sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ledende Skolepsykolog MISI-Kujalleq

Kommune Kujalleq

Qaqortoq
Ikkunneqarpoq: 11-05-2021
Piffissaq atuuffissaa naassaaq: 13-06-2021
Suliffissamut ID normut: LJA-82084959
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut, Allaffik & allaffissorneq, Aqutsineq, Atuartitsineq & Meeqqerineq

MISI-kujallermut atuarfimmi tarnip pissusaanik ilisimasalimmik aqutsisussarsiorneq:

 

Atorfik inuttassarsiorneqartoq aggustip aallaqqaataa 2021 aallarnerfigalugu isumaqatigiissuteqarnikkulluunniit inuttalerneqassaaq.

 

Unammilligassarsiorpit, misilittagassarsiorpit imaluunniit kulturikkut misigisassarsiorpit? Suliffigiumaagassanni qulaaniillusoq qimerluuilluni ajornartorsiutinik aaqqiineruinnaanngilaq - tassami kujataani illoqarfittatta kusanartut akornanni kommunip meerartai ukioqanngitsuniit 18-it tikillugit ukiullit tikinniarlugit angalasarnissatit ulluinnarsiutaaleriaannaapput.  Taamaalilluta suliffik kissaatigisat neqeroorutigisinnaavarput.

 

Tarnip pissusaanik ilisimasalinnik kalaallit oqaasii kulturiallu aallaavigalugit tulleriiaakkanik sulisinnaasunik pissarsiorpugut.

Meeqqanut inuusuttunullu tunngatillugu perorsaanermik tarnikkullu suliassatigut misilittagalimmik nammineerluni sulisinnaassusilimmik aamma suliassanik assigiinngisitaartunik eqaatsumik suliaqarsinnaasumik pissarserusuppugut,

 

MISI-Kujalleq Qaqortumi angerlarsimaffeqarpoq, kujataanilu illoqarfinni pingasuni perorsaanikkut tarnikkullu siunnersuisarneq akisussaaffigalugu. Qaqortumi atuarfiit saniatigut Narsami aamma Nanortalimmi kiisalu nunaqarfinni illoqarfinnit taakkunanit akisussaaffigineqartuni atuarfiit kiffartuunneqartarput. Tamatuma saniatigut atualersussanut tunngasunut kiffartuussisoqartarpoq (meeqqat inuusuttullu ukioqanngitsuniit 18-it tikillugit ukiullit). Allaffik sisamanik sulisoqarpoq: Tarnip pisusaanik ilisimasallit aqutsisuat, tarnip pissusaanik ilisimasalik, immikkut ittumik atuartitsinermi siunnersorti aammalu allaffimmi fuldmægtigi.

 

Aaqqissuussaanikkut MISI-Kujalleq Atuarfeqarnermut, Meeqqeriveqarnermut Nutaaliornermullu Ingerlatsiviup ataani inissisisimavoq.

 

Suliassat:

  • MISI-Kujallermi aqutsineq suliassanillu agguaaneq.
  • Missingersuutinut sulisunullu akisussaaneq.
  • Ingerlatsiviup pisortaa suleqatigalugu atorfinitsitsinerit soraarsitsinerillu ingerlanneqartarnissaat.
  • Suleqatit allat peqatigalugit ingerlatsinerup pilersaarusiortarnissaa.
  • Suliffiup iluani avataanilu ineriartortitseqataaneq.
  • Siunnersorti aamma ikiuuttutut psykologi oqallisigeqatigeereerlugit immikkut atuartitsinermi tiimit atorneqartussat aaqqissuusseriaatsillu akuerineqarnissaat.
  • Suleqatit sulinngiffeqarnissaannut pikkorissarnissaannullu akuersineq.
  • Nammineq sulinngiffeqarnissaq pikkorissarnissarlu ingerlatsivimmi pisortamit akuerineqassapput. Ikiuuttut psykologip suliassaasa assingisa suliarinissaat (ataatungaani takukkit)
  • MISI-Kujallermi suleqatigiit ataatsimiinnissaannut akisussaaneq.
  • MISI-Kujalliup kommune susassaqarfinnullu attuumassuteqartunut akimut suleqatigiinnissamik akisussaaneq.
  • Sulianut tunngatillugu ilisimasanik naleqqussaaneq.
  • Tarnip pissusaanik immikkut ilisimasaqaqatigiilluni oqaloqatiinnikkut oqilisaanneq.
  • Nammineq suliarisimasat pillugit oqaloqatigiinnikkut oqilisaanneqarneq.

 

 

 

Meeqqanik pinerliisimannginnermut uppernarsaammik:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Atugarisat iluatinnartut tunngavigalugit atorfinitsitsineq

Atuarfinni tarnip pisusaanik ilisimasallit aqutsisuunerisa isumaqatigiissutaat atuuttoq kiisalu atorfinitsitsineq pissaaq Naalakkersuisut aamma IMAK-ip akornanni isumaqatigiissut 27. august 2014-imeersoq najoqqutaralugu. Qinnuteqartut nunatsinni tjenestemandioreersut eqqarsaatigalugit atorfinitsitseriaaseq una ingerlateqqinneqarsinnaavoq. Qinnuteqartut piukkunnaateqartut kajumilersinniarlugit sivisussusileriikkamik atorfininnermi immikkut atugassarititat tunngavigalugit atorfininnermi isumaqatigiissusiornissaq neqeroorutigineqarpoq. Ukiuni aalajangersimasuni atorfinitsinneqarnermi isumaqatigiissutip kinguneraa atorfeqalerernermi qaammatit aqqaneq-marluk qaangiutereernerini inatsisit atuuttut najoqqutaralugit atorfinitsinneqartoq taassumalu ilaqutai akiliunneqarlutik feeriarsinnaammata. Tamatuma saniatigut 1991-imi aningaasartat naapertorlugit atorfinereernerup kingorna ukiumoortumik soraarnermi immikkut pissarsiassaq 18.000 koruuninik nalilik tunniunneqartassaaq, taakkulu aningaasat kontumut matoqqqsumut ikineqassapput. Soraarnermi aningaasat immikkoortinneqartut soraarnerup kingorna tunniunneqassapput.

Inissamik tunisisoqarsinnaavoq, qularnaveeqqusiissullu inigisamullu akiliut il.il. malittarisassat atuuttut malillugit akilerneqassallutik. Inigisassavimmilli tunineqarnissamut utaqqinissaq naatsorsuutigisariaqassaaq inissaqarniarnermi pissutsit pissutigalugit, taamaammat utaqqiisaagallartumik inissikkallarneqarnissaq naatsorsuutigisariaqarumaarpoq.

 

Atorfimmut atatillugu sulilernissannut angalanissaq akilerneqassaaq, pequtillu angallanneqarnissaat maleruaqqusat atuuttut naapertorlugit akilerneqassallutik.

 

suliassaqarfinnut tuungasunik annerusumik paasisaqarusukkuit ingerlatsivimmi pisortaagallartoq Ruth Jakobsen attavigisinnaavat ugguuna: e-mail ruja@kujalleq.gl imaluunnuut aqutsisuugallartoq Leder Abbas Moaddab e-mail abmo@kujalleq.gl

 

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.il. PDF-filinngorlugit nittartakkakkut qinnutigineqassaa kingusinnerpaamik juunip 13-at 2021 imaluunniit uunga:

 

Kommune Kujalleq

Sulisoqarnermut Allaffeqarfik

Postboks 514

3920 Qaqortoq

job@kujalleq.gl

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia