Logistikleder / Logistikkimut aqutsisoq / Logistics lead
Ikkunneqarpoq: 21-01-2025
Piffissaq atuuffissaa naassaaq: 21-04-2025
Suliffissamut ID normut: 331601714
Atorfeqarnermi atugassarititaasut: Tamakkiisoq
Suliassaqarfik: Assassorluni sulineq & sanaartorneq
Atorfiup taaguutaa: Logistikchef
Oqaatsit:
| Danskisut |
Atuarneq/ oqalunneq |
| Tuluttut |
Atuarneq/ oqalunneq |
| Kallaallisut |
Atuarneq/ oqalunneq |
Pennecon sanaartornermut, suliffissuaqarnermut, kiffartuussinermut aserfallatsaaliuinermullu aamma umiarsualiveqarnermut tunngatillugu ataqatigiissumik aaqqiissutissanik tuniniaanermi siuttuusuuvoq. Canadami tamarmi sulisuutigut eqiasuillutik suleqatigiipput, suliniutinilu ajornakusoornerpaani avatangiisinilu unamminiarnartuni angusaqarluarnissamik aallussilluarlutalu aalajangiusimanninnerput ataasiussuseqalissutigaarput. Suliniutitsinnut assigiinngitsunut eqeersimaartunik, piumassuseqartunik nutaaliorlunilu isumassarsiumasunik suleqataasinnaasunik ujartuivugut.
Pennecon pikkorissunik sulisussarsiorpoq Qaqortumi mittarfissualiorfimmi, Kalaallit Nunaata kujataani.
Suliniummi tamatumani suleqataajumalluta piumassuseqartunik piginnaanillit teknikkikkullu piginnaasalinnik ujartuivugut.
Atorfik: Logistikkimut aqutsisoq
Sumiiffik: Qaqortoq, Kalaallit Nunaat
Avinngarusimasuni sumiiffinnilu allanngorartuaannartuni atortunik oqimaatsunik suliaqarnermi ilisimasaqarneq misilittagaqarnerlu atorfimmut tamatumunnga piumasaqaataapput.
Atorfeqartoq toqqaannartumik suliaqarnermi suleqataassaaq, suliffeqarfiup isumannaallisaanermut, pitsaassusermut avatangiisinullu tunngasut aaqqissuussinissaannut ikiortaasinnaasumik.
Suliassat makkua ilaapput:
- Ulluinnarni atortussat nioqqutissallu nassiunneqarneri tiguneqarnerilu, nioqqutissanik atortunillu lagerimi sumiiffimmut aalajangersimasumut usilersorneq, usingiaaneq nuussinerlu, atortunillu inniminniinermut inissiinermullu ikiuuttarneq.
- Inniminniissutit tiguneqartut misissornissaat, aamma lagerimi pisiat tamarmik suliarineqarlutillu uppernarsarneqarnissaat qulakkeernissaa.
- Pissarsiat piumasaqaataasunut naapertuunnersut qulakkeerniarlugu atortussat tiguneqartut misissorlugit, atortullu suliamut piumasaqaatinut naapertuunnersut qulakkeerniarlugu immikkoortortaqarfiit allat ataqatigiissarlugit.
- Lagerimi eqqiluisaarfiulluarnissaannik qulakkeerinninneq, aalajangersimasumik ataavartumik aserfallatsaaliuinikkut.
- Ataavartumik lagerimi pisiarisimasanik tunniunneqarsimasunillu systemeqartitsineq, soorlu mærkilersuineq, pisatap suussusaanik ilisarnaasersuineq, nassaarineqarsinnaassusilersuineq, immikkoortiterinerlu pisattanik sinneruttunik.
- Qulakkeerlugu atortussat tiguneqartut suminngaanneernerat, normui allassimanersut, paasissutissallu taakku atortussat sinnerinut toqqortarineqartussanut ilanngunneqartartut.
- Atortussanik tamanik digitalimik nalunaarsuisarnerit pilersinnissaat attatiinnarnissaallu.
