sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Mittarfeqarfiit

Maskinist i Elværket i Kangerlussuaq

Mittarfeqarfiit

Sisimiut
Ikkunneqarpoq: 14-07-2022
Piffissaq atuuffissaa naassaaq: 14-08-2022
Suliffissamut ID normut: 331237270
Atorfeqarnermi atugassarititaasut: Tamakkiisoq
Suliassaqarfik: Assassorluni sulineq & sanaartorneq
Atorfiup taaguutaa: Maskinist
Ilinniagaq: , , Skibsmontør
Misilittakkat - Annertunerusumik:
Oqaatsit:
Danskisut Atuarneq/ oqalunneq
Kallaallisut Atuarneq/ oqalunneq

Kiffartuussilluarneq, pitsaanerpaaffeqarfik, annertuumillu pimoorussineq Kangerlussuarmi innaallagissiorfimmi salliutinneqarput. Sulininni tamakku pingaartikkukkit maskinistitut inuttaligassaq ilimanassaq ilinnut naleqqutissasoq.

Ingerlatsinermut sulisoq / maskinisti ulluni suliffiusuni ingerlatsinermi isumaginneqataavoq, aammalu innaallagissiorfiup, imeqarfiup kiassaateqarfiullu ingerlatsiviini, ilanngullugillu taakkununnga atasutut ikiorsiissutitut atortuutini tunngasutut aserfallatsaaliuinermik suliaqarnermik ingerlatseqataalluni.

Innaallagissiorfimmi dieselmotoorit Waertsila pingasut ingerlatsisuupput, taakkununngalu ilisimasaqarneq iluaqutaassaaq, piumasaqaataanngilarli.

Silamiittarnissaq nuannarigukku Kangerlussuaq tassaavoq sumiiffik pissanganartoq, uumasoqarluartoq, tamaanilu umimmannik, tuttunik, teriannianik, kiinaaleeqqanik, nattoralinnik ukalernillu takusassaqartarpoq. Ukiup affaani ukiuunerani arsarnerit erseqqilluinnartut takusassaagajupput. Sakkutooqarfiusimanerup nalaanit aqqusinerpassuit mittarfiup eqqaani sumiiffimmut isorartuumut pisuinnaq, cykelerluni biilerluniluunniit angalasoqartitsisinnaapput, aammalu sermersuup eqqaani sermimut iigartartumut Russel’imut isikkiviliartoqarsinnaavoq.

Suliassat:

·Dieselmotoorit 25 kW-init 2000 kW-inut ingerlatsineq, misissuisarneq aserfallatsaaliuinerlu

·Kissarsuummik uuliatortumik, kiisalu røggaskedelinik misissuisarneq, saliisarneq aserfallatsaaliuinerlu

·Innaallagissiorfimmi, imeqarfimmi kiassaateqarfimmilu maannakkut suliassaasuni tamani isumaginneqataasarneq

·Innaallagissiorfinni, imeqarfinni kiassaateqarfinnilu ulluni tamani misissuisarnernik isumaginneqataasarneq

·Aggeqqusaasartutut pigaartoqarnermi aaqqiissummeeqataaneq

·Kiisalu teknikkimut immikkoortoqarfimmut attavilinni immikkoortoqarfinni allani siunertanut aalajangersimasunut suliassaqartarnissaq naatsorsuutigineqarsinnaavoq.

 

Piginnaasat:

·Maskinistitut/Maskinarbejderitut/Mekanikeritut/Skibsmontøritut/Maskinassistentitut ilinniagaqarsimaneq, dieselmotoorinik aserfallatsaaliuinermik ingerlatsinermillu misilittagaqartoq, SRO-mik ingerlatsivinnik ilisimasaqarneq iluaqutaassaaq

·Suliassarpassuarnut taakkununnga iluarinnittuulluni tunniusimasuullunilu tatiginartoq

·Pineqaatissinneqarsimannginnermik allagartaqartoq

·Sulinermi oqaatsit tassaapput kalaallisut aamma danskisut

·Biilersinnaanermut allagartamik nalinginnaasumik peqarneq.

Mittarfeqarfiit neqeroorutigaa:

Suliffik pissanganartoq, sulisutsinnut atugassarisanik pitsaasunik pingaartitsisoq, aamma suleqatigiilluarnermik pingaartitaqartoq. Suleqatigiit, tamarmik namminersuutigisaminnik – soorlulusooq suleqatigiittut – suliaqartartuusut peqataaffigilissavatit.

Isumannaallisaanikkut akuerisaaneq:

Atorfinitsitaaniaraanni politiinit isumannaallisaanikkut akuerisaasinnaanissat piumasaqaataavoq. Taamaattumik ilinnut tunngasutut pinerluttulerinermut nalunaarsuiffimmit naqitaq ilanngullugu nassiutissavat. Taanna najugarisami politeeqarfimmi pissarsiarisinnaavat, imaluunniit sullissivik.gl-ikkut pissarsiarineqarsinnaavoq.

Atorfinitsitaanermi atugassarisat:

Aningaasarsianut atorfininnermilu pissutsit sulisartut kattuffiannut attuumassuteqarmut tunngatillugit pissapput.

·Malittarisassiat atuuttut malillugit akiligassamik ineqartitaaneq

·Tamatuma saniatigut malittarisassiat atuuttut malillugit atorfininnermi akilikkamik angalatitaaneq, kiisalu pisattat assartornissaannut timmisartukkut 75 kg-nik, imaluunniit umiarsuakkut 200 kg-nik akiliuteqarnissaq neqeroorutaapput

·Suliffiup nalaa tassaavoq sapaatip akunneranut nal. akunneri 40.

 

Annermik paasisaqarit:

Atorfimmut apeqqutissaqaruit +299 52 46 10-ikkut David Dragømut attaveqarnissannut tikilluaqqusaavutit. Apeqqutit nalinginnaanerusut HR-imik immikkoortoqarfimmut saaffiginnissutaassapput, emailikkut hr@mit.gl allallutit.

 

Soqutigaajuk?

Kingusinnerpaamik ull. 14. august 2022-mi ataani linki aqqutigalugu qinnuteqaativit, CV-p, kiisalu ilinniarsimanermut uppernarsaatit tigunissaat qilanaaraagut. Atorfinitsitsinissamut tunngasunik oqaloqateqarnerit ingerlanneqartuassapput.

 

Qinnuteqaatit mailikkut tiguneq ajorpagut.

 

Mittarfeqarfiit Kalaallit Nunaanni mittarfinnik 13-inik helipadsinillu 46-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 400.000-it sinnerlugit kiffartuuttarlutigit. 400-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut. Mittarfeqarfiit 2017-imi ukiumi suliaqarfiunerpaatut suliffeqarfittut qinigaavoq.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat