
Kontorleder / Allaffimmi pisortaq / Office manager
Ikkunneqarpoq: 21-01-2025
Piffissaq atuuffissaa naassaaq: 21-04-2025
Suliffissamut ID normut: 331601717
Atorfeqarnermi atugassarititaasut: Tamakkiisoq
Suliassaqarfik: Assassorluni sulineq & sanaartorneq
Atorfiup taaguutaa: Kontorleder
Misilittakkat - Annertunerusumik: Budget
Oqaatsit:
Danskisut |
Atuarneq/ oqalunneq |
Tuluttut |
Atuarneq/ oqalunneq |
Kallaallisut |
Atuarneq/ oqalunneq |
Pennecon sanaartornermut, suliffissuaqarnermut, kiffartuussinermut aserfallatsaaliuinermullu aamma umiarsualiveqarnermut tunngatillugu ataqatigiissumik aaqqiissutissanik tuniniaanermi siuttuusuuvoq. Canadami tamarmi sulisuutigut eqiasuillutik suleqatigiipput, suliniutinilu ajornakusoornerpaani avatangiisinilu unamminiarnartuni angusaqarluarnissamik aallussilluarlutalu aalajangiusimanninnerput ataasiussuseqalissutigaarput. Suliniutitsinnut assigiinngitsunut eqeersimaartunik, piumassuseqartunik nutaaliorlunilu isumassarsiumasunik suleqataasinnaasunik ujartuivugut.
Pennecon pikkorissunik sulisussarsiorpoq Qaqortumi mittarfissualiorfimmi, Kalaallit Nunaata kujataani.
Suliniummi tamatumani suleqataajumalluta piumassuseqartunik piginnaanillit teknikkikkullu piginnaasalinnik ujartuivugut.
Atorfik: Allaffimmi pisortaq
Sumiiffik: Qaqortoq, Kalaallit Nunaat
Avinngarusimasuni sumiiffinnilu allanngorartuaannartuni atortunik oqimaatsunik suliaqarnermi ilisimasaqarneq misilittagaqarnerlu atorfimmut tamatumunnga piumasaqaataapput.
Atorfeqartoq toqqaannartumik suliaqarnermi suleqataassaaq, suliffeqarfiup isumannaallisaanermut, pitsaassusermut avatangiisinullu tunngasut aaqqissuussinissaannut ikiortaasinnaasumik.
Suliassat makkua ilaapput:
- Akissarsiat allagartaanik suliaqarneq
- Pissutsit qanoq innerinik nalunaarusiortarneq, pisinissamut inniminniinerit, suliat ingerlanerinik nalunaarusiortarneq faktureriinerlu, neqeroorutit ingerlanerinik nalunaarusiortarneq, inissisimanerannik nalunaarusiortarneq, allakkanik toqqorsivilersuisarneq allakkanillu aqutsineq kiisalu sulisut paasissutissaannik aserfallatsaaliuineq.
- Allaffissornermi suliassat assigiinngitsut allat.
Atorfimmut piukkunnarnerpaaq ukuninnga piginnaasaqassaaq:
Ilinniagaqarneq misilittagaqarnerlu:
- Ukiuni 4-5-ini allaffimmi aqutsisutut misilittagaqarluarneq, naatsorsueqqissaarnermi najoqqutassianik ilisimasaqarluarneq ilanngullugit.
- Allaffimmiutut/niuernermik allagartaqarneq imaluunniit ilinniagaqarnermut suliffimmiluunniit misilittagaqarnermut assingusumik ilinniagaqarneq.
- Aaqqissuussillaqqissuuneq, attaveqaqatigiillaqqissuuneq qarasaasianillu atuillaqqissuuneq (MS-ip programmii tamaasa ilisimalluarlugit).
- Sulinermik isumannaatsumik ingerlatsineq aamma ISO 9001:2008 naapertorlugu qulakkeerinninneq/nakkutilliineq.
- Sanaartornermik suliaqarnermi misilittagaqarluarneq iluaqutaassaaq.
- Ajornartorsiutinik aaqqiilluarsinnaaneq aalajangiillaqqissuunerlu.
- Attaveqaqatigiilluarsinnaaneq inunnullu allanut attaveqarluarsinnaanermik piginnaaneq.
Isumannaallisaanermut piumasaqaatit:
- Ikiueqqaarnermut ilinniarsimasuusimanissaq iluaqutaassaaq
- Nakkarnermut illersornissamut ilinniarsimasuuneq iluaqutaassaaq.
Sulisarnermi piffissaliussat aamma atugassarititaasut:
- Nunani avannarlerni avinngarusimasumi sulineq
- Silami sulineq
- Inissaqartitsineq sumiiffimmi neqeroorutigineqarpoq, sanitigulli sanaartorfiup nalaani ineqarfissat sanaartorneqaleruttorput
- Atorfimmi piumasaqaataavoq suleriusissaq tasikannernerusoq, sanaartornerup sivikittup iluani suliniut siuarsarniarlugu piffissaq sivisunerusoq weekendillu ilanngullugit sulisoqartassaaq
Qinnuteqartut soqutiginnittut tamarmik CV-ertik aamma ilinniarsimasinnaanermut uppernarsaatitik qaqortoq-airport@pennecon.com-mut nassiutissavaat. Ajornanngippat, paasissutissat tuluttut allaqqasut nassiunneqassapput.
Pennecon naligiissitaaneq anguniarlugu iliuuseqartariaqarpoq, piumasaqaatillu eqqortillugit qinnuteqarsinnaasut tamaasa kajumissaarpai. Aappaatigulli erseqqissaatigissavarput, qinnuteqarnikuni toqqakkagut kisimik attavigineqassammat, soqutiginnillutilli qinnuteqartut tamaasa qutsavigisarpavut. Pennecon pillugu annertunerusumik paasisaqarniarussi, uani alakkarsinnaavusi: www.pennecon.com.