- Suliassanut aalajangersimasunut atortussat nioqqutissallu qanoq amerlatigisut pisariaqartinneqarnersut naatsorsorlugit, pisiortornermullu teknikkimullu immikkoortortaqarfimmut uppernarsaatit amigaataasullu nalunaarutigisarlugit.
- Pilersuinermi atortunik sumiissusersiineq
- Naatsorsuutigineqarpoq materialinik isumannaatsumik ingerlatsisinnaaneq aamma toqqorsisinnaaneq, tassunga ilanngullugit gaffeltruckinik palleløfterinillu isumannaatsumik ingerlatsisinnaaneq.
- Sulisut aqutsilluartumik nakkutigalugit suleqatinullu aqutsilluarsinnaaneq
- Akuerineqareernermi kingorna suliassanut pitsanngorsaataasinnaasunik atuutsitsinissaq.
- Sulisunik, sulisut akornanni attaveqarluarnermik aamma sullissinermik nukittorsaaneq kiisalu sullitanut pitsaasumik kiffartuussineq.
- Suliassat allat suliakkiunneqartut.
Atorfimmut piukkunnarnerpaaq ukuninnga piginnaasaqassaaq:
Ilinniagaqarneq misilittagaqarnerlu:
- Pilersuinermik/logistikkimi aqutsinermik allagartartaarsimasoq imaluunniit tamatumunnga assingusumik ilinniagaqarsimasoq (imaluunniit tamatumunnga assingusumik suliffimmi misilittagaqarsimasoq).
- Minnerpaamik ukiut tallimat misilittagaqarneq suliffimmut assigusumut
- Isumannaallisaanermut najoqqutassiat pillugit ilisimasaqarneq suliffimmilu isumannaallisaanermut tunngasunik atuutsitsilersinnaanermik piginnaaneq.
- Suliassanik aqutsillaqqissuuneq piffissaq eqqorlugu aningaasartuutissallu sinnerlugit sanaartornermik misilittagaqarluarneq.
- Ajornartorsiutinik aaqqiilluarsinnaaneq aalajangiillaqqissuunerlu.
- Attaveqaqatigiilluarsinnaaneq inunnullu allanut attaveqarluarsinnaanermik piginnaaneq.
- Suliassaqarfimmut aalajangersimasumut softwareprogrammit atortullu atorsinnaanissai
Isumannaallisaanermut piumasaqaatit:
- Ikiueqqaarnermut ilinniarsimasuusimanissaq iluaqutaassaaq
- Nakkarnermut illersornissamut ilinniarsimasuuneq iluaqutaassaaq.
Sulisarnermi piffissaliussat aamma atugassarititaasut:
- Nunani avannarlerni avinngarusimasumi sulineq
- Silami sulineq
- Inissaqartitsineq sumiiffimmi neqeroorutigineqarpoq, sanitigulli sanaartorfiup nalaani ineqarfissat sanaartorneqaleruttorput
- Atorfimmi piumasaqaataavoq suleriusissaq tasikannernerusoq, sanaartornerup sivikittup iluani suliniut siuarsarniarlugu piffissaq sivisunerusoq weekendillu ilanngullugit sulisoqartassaaq
Qinnuteqartut soqutiginnittut tamarmik CV-ertik aamma ilinniarsimasinnaanermut uppernarsaatitik qaqortoq-airport@pennecon.com-mut nassiutissavaat. Ajornanngippat, paasissutissat tuluttut allaqqasut nassiunneqassapput.
Pennecon naligiissitaaneq anguniarlugu iliuuseqartariaqarpoq, piumasaqaatillu eqqortillugit qinnuteqarsinnaasut tamaasa kajumissaarpai. Aappaatigulli erseqqissaatigissavarput, qinnuteqarnikuni toqqakkagut kisimik attavigineqassammat, soqutiginnillutilli qinnuteqartut tamaasa qutsavigisarpavut. Pennecon pillugu annertunerusumik paasisaqarniarussi, uani alakkarsinnaavusi: www.pennecon.com.