasaasiakkut, taassuma ataani annertunerusumik inissisimasumi excel-regneark suliaqarnermik, minnerunngitsumik databasinik atuinissamut soqutigisaqarneq aamma pikkoriffeqarneq,
• Qarasaasiat atorlugit allakkanik aqutseriaatsimik F2-mik aamma allat IT-systeminik ilisimasaqarnissaq.

Attavigisassat/ilisimatitsissutit:
Atorfik pillugu annertunerusumik paasisaqarusukkuit immikkoortortaqarfimmi pisortamut Amalie A. Jessen oqarasuaatikkut attaveqarnissamut tikilluaqqusaavutit  + 299 34 53 04 imaluunniit e-mail: amalie@nanoq.gl

Namminersorlutik Oqartussat pillugit paasisaqarnerorusukkuit, paasissutissat allat www.naalakkersuisut.gl-imi, atorfiit inuttassarsiussat ataani atuarsinnaavatit.

Qinnuteqaat
Qinnuteqarnissamut killigititaq tassaavoq ulloq 03. september 2024.

Atorfininneq pissaaq 1. oktober imaluunniit isumaqatigiinnikkut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.