sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Kontorfuldmægtige/allaffimmiut

Namminersorlutik Oqartussat

Nuuk
Ikkunneqarpoq: 02-06-2020
Piffissaq atuuffissaa naassaaq: 26-06-2020
Suliffissamut ID normut: LJA-80374414
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Niuernermik Ilinniarfik ilinniarfiuvoq ineriartorluartoq. Taamaattumik peqataarusuppit?

Kalaallit Nunaanni Niuernermik Ilinniarfik qajannaatsumik aalajaalluartumillu tunngaveqarluni ilinniarfiuvoq – taamaattumillu assigiinngitsorpassuarnik inuussutissarsiuteqarnerup tungaatigut neqerooruteqartarluni.
Anguniagaraarput Kalaallit Nunaanni inuussutissarsiutinut ineriartortitsinermi ilisimasanut, misilittakkanut, niuernermullu tunngasunik qitiulluarluni ingerlaaseqarnissaq.
Ataqatigeeqqissaarluta piumassuseqarluta ineriartortitserusullutalu suleqatigiiuvugut, tassani tatigeqatigiinneq, suleqatigiilluarneq, nutaanik eqqarsarneq kiisalu ilinniakkat iluanni isumassarsiortuarfimmi inissisimalluta.
Kalaallit Nunaanni Niuernermik Ilinniarfik siunissaq eqqarsaatigalugu pissanganartorpassuarnik suliniarfiuvoq. Taamaattumik maannakkut allaffimmiunik (kontorfuldmægtig-nik) marlunnik pissarsiorpugut, ilinniartunut kiffartuussisinnaasumik.   
 
Makkua suliassarissavatit…
Kontorfuldmægtigitut suliassarissavatit qarasaasiakkut Lectio, MIT Perspektiv kiisalu It-reg, aammalu ilinniartut pillugit suliat suliarisinnaassallugit soorlu ilinniakanik aallartitsinerit, unititsigallarnerit, huslejefritagelse-i allarpassuillu. Tamakkua saniatigut IRIS-ilerineq, aningaasartuutinut tunngasut suliaralugit kiisalu naatsorsuutinut allattuinerit akissarsiallu suliarineqartassapput.
Ilinniarfiup allaffimmiui allat peqatigalugit ilinniartunik sulisunillu sullissinerit. suliassallu takkussortut ilanngullugit isumagisassallugit.
Kontorfuldmægtigitut suliassat tassaassapput ilinniakkat Kalaallit Nunaanni, Danmarkimi kiisalu Campus Kujalleq, Majoriaq, ilinniagaqarnersiuteqartitsivillu suleqatigisassallugit.
Suliffigisassat Niuernermik Ilinniarfiup ilinniartunik saaffiginnittarfianiissaaq tassani ilinniagaqartunut attaveqaatit qanittumik suleqatigineqassapput, ilinniartunut siunnersuisartut, ilinniartunullu qullersaasut suleqatigissallugit.

Kissaatigaarput…
Ammasuussasutit saaffikkuminartuullutillu, STI/TNI-mi ilinniagaqarsimassasutit arlaatigullu qullasinnerusumik ilinniaqqissimassasutit assersuutigalugu EVU/AU-luunniit, kiisalu MS Office 2013 Namminersorlutik Oqartussat qarasaasiaasa ataqatigiimmik aaqqissuussaanerat misilittagaqarfigilluassallugit.
Inatsisit suliassamut tunngassuteqartut ilisimaarilluassallugit, kiisalu kalaallisut qallunaatullu oqalussinnaallutillu allassinnaassasutit.
Minnerunngitsumik atorfissaqartipparput kontorfuldmægtigitut nammineerlutit sulisinnaanissat, suliassanut tamakkiisumik isiginnissinnaassuseqarnissat, tassami suliffimmi ineriartortuartumi suleqatinnut ilinniartunullu aqutsisinnaaniassagavit. 

Akerlianik makkua pisinnaavatit .…
Piffissaq tamakkerlugu atorfik ilinniarfimmi pitsaasumi ineriartorfiulluartumiittoq.   
Suliffik pissanganartunik unammillernartulik suleqatinik pikkorissunik tunniusimalluartunik ineriartortitserusuttunillu suleqarfiusoq, Ulluinnarni sulinermi qiimaneq takornartaanngilaq aammalu suliffik sulisunut ineriartortitsinissamut periarfissiisoq, soorlu ukununnga: aqqutissiuussinermi ilinniagaq(studievejledergrunduddannelse) Inatsisit malillugit sullissisutut (JUSA) il.il.

Sapaatip akunneranut nal. ak. 40 tiimit suliffiuvoq. 1. juli 2020 aallarnerfigalugu atorfinititsisoqassaaq, imaluunniit piaartumik isumaqatigiissuteqarnikkut.   

Annertunerusumik paasisarniaraanni
Atorfik ilinnut tulluartuusorigukku paasisaqarnerorusukkuillu uunga saaffiginnissinnaavutit: Immikkortortami aqutsisoq Rosa A. Mørch oqarasuaat 342556 imaluunniit e-mail atorlugu: roam@ninuuk.gl.
Aamma Niuernermik Ilinniarfik pillugu paasiniaasinnaavutit nittartakkamut uunga iserlutit: www.ninuuk.gl

Qinnuteqarnissaq
Qinnuteqaatit nassiunguk, ilinniagaqarsimanermut uppernarsaatit aammalu pinerlussimannginnermut uppernarsaat ilanngullugit, Kingusinnerpaamik 25. juni 2020. Qinnuteqarfik naappat qinnuteqaatit misissorneqassapput, oqaloqateqarnerillu aallartillugit, taamaattumik ullumimiik qinnuteqarit.

Tusarfiginissat qilanaaralugu!

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia