Meeqqanut Atuarfeqarnermullu Ingerlatsivik aningaasaqarnermi AC ilinniagartuumik sulisussarsiorpoq / Forvaltning for Børn og Skole søger en AC’er inden for økonomi

Kommuneqarfik Sermersooq

Nuuk

Ikkunneqarpoq: 11-12-2024

Piffissaq atuuffissaa naassaaq: 01-01-2025

Suliffissamut ID normut: 331601412

Atorfeqarnermi atugassarititaasut: Tamakkiisoq

Suliassaqarfik: Allat

Atorfiup taaguutaa: AC-fuldmægtig

Misilittakkat - Annertunerusumik: Samarbejde, Selvstændig, Ansvar

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Kommuneqarfik Sermersooq Meeqqanut Atuarfeqarnermullu Ingerlatsivimmi aningaasaqarnermi AC ilinniagartuumik sulisussarsiorpoq ulloq februaarip aallaqqaataani 2025 isumaqatigiissuteqarnikkulluunniit atorfinittussamik. Atorfik Atorfilittanut immikkoortortap ataani inissisimavoq, pisortarisaq qaninneq tassaalluni atorfilittanut pisortaq.

Meeqqanut Atuarfeqarnermullu Ingerlatsiviup ataaniipput Atuarfeqarnermut Immikkoortortaq, Ulluunerani neqeroorutinut immikkoortortaq, Sammisassaqartitsinermut Kulturimullu immikkoortortaq, Ineriartortitsinermut, Peqqissutsimik siuarsaanermut Pitsaaliuinermullu immikkoortortaq, Meeqqanik Inuusuttunillu Siunnersuisarfik - MISI kiisalu Atorfilittanut immikkoortortaq. Atorfilittanut immikkoortortaq aningaasaqarnermut akisussaasuuvoq, tassunga ilanngullugit aningaasaqarnermut ilutsit atorneqartut, naatsorsuutit missingersuusiornerlu, sulianik politikkikkut suliarineqartussanik saqqummiussinerit, suliniutinik ataqatigiissaarineq, pisariaqartitsinermik misissuinernik suliaqarnerit il il. Immikkoortortaqarfimmit ingerlatsiviup iluani immikkoortortaqarfiit tamaasa tapersersugarai allaffissornermik aamma missingersuusiornermik suliat eqqarsaatigalugit. Ingerlatsivimmi aningaasaqarnermi AC ilinniagartuutut atorfilittanut ilaassaatit ingerlatsivimmi suliassaqarfiit tamaasa akimorlugit suliassanik ingerlatseqataallutit.

Immikkoortortami aningaasaqarnermik suliallit marluupput, specialkonsulenti ataaseq, AC-fuldmægtigit pingasut, ilinniartutut ikiorti ataaseq, meeqqanut inuusuttuaqqanullu tulleriiaarisarfik, atorfilittanullu pisortaq.

Atorfiup imaa:

Aningaasaqarnermut suliassaqarfimmi AC ilinniagartuumik sulisussarsiorpugut suliassanik arlalinnik ingerlatsisussamik. Nukissatit missingersuutinik suliaqarnermut atorusuppigit? Aningaasaqarnermik ingerlatseriaatsinik paasiniaanernillu suliaqarusuppit? Suliamik aallaqqaataaniit naammassinissaata tungaanut namminersuutigalugu sulineq nuannaraajuk soqutigisaqaqatigiillu assigiinngitsut suleqatigalugit ataqatigiissaarisinnaavit peqataatitsillutillu? Taamaassappat illiussaaq ingerlatsivimmi atorfissaqartitarput? Sulisut pimoorussilluinnartut allat suleqatigisassavatit siunersioqatigisarlugillu.

Atorfik nutaajuvoq taamaattumik imarisassaanik immersueqataassaatit. Qularutigissanngilalli suliassatit assigiinngisitaartuunissaat. Atorfilittani ingerlatsivik akimorlugu suliassaqarfiit assigiinngitsut suliamik ingerlatsiffigineqartarput. Illit suliassavit ilaagissavaat missingersuutinik suliaqarneq (periarfissat allattorsimaffiat), siunertanik allaaserinninnerit, missingersuutinut akisussaasut aamma Aningaasaqarnermut Allatseqarfik suleqatigalugit naatsorsuutinut oqaaseqaatinik suliaqarneq. Suliarisassavatittaaq aningaasaqarneq pillugu missiliuutit, misissuinerit aamma ilusissat. Taakkua saniatigut ingerlatsivimmut tamarmut atuuttumik nakkutilliiuarneq aamma allaffimmi fuldmægtigi suleqatigalugu suliassanik takkussuuttunik allanik ingerlatsisassaatit.

Namminersorlutit sulianik ingerlatsissaatit kisianni ingerlatsivimmi sulisut tamaasa qanimut suleqatigissavatit aamma, taamaattumik pingaaruteqarpoq suleqatigiinnermut attaveqaqatigiinnermullu pitsaasumik piginnaaneqarnissat.

Qinnuteqartumut naatsorsuutigineqartut:

·Aningaasaqarnermik suliassaqarfimmi ilinniarsimassutsikkut tunuliaqarneq, ass. Inuussutissarsiutit aningaasaqarnerat

·IT-nik, ERP-mik aamma Excel-imik atugaqarluarsinnaasoq

·Suleriaatsinik digitaliusunik paasinnillaqqissuuneq

·Nalilersuisinnaassuseqarneq

·Aalajangiinerit ilisimasanik tunngaveqarluni ingerlanneqartarnissaannut suleqataanissamut kissaateqartutit

·Ulluinnarni suleriaatsinik pitsanngorsaanermik pisariillisaanermillu ingerlatseqataarusuttutit

·Kommunimi pissutsinut ilisimasaqarnissaq iluaqutaassaaq taamaattorli piumasaqaataanani

Taakkua saniatigut pingaartipparput, illit:

·Suliassanut nutaanut suliniutinullu ajunngitsumik isumaqarnissat

·Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat

·Nammineerlutit sulisinnaasutit, akisussaassuseqarlutit sullissiumatullutillu

·Tamakkiisumik takunnissinnaallutit ataatsikkut arlalinnik suliaqarsinnaasutit 

·Siumut isigisutit

·Aningaasaqarneq pillugu tamaginnut saqqummiussisinnaasutit, allakkatigut oqaatsitigullu

·Suliassat agguataarneqarnerisa ingerlaavartumik allanngortiterneqarneranni eqaatsumik periaaseqartutit

·Sulianik naammassinninniarluni ingerlatsinermut ineriartortitseqataallutit pitsanngorsaaqataallutillu peqataassasutit

·Ineriartortitseqataajumasoq, anguniagalik aamma suleqat

·Unammillernartunut alapernaatsoq - suliassanut piusunut aamma nutaanut

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Uagut neqeroorutigaavut:
Suliffik unammillernartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut. Suliffik kajungernartoq suliassaqarfimmut atasumik unammilligassarpassuaqartoq, suliffeqarfimmi suliamut tunngasumik piginnaasanik qaffasissunik pigisaqarfiusumi kommunillu sinnerani suliassaqarfippassuarnut attuumasunik sulineq. Atorfimmi matumani Atorfilittani suleqatit aamma ingerlatsiviup sinnerani sulisut qanimut suleqatigissavatit.

Atorfik ulloq naallugu suliffiuvoq Nuummiillunilu.

Paasissutissat sukumiinerusut uaniipput: https://sermersooq.gl/da

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Stabschef Charlotte Bech, oqarasuaat +299 53 79 21 imaluunniit e-mail: chbe@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1272-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.