sullissivik.gl
Atorfimmut ussassaarummut oqaatsinut allanut nuunniarlutit tooruk
kalaallisut (Kalaallit Nunaat)
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kommune Qeqertalik

Meeqqanik inuusuttuaqqanillu ilaqutaasunillu sulisussarsiorneq

Kommune Qeqertalik

Kangaatsiaq
Ikkunneqarpoq: 16-06-2020
Piffissaq atuuffissaa naassaaq: 12-07-2020
Suliffissamut ID normut: 330286367
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut
Atorfiup taaguutaa: Socialrådgiver
Misilittakkat - Annertunerusumik: Socialfaglig rådgivning
Oqaatsit:
Danskisut Atuarneq/ oqalunneq/ allanneq
Kallaallisut Atuarneq/ oqalunneq/ allanneq

Allagarsiuteqqitaq - Kommune Qeqertalik Kangaatsiaq

Meeqqanik inuusuttuaqqanik ilaqutaasunillu sullissisussarsiorpoq

 

Kommune Qeqertalik Kangaatsiaq inunnik isumaginnittoqarfimmi meeqqanik, inuusuttuaqqanik ilaqutaasunillu sullissisussarsiorpoq 1. august 2020 isumaqatigiinnikkulluunniit atorfinittussamik.

 

Suliassat akisussaaffiillu ilaatigut makkuupput:

  • Kommunip iluani meeqqat inuusuttuaqqallu inuunermikkut atugaat pillugit ornigulluni nakkutiginninneq aammalu meeqqanik inuusuttuaqqanik imaluunniit arnanik naartusunik ikiortarialinnik nalunaarutiginninneq.
  • Meeqqat inuusuttuaqqallu ilaqutaanullu tunngasunik saaffiginnissutinik tigusisarneq siunnersuinerlu. Ilaqutariinnik siunnersuineq, ilaqutariinnik oqaloqateqarneq aammalu meeqqanik inuusuttuaqqanillu oqaloqateqarneq.
  • Meeqqat inuusuttuaqqallu pillugit misissuineq inunnik isumaginnittoqarfimmi, peqqinnissaqarfimmi atuarfimmilu sulisut suleqatigalugit.
  • Inatsisit atuuttut malillugit meeqqanut inuusuttuaqqanullu iluaqusersuutaasinnaasunik nalilersuineq – tamassuma ataani tapersersorteqalernissamut innersuusiorneq aammalu angerlarsimaffiup avataanut inissiinissamut innersuusiorneq.
  • Ataatsimiititaliamut tværfagligimut Inunnik isumaginninnikkullu ataatsimiititaliamut iluaqusersuutit atornissaannut qinnuteqaasiorneq.
  • Meeqqat inuusuttuaqqallu kommunimiit tapersersortillit nakkutigalugit.
  • Meeqqat inuusuttuaqqallu ulloq unnuarlu paaqqinniffiusunut inissitanut aammalu kommunip avataani efterskolenut inissitanut nakkutiginninneq sullissinerlu. Tamassuma ataani meeqqanut inuusuttuaqqanullu inissitanut angajoqqaajusunut ilaqutaasunullu attaveqaataaneq.
  • Meeqqap/meeqqat/inuusuttuaqqat inissitaanerisa qaangiunnerini iliuusissanik isumaqatigiissutaasunik aallarnissaaneq nakkutiginninnerlu.
  • Kommunimit aammalu privat-imik angajoqqaarsiaatinneqartut nakkutigalugit tamassumap ataani angajoqqaarsiassatut akuersissutinik tunniussinermut utertitsinermullu innersuusiornerit.
  • Socialvagtiusarnermut peqataaneq.
  • Immikkut suliassanik assigiinngitsunik suliaqarneq.

 

Piginnaasat:

  • Socialrådgiveri imaluunniit Rådgivningsassistent ilaqutariinnik, meeqqanik inuusuttuaqqanillu sullissinermik misilittagalik.
  • HK-assistent meeqqanut inuusuttuaqqanullu sammisumik pikkorissarsimasumik imaluunniit naleqquttumik ilinniagalik.
  • EDB-mik atuisinnaasutut ilisimasalik.
  • Ataqatigiissaarisartoq, tatiginartoq, aalajaatsoq, peqqissaartoq suleqatikkuminartorlu.
  • Atorfinittussamut piumasaqaataavoq tarnikkut nukittunissaq.

 

 

 

Akissarsiatigut atorfeqartitaanikkullu atugassarititaasut:

Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

 

Atorfimmut atatillugu inissaqartitsisoqarpoq tassungalu atatillugu depositumi/illumut akiliut il.il. malittarisassat atuuttut malillugit akiliisoqassaaq.

 

Pinerlussimannginnermut aammalu meeqqanik pinerliisimannginnermut uppernarsaatit naammaginartut aallaavigalugit atorfinitsitsisoqassaaq. Meeqqanik pinerliisimannginnermut uppernarsaat atorfinitsitsisumit piniarneqassaaq atorfinittussap atsiorluni akuersineratigut, Naalagaaffiup politeeqarfianut piniarneqassalluni, pinerlussimannginnermut uppernarsaat qinnuteqartumit piniarneqassaaq atorfinitsitsisumullu tunniunneqarluni.

 

Annertunerusumik paasiniaasoqarsinnaavoq Kangaatsiami susassaqarfik INUIT aqutsisuugallartumut Sussi Adelholm oqarasuaat 70 19 00 imaluunniit suad@qeqertalik.gl saaffiginninnikkut.

 

Qinnuteqaat ilinniarsimanermut uppernarsaatit il.il. kopivinik ilalik siusinnerusukkullu  sulerisimanermik paasissutissartalik HR-eqarfimmut kingusinnerpaamik 12.juli 2020 tunniutereerneqarsimassaaq qulequtserlugu “Meeqqanik inuusuttuaqqanik ilaqutaasunillu sullissisussamut qinnuteqaat – Kangaatsiaq

 

Qinnuteqaat uunga nassiunneqassaaq:

e-mail: hr@qeqertalik.gl

 

Imaluunniit allakkatigut uunga:

 

Kommune Qeqertalik - Kangaatsiaq

B-478 Postboks 80

3955 Kangaatsiaq

 

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia