sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ledende Socialrådgiver Handicap område

Kommune Kujalleq

Qaqortoq
Ikkunneqarpoq: 25-11-2022
Piffissaq atuuffissaa naassaaq: 05-12-2022
Suliffissamut ID normut: LJA-84283968
Atorfeqarnermi atugassarititaasut: Tamakkiisoq
Suliassaqarfik: Aqutsineq, Isumaginnittoqarfik

Inunnik Isumaginninnermut siunnersortit aqutsisuat:


Inunnik isumaginninnermut siunnersorti aqutsinermi misilittagalik innarluutilinnut suliaqarfimmi aqutsisussatut januaarip aallaqqaataaniit 2023isumaqatigiissuteqarnikkulluunniit atorfinittussamik inuttassarsiuunneqarpoq.  


Atorfik utaqqiisaagallartumik Qaqortumi inissisimavoq.


Kommune Kujalleq allannguinernik annertuunik ingerlatsivoq, sulianik suliarinninnermi pitsaassutsip suliatigullu qaffasissumik sullissisoqarnissaata qitiutinnissaa kissaatigaarput, taamaammallu isumaginninnermut siunnersortimik ineriartortitsinermut kivitseqataanissamullu peqataarusuttumik atorfinitsitsinissarput kissaatigalutigu. Immikkoortortami aqutsisoqarfiup- Oqartussaqarfiup qulakkiisavaa innarluutilinnut tunngasunut sullissineq malittarisassat atuuttut najoqqutaralugit ingerlanneqassasoq aammalu inunnut ataasiakkaanut tunngatillugu naliliinerit piviusut tunngavigalugit.


Naatsorsuutigaarput illit:

·Inunnik isumaginninnermi bacheloritut - inunnik isumaginnittutut - inunnik isumaginninnermi akunnermiliuttutut ilinniarsimasuunissaq.

·Innarluutilinnut inatsisinik ilisimaarinninneq misilittagaqarnerlu.

·Tamakkiisumik aqutsinermi misilittagaqartutit kiisalu sullissinermi annertuumik misilittagaqartutit. 

·Pitsaasumik suleqatiginnissuseqartutit, susassaqarfiillu akimorlugit suliffeqarfiup iluaniittunik avataaneersunillu suleqateqarsinnaassasutit.

·Allaffissornikkut aningaasaqarnikkullu suliassanik misilittagaqartutit.

·Attaveqatigiilluarsinnaassuseqarnissaq paasititsilluarsinnaassuseqarnerlu piginnaaneqarfigilluaritit  


Atorfiup imarisai ilaatigut makkuupput:

·Qaqortumi nunaqarfiinilu innarluutilinnut tunngatillugu suleqatinik ulluinnarni aqutsineq ataqatigiissaarinerlu.

·Malittarisassat atuuttut malillugit pitsaassutsimmik isumannaarinnittarnerit suliallu suliarineqarnissaat qulakkiissallugit.

·Immikkoortortami aqutsisoq alla peqatigalugu tunngaviusumik suliat qitiusumik suliarineqarnissaat ataqatigiissaassallugit qulakkiissallugillu. 

·Ingerlatsinermut tunngassuteqartuni maleruagassat naapertorlugit ingerlaavartumik ilinniartitsinerit uppernarsaanerillu qulakkiissallugit.

·Suleqataasup ilitsersorneratigut suliatigut ineriartornissaata qulakkeernissaa.

·Pisariaqartunut sullissinermi malitsiveqartitsinermilu inatsisitigut malittarisassat atuuttut malillugit suliarineqarnissaat qulakkiissallugit. 

·Aningaasaqarnermut immikkoortortaq qanimut suleqatigalugu missingersuutit akuersissutigineqarsimasut ikiuuffigissallugit nakkutigissallugillu kiisalu missingersuussionermi tunngavissat pillugit ikiuutissalluni.

·Immikkoortortaqarfimmi suleqatigiinnissamik ineriartortitsinermillu pitsaasumik pilersitseqataassalluni eqeersimaartumillu peqataassalluni.

·Sulisut allat peqartinnagit saaffiginnissutit tigusassallugit isumagisassallugillu.


Ilaatigut makku neqeroorutigineqarput:

Isumaginnittoqarfik tamaat aaqqissuuneqaqqinnissaa qangali kissaatigineqarpoq, massakkut innuttaasut pitsaanerpaamik sullineqarnissaat siunertaralugu aaqqissuusseqqinneq aallarnisarneqarlualereerpoq, matumanilu qinnuteqartoq atorfimmut tulluartoq sunniuteqarnissaminut, akisussaaffeqarnissaminut ineriartortitsinissaminullu sunniuteqassalluni periarfissaqarpoq, tamannalu pisinnaalluni immikkoortortami aqutsisoq alla pensioninut/utoqqarnut kiisalu isumannaallisaatitut tunniuttakkanut susassaqarfimmi akisussaaffeqartoq aammattaaq suleqatit pitsaasut qanimut suleqatigilluinnarnersigut. Sapaatip akunneranut akunnerit 40-t suliffiusarput.


Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu atorfinitsitsineq aatsaat pisinnaavoq kommune pineqaatissinneqarsimannginnermut uppernarsaammik pissarsereerpat. Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.


Akissarsiat atorfinitsitaanermilu atugassarititaasut, Kalaallit Nunaanni Namminersorlutik Oqartussani kommuninilu atorfilittut atorfiit immikkoortiterneqarnerat pillugit isumaqatigiissutit
atorfininnerup nalaani atuutsinneqartut naapertorlugit pissapput.

 

Atorfik pillugu annertunerusumik paasisaqarusukkuit suliassaqarfimmi pisortaq Maline Lyberth saaffigineqarsinnaavoq oqarasuaatikkut 645373 imaluunniit e-mailikkut: mall@kujalleq.gl


Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik  07. december 2022.


MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.


”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”



Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat