Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Maniitsumi trafikassistenti
Mittarfeqarfiit
Maniitsoq
Ikkunneqarpoq: 17-06-2024
Piffissaq atuuffissaa naassaaq: 17-07-2024
Suliffissamut ID normut: LJA-85550923
Atorfeqarnermi atugassarititaasut: Tamakkiisoq
Suliassaqarfik: Allat
Angallannermi assistentitut imaluunniit ilaasunik kiffartuussisutut ilinniarsimavit? Kiffartuussilluarnissallu pingaartippiuk? Ataatsikkut assigiingitsorpassuarnik suliaqarsinnaavit, allallu sulilluarnissaannik kaammattuisinnaavit? Taava Maniitsumi angallanermi assistentitut/allaffimmiutut atorfik ilinnut naleqqussimassaaq.
Suliassat:
Ulluinnarni ilaasunik nassatanillu suliaqarneq
Timmisartuutileqatigiiffiit suliassaannik sullissineq
Allaffissornermi suliassat
Piginnaasat:
Angallannermi assistentitut imaluunniit ilaasunik kiffartuussisutut imaluunniit allaffimmiutut ilinniarsimanissat kissaatiginarpoq
Kalaallisut, danskisut tuluttullu oqalussinnaaneq
Sullissilluarnissamik pingaartitsisuussaatit, tamannami sullissat pitsaanerpaamik paasissutissinneqartarnissaannut pisariaqarluinnarmat
Mittarfeqarfiit neqeroorutigaai:
Suliffik soqutiginartoq, ineriartortoq, sulisorisaminut pitsaasumik atugassaqartitsinissamik aammalu suleqatigiit suleqatigiilluarnissaannik pingaartitsisoq.
Sillimaniarnermi akuerisaaneq:
Suliffimmi atorfinissaguit piumasaqaataavoq sillimaniarnermi akuerisaasinnaanissat.
Taamaattumik pinerluttulerinermi nalunaarsuiffimmit takussutissiaq ilanngullugu nassiutissavat. Taanna najukkanni politiini imaluunniit www.sullissivik.gl aqqutigalugu pissarsiarisinnaavat.
Atorfeqarnermi atugassarisat:
Akissarsiat atorfeqarnermilu atugassarisat sulisut takkuffiannut isumaqatigiissut malillugu.
Paasissutissanik annertunerusunik pissarsigit:
Atorfik pillugu annertunerusunik paasisaqarusukkuit apeqqutissaqaruilluunniit Mittarfimmi pisortaq Daniel Lyberth e-mailikkut daly@mit.gl imaluunniit oqarasuaatikkut +299 382781 attaviginissaanut tikilluaqqusaavutit.
Apeqqutit tamanut tunnganerusut pillugit HR-imi immikkoortortaqarfimmut nassiunneqassapput: HR@mit.gl
Qinnuteqaat:
Atorfinitsitsiniarnermi eqqarsaatigineqartunut ilaassaguit qinnuteqaatit, cv ilinniarnermilu uppernarsaatit mailikkut ataani adressi atorlugu kingusinnerpaamik ulloq 14-06-2024 nassiutissavatit.
Qinnuteqaatit Emalikkut takkuttut tiguneq ajorpagut.
Mittarfeqarfiit - Grønlands Lufthavne Kalaallit Nunaanni mittarfinnik 13-inik helipadsinik 46-nik mittarfinnilu akunnittarfinnik marlunnik ingerlatsivoq. Suliffeqarfik aallarnerit minnerillu 60.000-t sinnerlugit sullitarisarpai, ukiumullu ilaasut 350.000-t sinnerlugit sullittarlugit. Sulisut 400-t missaniillutik nunatsinni suliffeqarfiit anerit ilagaat aammalu sulisutta suiffeqarfiullu ineriartortuarnissaat sulissutigisarparput. Taamaalilluta sullississutinik ilinniarnernillu arlalissuarnik neqerooruteqartarpugut, tamassumanilu inuiaqatigiit ineriartornerannut pitsaasumik taperseeqataasinnaalluta.